Ægir - 01.08.2007, Blaðsíða 15
15
„Við erum að vinna úr þeirri
stöðu sem uppi er. En það er
alveg ljóst að við erum eins og
aðrir að tapa 30% af heimild-
um í þorski. Sem dæmi hefur
þorskur staðið undir 70%
tekna á Bjarti NK og þar af
leiðandi 70% af tekjum sjó-
manna á því skipi. Því segir
það sig sjálft að þetta kemur
harkalega niður á okkar sjó-
mönnum og fyrirtækinu um
leið,“ segir Gunnþór Ingvason,
framkvæmdastjóri Síld-
arvinnslunnar þegar hann var
inntur eftir því hvernig fyr-
irtækið myndi bregðast við
þorskaflaniðurskurðinum á
yfirstandandi fiskveiðiári.
Síldarvinnslan hefur verið í
veiðisamstarfi við Samherja
og segist Gunnþór ekki gera
ráð fyrir að breyting verði á
því. Bolfiskaflinn af Bjarti hef-
ur þá verið fluttur landleiðina
frá Neskaupstað til Dalvíkur
og unninn í frystihúsi Sam-
herja þar.
Með niðurskurði þorsk-
veiðiheimilda tapar Síld-
arvinnslan um 600 tonnum,
að sögn Gunnþórs og munar
um minna. „Á Bjarti hefur
þorskveiðin verið um 50% af
heildarveiðinni en að verð-
mæti er hún um 70%,“ segir
Gunnþór.
Vonir bundnar við
síldarvertíðina
Sem fyrr verður meginþung-
inn í starfsemi Síldarvinnsl-
unnar í uppsjávartegundum. Í
september voru skip félagsins
að veiðum á norsk-íslenskri
síld og gekk ágætlega. Rólegt
var á þessum tíma í land-
vinnslu félagsins í Neskaup-
stað. Að sögn Gunnþórs hef-
ur verið unninn ufsi, en hins
vegar hafa veiðar á honum
gengið heldur treglega og lít-
ið magn af honum borist á
land. „En við vonum að það
fari að lifna yfir þessu þegar
kemur fram í október og síld-
veiðarnar hefjast hérna fyrir
austan af krafti,“ segir Gunn-
þór.
Nú eru hafnar endurbætur
í landvinnslu félagsins sem
miða að því að tæknivæða
hana enn frekar og auka sjálf-
virknina. Stefnt er að því að
ljúka þessum framkvæmdum
á haustdögum og tæknivædd-
ari vinnsla verði tekin í notk-
un í nóvember, áður en
loðnuvertíðin hefst af krafti.
Mótvægisaðgerðirnar bæta
sjómönnum ekki tekjumissinn
Gunnþór segist ekki sjá neitt
í mótvægisaðgerðum rík-
isstjórnarinnar sem bæti sjó-
mönnum upp það tekjutap
sem þeir verði fyrir. „Mér sýn-
ist að aðgerðirnar snúist fyrst
og fremst um að taka sjó-
mennina í land og útvega
þeim vinnu við vegagerð eða
eitthvað þvíumlíkt, sem er
ekki fallið til annars en að rífa
atvinnugreinina niður ef til
lengri tíma er litið. Ég fæ með
öðrum orðum ekki séð að
mótvægisaðgerðirnar komi til
móts við sjómennina, með t.
d. auknum sjómannafslætti,
eða fyrirtækin sem lenda í
þessu,“ segir Gunnþór.
50 ára afmælis
Síldarvinnslunnar minnst á
ýmsan hátt
Síldarvinnslan heldur í ár upp
á 50 ára afmæli sitt í ár. Sem
liður í afmælishaldinu var
starfsmönnum boðið í ferð til
Tallinn í Eistlandi 13.-17.
september sl. og var flogið
beint frá Egilsstöðum. Þessi
ferð tókst með miklum ágæt-
um. Þá ákvað stjórn Síld-
arvinnslunnar í ágúst sl. í til-
efni af 50 ára afmælinu að
veita 10 milljónum króna í af-
mælissjóð, sem verður úthlut-
að úr á stofndegi félagsins,
11. desember nk. Úr sjóðnum
verður veitt fjármunum, hver
styrkur að hámarki 2 milljónir
króna, til verkefna á sviði
íþrótta og menningarmála í
Neskaupstað. Frestur til að
sækja um styrki úr sjóðnum
rann út 1. október sl. og barst
fjöldi umsókna, að sögn
Gunnnþórs.
Í tilefni af afmælinu verður
einnig gefin út bók sem hefur
að geyma 50 ára sögu Síld-
arvinnslunnar eftir Smára
Geirsson. Stefnt er að því að
bókin komi út á stofndaginn
11. desember nk.
N E S K A U P S T A Ð U R
Við erum að vinna úr
þeirri stöðu sem uppi er
- segir Gunnþór Ingvason, framkvæmdastjóri Síldarvinnslunnar í Neskaupstað
Síldarvinnslan í Neskaupstað er sannkallað burðarfyrirtæki á staðnum. Þó svo að áhersla hjá fyrirtækinu sé fyrst og fremst á veiðar og vinnslu uppsjávartegunda hriktir í
með 30% niðurskurði þorskveiðiheimilda, enda er eitt skipa félagsins, Bjartur NK, gert út á bolfiskveiðar.