Frjáls verslun - 01.11.2006, Blaðsíða 130

130 F R J Á L S V E R S L U N • 9 . T B L . 2 0 0 6
FÓLK
Svandís Edda Halldórs-dóttir, framkvæmdastjóri JKE Design, er stofn-
andi og eigandi fyrirtækisins:
„Ég stofnaði JKE Design fyrir
tveimur árum síðan og má segja
að reksturinn hafi farið fram úr
björtustu vonum. Verslunin er
í Mörkinni 1 og þar seljum við
sérhannaðar eldhúsinnréttingar,
fataskápa, einnig heimilistæki frá
Siemens. Við bjóðum sem sagt
upp á heildarlausnir fyrir heim-
ilið. Fyrr á þessu ári keypti ég
JKE verslun í Kaupmannahöfn,
sem þar hefur verið starfrækt í
tuttugu ár, með kaupunum fylgdi
samningur sem gerir mér kleift að
opna fleiri JKE verslanir á Stór-
Kaupmannahafnarsvæðinu.“
Rekstur tveggja verslana
hvorrar í sínu landi krefst mik-
ils af framkvæmdastjóranum,
sem þarf að stjórna rekstri beggja
verslana: „Ég þarf oft að skreppa
til Kaupmannahafnar en það er
hluti af starfinu og gerir það
spennandi og skemmtilegt. Ég
tók við versluninni 1. júlí síðast-
liðinn, verslunin var þá lokuð
í tvo mánuði meðan gagngerar
breytingar fóru fram og var þá
gott að eiga góða og samheldna
fjölskyldu þar sem eiginmaður,
dætur og tengdasynir eyddu
meira eða minna sumarfríinu
sínu í vinnu við breytingarnar.
Reksturinn í Kaupmannahöfn
hefur gengið vel síðan ég opnaði.
Þar starfa hjá mér sex manns, þar
af er ég með tvo íslenska hönnuði
og nú er stefnan sett á að opna
fleiri verslanir við fyrsta tækifæri,
og er ég þá aðallega að horfa til
Glostrup eða Amager, en þar er
mikil uppbygging.“
Svandís er tækniteiknari og
vann sem slíkur í mörg ár áður
en hún stofnaði JKE Design.
Hún er frá Akranesi og segist
vera mikill Skagamaður. Faðir
hennar, Halldór Jón Sigurbjörns-
son, jafnan nefndur Donni, var
einn af frægustu fótboltaköppum
landsins og var í gullaldarliði
Skagamanna. Eiginmaður Svan-
dísar er Þórður Magnússon, sem
er skipstjóri á einu stærsta og öfl-
ugasta skipi landsins, Engey RE
1, og eiga þau þrjá dætur og eitt
barnabarn.
Frá stofnun JKE Design hefur
lítill tími verið hjá Svandís fyrir
sumarfrí eða annað tómstunda-
gaman, orkan að mestu farið í að
vinna að framgangi fyrirtækisins:
„Athvarf fjölskyldunnar er sumar-
bústaður í Borgarfirðinum þar
sem við dveljum mikið um helgar
hvort heldur að sumri eða vetri.
Þar stundum við skógrækt og
njótum þess að vera sem mest úti
í náttúrunni, dætur okkar koma
í tíðar heimsóknir og þar á fjöl-
skyldan góðar samverustundir.“
Nafn: Svandís Edda
Halldórsdóttir.
Fæðingarstaður: Akranes, 24.
maí 1960.
Foreldrar: Halldór Jón
Sigurbjörnsson (látinn) og
Hildur Björk Sigurðardóttir.
Maki: Þórður Magnússon.
Börn: Eva, 26 ára, Hildur Björk,
21 árs, og Þórgunnur, 18 ára
Menntun: Tækniteiknari frá
Iðnskólanum í Reykjavík 1983.
Svandís Edda
Halldórsdóttir. Rekur
tvær verslanir, aðra
í Reykjavík og hina í
Kaupmannahöfn.

framkvæmdastjóri JKE Design
SVANDÍS EDDA HALLDÓRSDÓTTIR