Ægir - 01.09.2001, Page 21

21
V E S T M A N N A E Y J A R
Súðvíkingur í stóli
framkvæmdastjóra
Ægir Páll Friðbertsson hóf störf hjá Ísfélagi Vestmannaeyja um síðustu
áramót, en áður hafði hann verið fjármálastjóri um sjö mánaða skeið hjá
Samvinnuferðum Landsýn og þar áður í níu ár hjá Íslandsbanka m.a. sem
viðskiptastjóri sjávarútvegsfyrirtækja í fyrirtækjaþjónustu bankans.
„Þegar mér var boðin framkvæmdastjórastaða hjá Ísfélaginu fannst
mér verkefnið strax áhugavert og ég þurfti ekki langa umhugsun,“ segir
hann.
Ægir Páll er Súðvíkingur að ætt og uppruna og þekkir því vel til lífs-
ins í dæmigerðu sjávarplássi þar sem fiskurinn er miðpunktur tilverunn-
ar. „Landsbyggðin er mér alls ekki ókunnug. Ég er fæddur og uppalinn í
Súðavík og síðast bjó ég úti á landi vestur á Ísafirði á árunum 1992 til
1996. Mannlífið hér í Eyjum er ekki ólíkt því sem ég þekki fyrir vestan,
það snýst um sjávarútveginn,“ segir Ægir Páll.
Ísfélagsins á bæði uppsjávarfiski
og bolfiski gengið vel á þessu ári
miðað við aðstæður.
Sterk kvótastaða í upp-
sjávartegundum
Samhliða áðurnefndri ákvörðun
stjórnenda Ísfélagsins um að
byggja upp öfluga og tæknivædda
vinnslu á uppsjávarfiski, var tekin
sú ákvörðun að byggja bolfisk-
vinnsluna ekki upp í það horf sem
hún var fyrir brunann. Ægir Páll
segir að kvótastaða Ísfélags Vest-
manneyja sé nokkuð góð í upp-
sjávarfiski og hún hafi ráðið tölu-
vert miklu um að ákveðið var að
byggja upp uppsjávarvinnslunna.
„Við erum með lítinn bolfisk-
kvóta en að sama skapi töluverðan
kvóta í loðnu og síld. Þessi stað-
reynd réði miklu um þessa niður-
stöðu. Síðan hefur Ísfélagið byggt
afkomu sína að stærstum hluta á
uppsjávartegundum sl. ár og í
fyrirtækinu er mikil þekking á
vinnslu á loðnu og síld.“ sagði
Ægir Páll.
Um sjötíu stöðugildi í
landvinnslunni í Eyjum
Ægir Páll segist hafa skynjað
þungt og erfitt andrúmsloft í
bænum framan af ári. „Ástandið
var auðvitað erfitt því fjölmargir
sem unnu áður hjá Ísfélaginu
misstu vinnuna í þessum bruna.
Um tíma var fólk óneitanlega
svartsýnt á framtíðina,“ segir
hann.
Fyrir brunann rak Ísfélagið bol-
fiskvinnslu, vinnslu á uppsjávar-
fiski, loðnubræðslu og vélaverk-
stæði. „Mér sýnist að stöðugild-
um hjá félaginu hafi fækkað um
70, sé miðað við fjölda fastráðinna
starfsmanna hjá félaginu í nóvem-
ber í fyrra samanborið við fjöldan
í dag. Núna erum við með um 70
stöðugildi í landi hér í Vest-
mannaeyjum, en til viðbótar eru
sjómenn á skipunum okkar og
starfsmenn í Krossanesverksmiðj-
unni á Akureyri. Starfsmanna-
fjöldi í Ísfélaginu er og hefur
alltaf verið nokkuð vertíðarbund-
inn. Á loðnu- og síldarvertíðum
eru starfsmennirnir flestir, en
þeim fækkar síðan á milli.“
Tæknivædd vinnsla í
uppsjávartegundum
Þegar blaðamaður Ægis var í Eyj-
um um miðjan október var mikið
að gerast í fyrirtækinu. Í hluta efri
hæðarinnar var bolfiskvinnsla í
fullum gangi en á neðri hæð voru
iðnaðarmenn á hverju strái við að
setja saman flókinn vinnslubúnað,
Síðustu daga hafa
iðnaðarmenn verið á
hverju strái í salarkynnum
Ísfélagsins.
Uppbygging Ísfélagsins
eftir brunann fyrir ellefu
mánuðum er umfangs-
mikið verkefni. Eftir
brunann stóðu einungis
útveggir þeirrar byggingar
sem hér sést, en þessa
dagana er verið að byggja
yfir hluta hússins.