Ægir - 01.08.2007, Blaðsíða 21

21
S J Ó S T A N G A V E I Ð I
„Ég hef fylgst grannt með
þessu verkefni og fæ ekki
betur séð en að það hafi
gengið mjög vel þrátt fyrir lít-
ilsháttar byrjunarörðugleika.
Að mínu mati er þetta ekta
dæmi um að verið sé að skjóta
nýjum stoðum undir atvinnu-
lífið hér á staðnum. Til hafa
orðið 15 ný heilsársstörf og á
„ferðamannavertíðinni“ þegar
allt er í fullum gangi þá koma
um 30 manns að þessu verk-
efni. Það munar um minna í
ekki stærra byggðarlagi.“
Þetta sagði Óðinn Gests-
son, framkvæmdastjóri Ís-
landssögu á Suðureyri, er
hann var inntur álits á sjóst-
angaveiðiverkefni Hvíld-
arkletts ehf. Megnið af fiskn-
um, sem ferðamennirnir
veiða, fer til vinnslu hjá Ís-
landssögu og sama fyrirtæki
sér um að flaka, frysta og
pakka fiski sem hinir erlendu
gestir fá að taka með sér til
síns heima.
30 milljóna kr. velta
Íslandssögu af verkefninu
„Við tókum á móti rúmlega
130 tonnum af fiski frá bátum
Hvíldarkletts í sumar og laus-
lega áætlað má segja að
vinnsla á aflanum samsvari
níu vinnudögum í fiskvinnsl-
unni hjá okkur. Þessi fiskur er
ekkert öðruvísi hráefni en
hefðbundinn skakfiskur.
Verðmæti þess afla, sem við
keyptum til vinnslu, nam um
20 milljónum króna. Þá er
ótalinn sá hagur sem við
höfðum af því að framleiða í
pakkningarnar sem ferða-
mennirnir máttu hafa með sér
heim. Þar var um að ræða tíu
tveggja kílóa pakkningar með
steinbíts-, ýsu- og þorskflök-
um fyrir hvern ferðamann.
Söluverðmæti þessa afla nam
um 12 milljónum króna í
sumar þannig að þegar allt er
talið þá er velta Íslandssögu
vegna sjóstangaveiðanna
rúmar 30 milljónir króna. Til
að setja það í samhengi má
nefna að það er ekki óalgengt
að framleiðsluverðmætið
nemi um 90 milljónum króna
á mánuði hjá okkur,“ segir
Óðinn en hann telur að marg-
feldisáhrif af komum erlendra
sjóstangaveiðimanna til
byggðarlagsins eigi eftir að
stóraukast á komandi árum ef
rétt er haldið á spilunum.
„Ef það koma hingað 1500
til 2000 erlendir ferðamenn á
hverju sumri til að stunda
sjóstangaveiðar þá hlýtur að
vera hægt að selja þeim eitt-
hvað meira en bara það sem
felst í pakkaferðinni. Ég lít á
þetta verkefni sem tækifæri
fyrir heimamenn til að búa
eitthvað meira til í kringum
þessa starfsemi.“
Nóg komið af skálaræðum
- Nú hefur þorskkvótinn verið
skorinn niður við trog á ný-
höfnu fiskveiðiári. Óttast þú
ekki að sú staðreynd geti haft
slæm áhrif á starfsemi Hvíld-
arkletts, ekki síst vegna þess
að fyrirtækið er háð því að
leigja til sín þorskkvóta vegna
veiðanna?
„Niðurskurður þorskkvót-
ans er auðvitað grafalvarlegt
mál fyrir þessa atvinnugrein,
ekki síður en fyrir sjáv-
arbyggðirnar almennt séð.
Það má því búast við að að-
standendur þessa verkefnis
verði að búa sig undir að
ganga í gegnum þrengingar
líkt og aðrir. Þetta er hins
vegar langhlaup, að mínu
mati, og menn mega ekki
missa móðinn þótt það kunni
að blása á móti. Enda er eng-
in ástæða til. Það þarf bara að
finna ráð til þess að menn
geti haldið ótrauðir áfram.
Það væru mótvægisaðgerðir í
verki. Það er nóg komið af
skálarræðum og fögrum fyr-
irheitum. Það er kominn tími
fyrir efndir,“ segir Óðinn
Gestsson. Viðtöl: Eiríkur St. Eiríksson.
Ferðamannaútgerðin hefur
skapað 15 ný heilsársstörf
- segir Óðinn Gestsson, framkvæmdastjóri Íslandssögu á Suðureyri
Um 1500 sjóstangaveiðimenn reyndu við þann gula og fleiri tegundir fyrir vestan sl. sumar.
Bobby 7 kemur til hafnar með góðan afla.