Ægir - 01.09.2001, Side 19

19
V E S T M A N N A E Y J A R
fram að verkfalli og á meðan á því
stóð. Og fyrstu vikurnar eftir
verkfallið var líka rólegt, en það
var síðan ekki fyrr en seinni part
sumars sem lifnaði verulega yfir
hjá okkur. Að undanförnu hefur
verið hér töluvert mikið að gera
og í rauninni hefði okkur ekki
veitt af því að hafa meiri mann-
skap.“ Þetta leiðir hugann að því
að sú þjónusta sem Skipalyftan í
Eyjum veitir er töluvert árstíða-
bundin. „Það er alltaf mikið að
gera frá því um Þjóðhátíð hér í
Eyjum, í byrjun ágúst, og fram í
október. Síðan kemur annar topp-
ur í kringum jólin og sá þriðji er
strax eftir loðnuvertíð á vorin,“
segir Ólafur.
Færri slipptökur
„Umsvifin í þessum iðnaði hafa
óneitanlega verið að minnka
hérna í Eyjum. Bátunum í hefð-
bundna vertíðarflotanum hefur
verið að fækka en jafnframt hefur
smábátum og stærri skipum
fjölgað. Við vorum að jafnaði með
um 60 slipptökur á ári, en núna
eru þær um 40 á ári. Að sama
skapi hefur starfsmönnum fækk-
að. Hér voru um 60 manns í
vinnu á árum áður, en núna eru
þeir um 35,“ sagði Ólafur.
Skipasmíðaiðnaðurinn hefur
búið við það vandamál að tiltölu-
lega fáir afla sér þeirrar menntun-
ar sem nauðsynleg er í þessari at-
vinnugrein. Ólafur segir þetta al-
veg rétt, en sem betur fer hafi
Skipalyftan ekki þurft að glíma
við skort á fagmenntuðum mönn-
um. „Vissulega hefur verið dregin
upp frekar dökk og neikvæð
mynd af þessari atvinnugrein og
þar eiga fjölmiðlarnir vissa sök.
Sú mynd sem almenningur fær af
skipasmíðaiðnaðinum er sóðaleg
vinna og mikill hávaði. Þessi
grein eins og aðrar atvinnugreinar
er hins vegar orðin tæknivædd og
hún mun verða enn tæknivæddari
á komandi árum,“ segir Ólafur.
Kínabylgjan gengin yfir?
Ólafur segir að í ljósi þess að við-
haldsverkefni hafi verið að dragast
saman að undanförnu verði menn
að horfa í kringum sig með önnur
möguleg verkefni. „Vissulega
reynum við að fylgjast með því
sem er að gerast í þessum iðnaði.
Þó svo að útgerðarmenn hafi
margir látið smíða ný skip í Kína
eða Chile að undanförnu hafa inn-
lendar stöðvar þó verið að gera at-
hyglisverða samninga um ný-
smíðar. Dæmi um það eru nýleg-
ir samningar Óseyjar í Hafnarfirði
við Færeyinga. Í ljósi þess sem út-
koman er í smíðum skipa í Kína
kæmi mér ekki á óvart að sú
bylgja sé gengin yfir. Það hefur
komið á daginn að ýmislegt í
þessum kínversku skipum þarf að
endurvinna þegar hingað heim er
komið. Þá er spurningin hvort
þegar upp er staðið sé svo mikill
munur á kostnaði við smíði skip-
anna í Kína og hérna heima,“
sagði Ólafur Friðriksson.
Húsakynni Skipalyft-
unnar á hafnarsvæð-
inu í Eyjum.