Frjáls verslun - 01.11.2006, Side 123

F R J Á L S V E R S L U N • 1 1 . T B L . 2 0 0 6 123
boði. Scorsese leitaði því til Jack Nicholsson með
góðum árangri. Á móti kom að Robert De Niro vildi
fá Leonardo Di Caprio til að leika Edward Wilson,
en Di Caprio gat það ekki vegna anna, m.a. vegna
þess að hann hafði tekið að sér aðalhlutverkið í The
Departed. Einhvern veginn sá Matt Damon leið til
að leika í báðum myndunum og sjálfsagt eru allir
ánægðir að leiðarlokum.
Vildi öðru vísi njósnamynd Robert De Niro á að
baki frábæran leikferil sem ekki verður farið út í
nánar hér. Þegar hann var spurður í nýlegu viðtali
hvað það væri við kalda stríðið og CIA sem heillaði
hann sagði hann að það væri fyrst og fremst leyndin
sem hvíldi yfir aðgerðum: „Ég hef ekki séð margar
góðar njósnamyndir. Ef undanskildar eru myndir sem
byggðar eru á sögum John Le Caré þá eru þær gjarnan
sömu klisjurnar. Ég vildi fara aðra leið og segja sögu í
líkingu við það sem gerðist í London þegar eitrað var
fyrir rússneska njósnarann Litvinenko.“
Viðtökur Góða hirðisins hafa verið góðar þegar
á heildina er litið þó að vinur hans Scorsese virðist
með The Departed hafa vinninginn hvað varðar gæði.
Mörgum finnst De Niro hafa færst of mikið í fang,
hann hafi ekki bakgrunn til að fást við sögu af slíkri
stærð, aðrir segja að honum takist vel að koma til
skila efninu á sannfærandi hátt. Höfundur handrit-
sins, Eric Roth, er enginn byrjandi og hefur reynslu
til að takast á við sögulega atburði með augum
skáldaðrar persónu, en hann skrifaði handritið að
Forest Gump á sínum tíma og meðal annarra afreka
hans á þessu sviði eru Innherjinn (The Insider), Ali og
München (Munich).
Matt Damon í hlutverki njósnarans Edward Wilsons,
sem fórnaði öllu fyrir starfið.
BÍÓMOLAR
Bölvun gullblómsins
Kína er stórveldi í kvikmyndaheim-
inum. Sá leikstjóri sem hefur mest
borið hróður kínverskrar kvik-
myndagerðar hingað til er Yimou
Zhang, sem á margar frábærar
kvikmyndir að baki. Nýjasta kvik-
mynd hans, Bölvun gullblómsins
(The Curse of the Golden Flower),
er enn ein sönnun um hæfileika
hans. Fjallar hún um keisarann
Ping, sem kemur óvænt heim úr
stríðsferð til að fagna hátíð með
fjölskyldu sinni. Heimkoma keis-
arans er ekki vel séð af keisaraynj-
unni, sem er farin að halda við
stjúpson sinn, sem aftur á móti er
ástfanginn af ungri stúlku við hirð-
ina. Þrátt fyrir flókin ástarsambönd
er ekki allt sem sýnist og leynd-
armálin koma hvert af öðru upp á
yfirborðið og vandamálin eru ekki
leyst nema á vígvellinum. Chow
Yun-Fat leikur keisarann og Gong
Li, sem Yimou kom á framfæri á
sínum tíma, leikur keisaraynjuna.
Bölvun gullblómsins þykir mjög
flott og bardagasenur tilkomu-
miklar.
Cate Blanchett og George Clooney
í svarthvítu.
Góði Þjóðverjinn
Sama dag og Góði hirðirinn var
frumsýnd vestanhafs eða 22.
desember voru einnig hafnar sýn-
ingar á nýjustu kvikmynd Steven
Soderberghs, Góða Þjóðverjanum
(The Good German), og var
búist við að einhverjir ættu eftir
að villast inn á ranga mynd þar
sem nöfnin eru lík. Búist er við
miklu af Góða Þjóðverjanum og
eru aðstandendur myndarinnar
vongóðir um Óskarstilnefningar.
Myndin gerist í Berlín í lok síðari
heimsstyrjaldarinnar og fjallar um
hermanninn og stríðsfréttaritarann
Jake Geismar sem hittir fyrrum
ástkonu sína, sem er að reyna að
koma eiginmanni sínum frá Berlín,
en hann er hundeltur, bæði af
Bandaríkjamönnum og Rússum.
Ákveður hann að hjálpa henni.
Myndin er í svarthvítu sem gefur
henni sérstakan blæ og þykir hún
minna á rómantískar eftirstríðs-
myndir á borð við Casablanca.
Í aðalhlutverkum eru George
Clooney, Cate Blanchett og Tobey
Maguire.
Þögla stúlkan hjúkrar blindum.
Sarah Polley og Tim Robbins.
Leyndardómsfullt líf orða
Öðruvísi gæðamyndir eru alltaf vel
þegnar og spænska myndin La vida
secreda de las palabras (á ensku
The Secret Life of Words) er ein
slík og hefur verið sýnd víða og er
margverðlaunuð. Segir í myndinni
frá Hönnu, einrænni og dularfullri
konu sem vinnur í verksmiðju ein-
hvers staðar í Evrópu. Hún talar
ekki við neinn, borðar sama mat í
öll mál og notar heyrnartæki sem
hún slekkur á til að njóta verndar
frá umheiminum. Hún er neydd til
að taka sér frí og fer til Norður-
Írlands þar sem hún býður sig fram
sem hjúkrunarkona á olíuborpalli.
Þar sinnir hún manni sem hefur
orðið fyrir slæmum bruna og er
nánast blindur. Verður hann mjög
forvitinn um hjúkrunarkonu sína.
Í hlutverki stúlkunnar er Sarah
Polley og Tim Robbins leikur
sjúklinginn. Meðal annarra leikara
eru Javier Cámara, Julie Christie
og Sverre Anker Ousdal. Leikstjóri
er Isabel Coxiet.