Frjáls verslun - 01.11.2006, Blaðsíða 81

F R J Á L S V E R S L U N • 1 1 . T B L . 2 0 0 6 81
100 BESTU VÖRUR ÁRSINS 2006
12. MOZILLA FIREFOX
Netvafri (ókeypis; www.firefox.com). Varan sem trónaði á toppi
þessa lista árið 2005 heldur áfram að þróast og fæst nú með fleiri
eiginleikum og meira öryggi en Internet Explorer frá Microsoft.

13. ENGADGET.COM
Græjublogg (ókeypis). Jafnvel þótt ritstjórn Engadget myndi
ákveða að fjalla eingöngu um spurningaþætti og golfvallahönnun
myndum við samt halda áfram að lesa bloggið, bara vegna þess
hversu beittir og skemmtilegir höfundarnir eru.
14. TOSHIBA HD-A1
HD DVD spilari (u.þ.b. 50.000 kr.; fæst ekki á Íslandi). HD-
A1var fyrsti háupplausnargeislaspilarinn sem kom á markaðinn og
er líklegt að hann verði að auki sá ódýrasti um nokkurt skeið. Nú
styttist í að við getum kvatt 5.000 króna DVD spilarann og tekið á
móti nýja tímanum í guðdómlegri háupplausn.
15. TOSHIBA QOSMIO G35-AV600
Öflug fartölva (u.þ.b. 250.000 kr; fæst ekki á Íslandi). Hin svala
Qosmio fartölvulína varð jafnvel enn betri á þessu ári og reyndar
er þessi tölva besta fartölvan með Media Center möguleikum sem
blaðamenn PC World hafa kynnst. Spurningin er bara hvenær
íslenskur umboðsaðili Toshiba fartölva kemur fram á sjónarsviðið.
16. nVIDIA GEFORCE 7600 GT
Kubbasett fyrir skjákort (u.þ.b. 15.000 kr.; t.d. www.tolvuvirkni.
net). Listinn okkar er ekki byggður á besta verðinu, en það var
engin leið að sleppa þessu öfluga kubbasetti. Alger kostakjör á
skjákortamarkaðinum.
17. GOOGLE
Leitarvél (ókeypis). Hin hreina og hraðvirka leitarsíða Google gerir
það að verkum að hún er mest notaða og best liðna leitarvélin á
Netinu. Ef þið viljið t.d. fræðast betur um vöru sem nefnd er hér á
topp 100 listanum er langeinfaldasta leiðin að slá heiti hennar inn í
Google. Hefur þú „gúglað“ eitthvað í dag?
18. SONOS ZONEPLAYER 80
Stafrænn tónlistarspilari (u.þ.b. 35.000 kr.; fæst ekki á Íslandi).
ZonePlayer er fínasta lausn til að senda tónlist þráðlaust úr tölvunni
í heimilishljómtækin. Þessi útgáfa er ekki með magnarann sem
fylgdi fyrirrennaranum og því er verðið mun lægra.
19. GUITAR HERO
Tölvuleikur (9.990 kr.; t.d. www.bt.is). Tölvuleikurinn Guitar
Hero frá Red Octane veitir okkur tækifæri til að láta gamla gít-
arhetjudrauma rætast. Þessi tölvuleikur fyrir PlayStation 2 leikja-
tölvuna frá Sony er ótrúlega ávanabindandi og vekur lukku hjá
öllum aldurshópum og báðum kynjum. Allir vilja hamast eins og
Clapton á gítarnum sem fylgir með leiknum um leið og þeir sjá
hvernig þetta virkar allt saman.
VÉLBÚNAÐARFYRIRTÆKI ÁRSINS
Með verulegt fjármagn til þróunar og mann með miklar hugsjónir í
brúnni kynnti Apple enn og aftur vörur á þessu ári sem létu keppi-
nautana skammast sín. Vídeó-iPod spilararnir (nr. 36) vöktu lukku,
Makkarnir sem keyrðu á Core-Duo örgjörvunum (nr. 35) hafa aukið
markaðinn fyrir Intel-örgjörva og Boot Camp hugbúnaðurinn (nr.
10) hefur opnað dyrnar fyrir keyrslu Windows á Makkatölvum. Við
höldum í vonina um að sumar hönnunarhugmyndir snillinganna hjá
Apple veki einhvern neista meðal hinna fyrirtækjanna í bransanum.13. SÆTI: En
gadget blogg
ið er með þe
im beittari í
tæknibransa
num.
22. SÆTI: Ubuntu-
útgáfan af Linux
líkist Windows
að mörgu leyti.