Ægir - 01.11.2003, Blaðsíða 42
42
S K R E I Ð A R V E R K U N
hægt er að þurrka árið um kring
sem jafnframt skapar möguleika á
stöðugum útflutningi vörunnar;
unnt er að ábyrgjast stöðug gæði
og jafnara vatnsinnihald og með
inniþurrkun er hægt að losna við
flugur og önnur skorkvikindi sem
valda vandræðum við útiþurrkun.
Öll inniþurrkun á Íslandi byggist
á jarðhita og sá orkugjafi veitir
okkur ákveðið forskot á Norð-
menn og Kanadamenn.
Inniþurrkun á þorskhausum og
smáfiski hefur gengið vel, þ.e. ef
hráefnið er gott og rétt að þurrk-
uninni staðið.
Áður en inniþurrkun hófst fyrir
aldarfjórðungi, voru allir hausar
hengdir upp í skreiðarhjöllum.
Inniþurrkun á hausum hefur ver-
ið að aukast og nú eru starfandi
nokkrar þurrkstöðvar, þær
stærstu eru m.a. Laugafiskur á
Laugum og Akranesi, Samherji á
Dalvík, Hnotskurn í Þorlákshöfn,
Klofningur á Suðureyri, Haustak
á Reykjanesi, Flúðafiskur á Flúð-
um, Herðir í Fellabæ o.fl. Þör-
ungavinnslan á Reykhólum
þurrkar þang og þara. Í allt má
segja að starfandi séu hátt í 20
fyrirtæki sem inniþurrka fisk til
útflutnings og öll nema tvö nota
jarðhita.
Heimsókn á markaðinn
í Nígeríu
Í nóvember sl. fór hópur fram-
leiðenda þurrkaðra þorskhausa á
vegum Fiskmiðlunar Norður-
lands til Nígeríu. Í hópnum voru
þrettán íslenskir og færeyskir
hausaverkendur víðs vegar af
landinu og var erindið að hitta
nígeríska kaupendur og sölumenn
og kynna sér markaðinn. Það er
mikils virði fyrir framleiðendur
að heimsækja kaupendur í Níger-
íu, persónuleg tengsl skipta
heimamenn þar miklu máli og
einnig er nauðsynlegt fyrir fram-
leiðendur að sjá með eigin augum
með hvaða hætti Nígeríumenn
nýta sér vörurnar.
Nígería er 923 þúsund ferkíló-
metrar að stærð og íbúafjöldinn
er um 130 milljónir. Nígeria varð
sjálfstætt lýðveldi árið 1960, en
áður var landið bresk nýlenda og
ríkistungumál landsins er enska,
en í landinu eru talaðar fjöldinn
allur af öðrum mállýskum, sumir
segja að þær séu á fjórða hundrað.
Ástæðan fyrir miklum áhuga á
skreið í Nígeríu er ekki fyllilega
ljós, en til eru frásagnir um að
Bretar hafi flutt inn skreið til að
metta sveltandi íbúa landsins fyrir
mörgum árum. Önnur kenning
er sú að þrælaveiðarar, sem áður
fyrr gerðu mikið út á Nígeríu,
hafi haft skreið til að gefa fólkinu
sem var búið að klófesta á leiðinni
til Ameríku. Talið er að þeir hafi
einnig gefið því fólki skreið sem
hjálpaði þeim við að handsama
verðandi þræla og þannig hafi
áhuginn á skreið vaknað á þessu
svæði og neysla hennar smá sam-
an orðið almenn í landinu.
Það sem stendur upp úr í þess-
ari ferð til Nígeríu er hversu stór
markaðurinn er fyrir þurrkaða
hausa og hve hann var takmark-
aður við austurhluta Nígeríu.
Kaupendur leggja mikið upp úr
gæðum og ferskleika vörunnar og
þess vegna er það ánægjuefni
Blásari
Hitari
Stokkur
Gámar Gámar Gámar Gámar
lásari
itari
Mynd 3. Eftirþurrkunarbúnaður.
„Mér var sagt að í Lagos kjósi menn bragðlitla hausa en í Aba er
frekar sóst eftir bragðmiklum hausum. Þetta er hliðstætt því að
sumir vilja sterka osta en aðrir milda, smekkurinn er ekki alltaf sá
sami.”
Úlfar Eysteinsson, matreiðslumeistari, fór með framleiðendum til
Nígeríu og sýndi þarlendum kunnáttu sína í matargerð.