Ægir - 01.08.2007, Blaðsíða 23
23
Reykjavíkur og Akureyrar.
Áherslan í Vestmannaeyjum
var á árabátana og síðan litlu
vélbátana til þess að róa til
fiskjar.
Spurning með stórskipahöfn
Arnar segir að staða Vest-
mannaeyjahafnar sé ágætlega
sterk, en vissulega standi
höfnin frammi fyrir töluverð-
um framkvæmdum í næstu
framtíð. „Annars vegar stönd-
um við frammi fyrir að byggja
upp Skipalyftuna, sem varð
fyrir gríðarlegu tjóni 17. októ-
ber 2006 þegar unnið var að
því að lyfta vélbátnum Gandí.
Í því efni verðum við að sjá
hvaða stefnu málið tekur.
Lögum á Alþingi var breytt til
þess að geta að einhverju
leyti bætt þetta tjón. Ég býst
við að á næsta ári verði á ein-
hvern hátt farið í endurbygg-
ingu Skipalyftunnar. En stærri
verk inn í framtíðina er stór-
skipahöfn en það liggur fyrir
að flutningaskipin verða mun
stærri í framtíðinni en þau eru
í dag. Við höfum bæði fengið
fyrirspurnir frá Eimskip og
Samskip um fyrirætlanir okk-
ar í þessum efnum. Í sam-
vinnu við Siglingastofnun er-
um við að skoða alla þá
möguleika sem eru til staðar.
Einn af þeim er að koma upp
stórskipahöfn norðan Eiðis,
sem myndi væntanlega þýða
að gerðir yrðu tveir garðar,
það þyrfti að ráðast í dýpkun
og reka niður mikið þil. Ann-
ar möguleiki væri að gera
stórskipahöfn nálægt núver-
andi innsiglingu, á móts við
Klettsvíkina. Sú leið hefur
verið skoðuð eitthvað, en
ekki er komin endanleg nið-
urstaða um hvort sá kostur er
vænlegur. Ókosturinn við
þessa staðsetningu er sá að
hún er töluvert langt frá þar
sem öll hafnarþjónustan er í
dag. Þriðji möguleikinn er að
stytta Norðurhafnargarðinn,
sem liggur að Heimakletti og
framlengja bryggju sem þar
er. Líklega væri þetta ódýrasti
kosturinn, en við vitum ekki
hvort hann er raunhæfur,“
segir Arnar.
V E S T M A N N A E Y J A H Ö F N
Arnar Sigurmundsson, formaður framkvæmda- og hafnarráðs Vestmannaeyja, og
Hermann Guðjónsson, siglingamálastjóri, en hann færði Eyjamönnum að gjöf
gamlar teikningar af Vestmannaeyjahöfn. Myndir: Óskar P. Friðriksson/Vestmannaeyjum.
Þóra Hrönn Sigurjónsdóttir, eina konan í framkvæmda-og hafnarráði Vestmanna-
eyja, fékk fyrstu sneiðina af afmælistertunni.
Mynd sem sýnir athafnalíf á og við Bæjarbryggjuna í Eyjum árið 1933.
Unnið er að endurbótum á hinni fornfrægu Bæjarbryggju. Við bryggjuna liggur hér hinn sögufrægi bátur Blátindur VE 21, sem
var smíðaður í Eyjum árið 1947. Um tíma gegndi Blátindur hlutverki varðskips.