Ægir - 01.08.2007, Blaðsíða 28
28
Páll Baldursson, sveitarstjóri
Breiðdalshrepps, segir að því
verði ekki neitað að þorsk-
kvótaniðurskurðurinn komi við
Breiðdalsvík eins og aðra
þéttbýlisstaði vítt og breitt um
landið. Hann segir að raunar
sé lítill sem enginn kvóti leng-
ur í byggðarlaginu, en nið-
urskurður aflaheimilda geri
það að verkum að erfiðara
verði fyrir fiskvinnslufyrirtækið
Fossvík að afla sér hráefnis í
vinnsluna, en það kaupir m.a.
afla á markaði fyrir vinnsluna.
„Í fyrra fjölgaði aðeins hér
í sveitarfélaginu, en í ár hefur
fækkað örlítið. Ég veit ekki
nákvæmlega fjölda íbúanna
núna, en þann 1. desember
sl. voru þeir 244 talsins,“ segir
Páll, en íbúar byggðarlagsins
hafa fyrst og fremst atvinnu af
sjávarútvegi og fiskvinnslu,
þjónustu og einnig er bæri-
lega blómlegur landbúnaður
stundaður á Breiðdal, fyrst og
fremst sauðfjárrækt.
Fregnir um kvótaniðurskurð
höfðu slæm áhrif
„Við höfum fundið að það
hafði mjög neikvæð áhrif á
fólk hér þegar þau tíðindi
spurðust út að til stæði að
skera þorskkvótann svo mik-
ið niður. Þetta skapar mikið
óöryggi á stað eins og Breið-
dalsvík því það er ekki gott
að spá fyrir um hvernig
vinnslum sem ráða ekki yfir
kvóta reiðir af í slíkum kvóta-
niðurskurði,“ segir Páll.
Sem fyrr segir er fiskvinnsl-
an á staðnum bundin við
Fossvík, sem m.a. vinnur
ferskan fisk og í neytendaum-
búðir. Fyrirtækið er með á
sínum snærum bátinn Frið-
finn, en að stórum hluta er
hráefnið keypt á markaði.
Fossvík hefur leigt kvóta og
einnig hefur fyrirtækið fengið
byggðakvóta, en byggðakvóta
síðasta árs hefur raunar ekki
ennþá verið úthlutað. “Það er
ljóst að með minna framboði
af hráefni þrengir mjög að í
rekstri sjávarútvegsfyrirtækja,”
segir Páll, en Fossvík er fjöl-
mennasti vinnustaður á Breið-
dalsvík og því skiptir gríð-
arlegu máli að unnt sé að afla
nægilegs hráefnis fyrir vinnsl-
una.
Ferðaþjónustan skiptir miklu
máli
Ferðaþjónusta skiptir íbúa á
Breiðdal og í Breiðdalsvík
miklu máli og hefur hún ver-
ið vaxandi atvinnugrein á síð-
ustu árum. Í ekki stærra
byggð arlagi vekur athygli að
tvö hótel eru starfrækt, Hótel
Bláfell og Hótel Staðarborg,
þar sem gamli barnaskólinn
var. Þá er kaffihús rekið á
staðnum og í kringum Breið-
dalsá hefur verið að byggjast
upp töluverð þjónusta, m.a.
myndarlegt veiðihús. Þröstur
Elliðason er leigutaki árinnar
og hefur hann unnið mark-
visst að því að rækta ána
upp. Sleppt tugum þúsunda
laxaseiða í hana undanfarin
ár og uppskeran er að koma í
ljós – hátt í 1000 laxar veiðast
nú í Breiðdalsá á hverju sumri
og ætla má að veiðin muni
aukast í framtíðinni með
markvissri ræktun.
Að sögn Páls er eitthvað
um að íbúar í Breiðdalshreppi
sæki vinnu í álver Alcoa á
Reyðarfirði, en enn sem kom-
ið er er það ekki í miklum
mæli, enda um 40 mínútna
akstur frá Breiðdalsvík á
Reyðarfjörð.
Sveitarfélagið Fjarðabyggð
nær nú orðið suður á Stöðv-
arfjörð og því er orðið stutt
yfir í Breiðdal. Páll segir að
vissulega hafi verið þreifað á
þeim möguleika að Breiðdal-
ur yrði hluti af Fjarðabyggð,
en engar ákvarðanir hafi ver-
ið teknar í þeim efnum enn
sem komið er.
B R E I Ð D A L S V Í K
Fjölmennasta atvinnufyrirtækið á Breiðdalsvík er Fossvík. Kvótaniðurskurðurinn kemur við Breiðdælinga eins og aðra.
Kemur við okkur eins og aðra
- segir sveitarstjóri Breiðdalshrepps
um þorskkvótaniðurskurðinn
SKEIFAN 3E-F · SÍMI 581-2333 · FAX 568-0215 · WWW.RAFVER.IS
Háþrýstistöðvar
- fyrir einn notanda eða fjölnota
HD 9/16-4 ST / HD 13/124 ST
■ Vinnuþrýstingur:
30-160 / 30-120 bör
■ Vatnsmagn: 550-900 /
600-1300 ltr/klst
■ Heitt og kalt vatn
■ Sjálfinndraganlegt
■ Ryðfrítt
Slönguhjól