Frjáls verslun - 01.08.2006, Side 212

212 F R J Á L S V E R S L U N • 8 . T B L . 2 0 0 6
1. Lærið um leiðtogahæfileika og
þróið þá með ykkur.
2. Enginn fæðist leiðtogi - menn
læra og tileinka sér leiðtoga-
hæfileika.
3. Leiðtogar vita á hvað þeir trúa.
4. Leiðtogar eru til að setja sér
og öðrum markmið.
5. „Ég hef mest lært um leiðtoga-
hæfileika með því að vinna fyrir
aðra og umgangast leiðtoga.“
6. Leiðtogar eru hugrakkir - en það
merkir alls ekki að þeir verði
aldrei hræddir.
7. Leiðtogar eru jákvæðir, gæddir
eldmóði og mjög hvetjandi. Þeir
leitast við að ráða einstaklinga
með þessa hæfileika í vinnu.
8. Leiðtogar verða að hafa lausnir
og þeir verða að geta boðið fólki
þessar lausnir.
9. Leiðtogar verða að eiga sér
drauma og mega ekki hlaupa
endalaust eftir almenningsálitinu
og skoðanakönnunum.
10. Leiðtogar þarfnast annarra -
þeir vita að árangur byggist á
liðsheild og hópvinnu.
11. Leiðtogar þurfa að undirbúa sig
stöðugt undir að takast á við
krísur. Þess vegna er mikilvægt
að þeir geri ráð fyrir öllu hinu
versta og séu með lausnir á tak-
teinum. Æfið ykkur og undirbúið
ykkur.
12. Leiðtogar verða að geta átt góð
samskipti við fólk. Það fylgir eng-
inn neinum sem er neikvæður og
niðurdrepandi.
13. Leiðtogar eiga sér drauma -
og þeir reyna að láta þá rætast.
14. Leiðtogar verða að halda ró sinni
í andstreymi.
15. Leiðtogar verða að vera á
staðnum og til staðar - þegar
hlutir fara á versta veg. Þeir
verða að bretta upp ermarnir og
vera fremstir í flokki við að leysa
vandann. Sýna fordæmi.
16. Leiðtogar verða að vera á
staðnum við að leysa krísur og
veita móralskan stuðning. Þeir
gefa fólki von.
17. Leiðtogar vita að það er hægt
að þjálfa sig í að vera jákvæður.
Þeir eru vel þjálfaðir í þeirri kúnst.
Að vera jákvæður er ákvörðun.
18. Leiðtogar umgangast fólk aldrei
eins og einhverjar tölur - heldur
sem mannverur.
F Y R I R L E S T U R
Hann ræddi um leiðtogana Gandhi og
Martin Luther King. Þeir áttu sér drauma um að
breyta heiminum. „Martin Luther King átti sér
þann draum að útrýma þrældómi og kynþátta-
fordómum á friðsamlegan hátt.“
„Leiðtogar eru hugrakkir - en það merkir
alls ekki að þeir verði aldrei hræddir og óttist
ekkert,” sagði Giuliani. Þá nefndi hann að góðir
leiðtogar yrðu að trúa statt og stöðugt á það sem
þeir væru að gera. „Þeir verða að eiga sér drauma
og mega ekki hlaupa endalaust eftir almennings-
álitinu og hvernig skoðanakannanir mæla þá
hverju sinni.“
„Leiðtogar verða að hafa lausnir og þeir verða
að geta boðið fólki þessar lausnir,” sagði Giu-
liani og bætti við að ógnvaldarnir Hitler og Bin
Laden hefðu getað boðið lausnir - hversu illvígar
sem þær annars hefðu verið.
Giuliani kom inn á það að sannir leiðtogar
kæmu málum í gegn á skrifstofu sinni - en ekki í
réttarsalnum. En Rudy er menntaður lögfræðin-
gur. Þarna á hann við að hinn sanni leiðtogi
kemur auga á og tæklar og afgreiðir erfið mál áður
en þau komast í óleysanlegan hnút. Hann verður
að vinna heimavinnu sína og vera undirbúinn.
Það hefur einkennt alla góða leiðtoga að
þeim hefur tekist að ráða til sín gott fólk sem
þeir treysta í hvívetna. „Þetta er allt hópvinna og
að leiða hóp snýst um liðsheildina. Þess vegna
skiptir öllu máli að þeir geti átt góð samskipti
við fólk.“
Giuliani rekur ráðgjafafyrirtæki í New York.
Það fer þó ekki á milli mála í öllu hans fasi og
ræðusnilld að hér fer fær stjórnmálamaður - sem
horfir mjög líklega til Hvíta hússins á árinu
2008 þegar nýr forseti Bandaríkjanna verður
kosinn.
Forsetahjónin, Ólafur Ragnar Grímsson og
Dorrit Moussaieff, ræða hér við Andrew Zolli.
LEIÐTOGAHÆFILEIKAR
- Kjarninn í fyrirlestri Rudolph W. Giuliani