Ægir - 01.08.2007, Blaðsíða 16
16
Vísindaveiðum á hrefnu lauk í
byrjun september, en þessar
veiðar hafa staðið yfir und-
anfarin fjögur ár. Í það heila
veiddust 200 hrefnur, eins og
lagt var upp með í vísinda-
áætlun Hafrannsóknastofn-
unar. Þar af voru árið 2003
veiddar 37 hrefnur samkvæmt
vísindaáætlun Hafró, 25 árið
2004, 39 árið 2005, 60 í fyrra
og í ár voru voru veiddar 39
hrefnur í vísindaskyni og til
viðbótar sex hrefnur í atvinnu-
skyni. Í september ákvað
sjávarútvegsráðherra að fram-
lengja þann 30 dýra kvóta
sem var gefinn út 17. október
2006, en kvótinn féll niður um
síðustu kvótaáramót, en þá
voru eftir 23 dýr af kvótanum.
Framlenging veiðanna gildir til
1. nóvember og er þess vænst
að unnt verði að veiða nægi-
lega mörg dýr til þess að anna
spurn eftir hrefnukjöti á inn-
anlandsmarkaði.
Þrír hrefnustofnar í Norður-
Atlantshafi
Í ástandsskýrslu Hafró frá því
í júní í sumar kemur fram að
margt bendi til þess að í
Norður-Atlantshafi séu a.m.k.
þrír hrefnustofnar með höf-
uðútbreiðslu á hvalamiðunum
við Vestur-Grænland, Austur-
Grænland/Ísland/Jan Mayen
(Mið-Atlantshafsstofn) og
Noreg (Norðaustur-Atlants-
hafsstofn).
Í ástandsskýrslunni segir
orðrétt um stofnstærð hrefnu:
“Samkvæmt úttekt vísinda-
nefndar NAMMCO á ástandi
Mið-Atlantshafsstofns hrefnu
er stofnstærð hrefnu hér við
land nú nálægt því sem talið
er að hún hafi verið áður en
veiðar hófust. Þetta gildir fyrir
Mið-Atlantshafsstofninn og
hrefnur á íslenska strand-
svæðinu. Þær veiðar sem
stundaðar voru á síðustu öld
hafa samkvæmt því haft lítil
áhrif á stofnstærðina. Sam-
kvæmt vísindanefndinni eru
hverfandi líkur á að árlegar
veiðar á 200 hrefnum næstu
20 ár muni færa stofninn nið-
ur fyrir 80% af upprunalegri
stærð. Á sama hátt er ólíklegt
að árlegar veiðar á 400 hrefn-
um færi stofninn niður fyrir
70% á sama tímabili. Einnig
er ljóst að hrefnuveiðar þær
sem hófust árið 2003 í rann-
sóknaskyni og nema samtals
200 dýrum á fimm árum,
munu ekki hafa teljandi áhrif
á stofninn. Þessar niðurstöður
um ástand hrefnustofnsins
hér við land eru í samræmi
við eldri úttektir vísinda-
nefnda NAMMCO og IWC.
Almennt er viðurkennt (m.
a. innan IWC), að kjörnýting-
arstærð hvalastofna liggi á
bilinu 60–72% af upphaflegri
stærð. Ljóst er að árlegar
veiðar á allt að 400 hrefnum
á íslenska landgrunninu
samrýmast markmiðum um
sjálfbæra nýtingu hrefnu-
stofnsins þar sem litlar líkur
eru á að slíkar veiðar muni
færa stofninn niður fyrir þessi
mörk á næstu árum. Hafrann-
sóknastofnunin leggur því til
að veiðum verði haldið innan
við 400 dýr og jafnframt að
þeim verði háttað í samræmi
við dreifingu hrefnu á ís-
lenska landgrunninu.“
Mikill áhugi hérlendra
veitingastaða
Gunnar Bergmann Jónsson,
framkvæmdastjóri Hrefnu-
veiðimanna ehf., segir að
mjög vel hafi gengið að selja
hrefnukjötið hér innanlands í
sumar og veiðarnar hafi verið
síst of miklar til þess að anna
eftirspurninni. “Sala á hrefnu-
kjöti til veitingastaða hefur
aukist gríðarlega mikið. Við
merktum aukinn áhuga veit-
ingastaðanna í fyrra, en hann
hefur aukist enn frekar í ár og
mér sýnist að á bilinu 30-35
veitingastaðir séu nú að selja
hrefnukjöt frá okkur og þeir
ætla að hafa þetta kjöt á boð-
stólum í allan vetur. Mikil sala
á hrefnukjöti hefur komið
skemmtilega á óvart. Vissu-
lega er ekki hægt að ætlast til
að við berum þetta saman við
lambakjöt, svínakjöt eða
nautakjöt, en engu að síður
er þetta skemmtileg og góð
viðbót á kjötmarkaðnum. Það
er mitt mat að veiði á 80-100
H R E F N U K J Ö T
Hrefnukjötið hefur
notið vinsælda á
innanlandsmarkaði
- fjöldi veitingahúsa býður gestum sínum upp á hrefnukjöt
“Við merktum aukinn áhuga veitingastaðanna í fyrra, en hann hefur aukist
enn frekar í ár og mér sýnist að á bilinu 30-35 veitingastaðir séu nú að
selja hrefnukjöt frá okkur og þeir ætla að hafa þetta kjöt á boðstólum í
allan vetur,“ segir Gunnar Bergmann Jónsson.