Ægir - 01.08.2007, Síða 8
8
Þ O R S K E L D I
Valdimar Gunnarsson, sjáv-
arútvegsfræðingur og starfs-
maður Fiskeldishóps AVS,
segir að í kjölfar niðurskurðar
á þorskkvóta á yfirstandandi
fiskveiðiári sé greinilega auk-
inn áhugi bæði opinberra
aðila og fyrirtækja á þorsk-
eldi. Á ýmsum vettvangi er
unnið að rannsóknum og
þróun í þorskeldi og er ætl-
unin að efna til ráðstefnu í
nóvember nk. þar sem í fyrsta
lagi verður kynning á þeim
þorskeldisverkefnum sem
þegar eru í gangi og í öðru
lagi verður rætt um stefnu-
mótun í þorskeldi á næstu
misserum og árum.
Á yfirstandandi ári eru
unnið að því að endurskoða
þá stefnumótun fyrir þorsk-
eldi sem gerð var í Reykholti
í Borgarfirði árið 2002. Vinn-
an er römmuð inn í verkefni
sem hefur verið nefnt „Stöðu-
mat og stefnumótun fyrir
þorsk eldi“. Verkefnið felur
það í stórum dráttum í sér að
gefa yfirlit yfir stöðu og fram-
tíðaráform í þorskeldi á Ís-
landi og samkeppnislöndum,
meta samkeppnishæfni þor-
skeldis á Íslandi, endurskoða
fyrri stefnumótun í mikilvæg-
um rannsókna- og þróun-
arverkefnum og greina frá
öðrum mikilvægum verkefn-
um til að tryggja framgang
þorskeldis á Íslandi. Tekin
verður saman skýrsla um
yfirlit yfir stöðu þekkingar til
að auðvelda vinnu faghópa
við val á mikilvægum rann-
sókn- og þróunarverkefnum
fyrir þorskeldi. Þá eru fag-
hópar þessa dagana að skil-
greina mikilvæg rannsóknar-
og þróunarverkefni og skipta
þeim í alþjóðleg viðfangsefni
og verkefni sem eingöngu
verða unnin hér á landi án
þess að forgangsraða þeim.
Sem fyrr segir verður síðan
þorskeldisráðstefna í haust,
nánar tiltekið dagana 29. og
30. nóvember nk. á Grand
Hótel í Reykjavík þar sem
kynntar verða tillögur fag-
hópa og niðurstöður helstu
rannsóknaverkefna í þor-
skeldi. Í framhaldinu er við
það miðað að Fiskeldishópur
AVS móti stefnu fyrir þor-
skeldi og taki í þeirri vinnu
mið af tillögum faghópa og
gesta á ráðstefnunni í lok
nóvember.
Töluvert á eftir Norðmönnum
„Þróunin í þorskeldinu hjá
okkur hefur verið hæg,
kannski sem betur fer. En
það er alveg ljóst að við erum
töluvert á eftir Norðmönnum
í þessu. Norðmenn selja um
tuttugu þúsund tonn af eld-
isþorski á mörkuðum í ár,
sem er um helmingi meira en
í fyrra. Að stærstum hluta er
þetta magn úr aleldi. Norð-
menn hafa verið mun stór-
tækari í þessu en við Íslend-
ingar, en þeir hafa líka orðið
fyrir töluverðum áföllum. Í
Vestur-Noregi hefur þorskeld-
ið gengið heldur illa vegna
þess einfaldlega að þar er of
hlýtt. Þorskeldið hefur hins
vegar gengið betur þegar
norðar dregur. Flestir hafa
tapað fjármunum á þorskeld-
inu í Noregi, en hins vegar
hefur hjálpað til að hátt verð
hefur fengist fyrir fiskinn á
mörkuðum.“
Hið opinbera í Noregi
leggur fram umtalsverða fjár-
muni – um tvo milljarða ísl.
króna á ári - til rannsókna- og
þróunarstarfs í norsku fisk-
eldi. Laxeldisfyrirtæki hafa
einnig farið út í þorskeldi í
Noregi og minni hlutafélög
og erlendir aðilar hafa einnig
lagt fjármagn í norskt þor-
skeldi.
„Eins og hér á landi hafa
verið mikil afföll í seiðafram-
leiðslu Norðmanna, en það
hefur samt sem áður dregið
mjög úr þeim,“ segir Valdi-
mar.
Þarf frekari vitneskju um
vistkerfi sjávar
Hér á landi segir Valdimar að
þekking á vistkerfi sjávar við
landið með tilliti til þorskeldis
sé heldur af skornum skammti
og þar stöndum við Íslend-
ingar nágrönnum okkar í
Noregi langt að baki, enda
hafi Norðmenn aflað sér mik-
illar þekkingar í þeim efnum
á undanförnum árum og ára-
tugum í gegnum laxeldið.
„Óneitanlega er það ákveðinn
flöskuháls hjá okkur að að-
laga eldistækni að þeim að-
stæðum sem eru ríkjandi á
hverju svæði,“ segir Valdimar.
Á þessu ári eru unnið að því að endurskoða þá stefnumótun fyrir þorskeldi sem gerð var í Reykholti í Borgarfirði árið 2002.
Aukinn áhugi á þorskeldi
- er mat Valdimars Gunnarssonar, sjávarútvegsfræðings