Ægir - 01.08.2007, Blaðsíða 36

36
um hætti á Suðvesturmiðum,
Vesturmiðum, Norðvesturmið-
um, Norðausturmiðum og
Austfjarðamiðum.
„Hvað varðar ýsuna þá er
ljóst að það þarf og það verð-
ur að breyta þeim viðmið-
unarmörkunum sem nú eru
höfð til hliðsjónar. Kynþroska
ýsa er almennt smærri en
fræðingarnir reiknuðu með
og það þarf því að lækka við-
miðunarmörkin og leyfa sjó-
mönnum að veiða þennan
fisk og koma með hann að
landi. Ég held að menn séu
almennt að átta sig á því að
notkun skilja á bolfiskveiðum
hefur ekki skilað þeim árangri
sem að var stefnt. Skiljurnar
skemma fiskinn og það er vit-
að að smáýsa þolir mjög illa
að missa hreistur. Að mínu
mati er betra að viðurkenna
staðreyndir og gera verðmæti
úr smáýsunni,“ segir Árni.
Ekki óeðlilegt að hækka
sjómannaafsláttinn
Að sögn Árna geta stjórnvöld
einnig gert ýmislegt annað til
að auðvelda sjómönnum róð-
urinn á þessum þrenging-
artímum.
„Á mestu niðurlægingarár-
um sjávarútvegsins, þegar
skip komust ekki á sjó vegna
manneklu, þá var tekinn upp
svokallaður sjómannaafsláttur
í því skyni að fá menn til
þess að leggja sjómannsstarf-
ið fyrir sig. Sjómannaafslátt-
urinn er enn við lýði, a.m.k.
að nafninu til, en það er búið
að krukka í hann tíu sinnum
með einum eða öðrum hætti
fyrir atbeina Alþingis frá því
að hann tók fyrst gildi. Ég álít
ekki óeðlilegt að hækka sjó-
mannaafsláttinn sem nemur
skerðingu þorskkvótans á
meðan þessar aðstæður ríkja.
Með því myndu stjórnvöld
sýna í verki eitthvað sem
benti til að þeir teldu þjóð-
arbúinu hag í að eiga áfram
íslenska sjómannastétt. Ég
veit að þetta er viðkvæmt mál
fyrir suma sjómenn en ef ekk-
ert verður að gert þá er voð-
inn vís. Þess sér nú þegar
stað að farið sé að ráða út-
lendinga á fiskiskipin og
heyrst hefur að menn séu
farnir að mæta á hafnarbakk-
ann á brottfarartímum skip-
anna með nokkra útlendinga
með sér í bílnum og bjóða
fram starfskrafta þeirra.“
Árni segir að það vanti
ekki að íslensk sjómannastétt
sé mærð í ræðu og riti á há-
tíðarstundum og mannauð-
urinn sé nýyrði sem stjórn-
völdum virðist sérstaklega
hugleikið um þessar mundir.
„Ég gef hins vegar lítið fyr-
ir svona fagurgala. Það er rétt
að það er gríðarlegur mann-
auður fólginn í íslenskri sjó-
mannastétt. Verðmætasköpun
í fiskveiðum hérlendis á
hvern sjómann er sú lang-
mesta sem þekkist á byggðu
bóli og það er ekki síst
merkilegt vegna þess að að-
stæður til sjósóknar eru óvíða
erfiðari og hættulegri. Ég er
reyndar þeirrar skoðunar að
þekkingu sjómanna sé ekki
hægt að meta til fjár. Hins
vegar er ekki annað að sjá og
heyra á ráðamönnum en að
þeir láti sér í léttu rúmi liggja
þótt þessari verðmætu þekk-
ingu verði kastað á glæ.“
Verðmyndun á fiski efst á
baugi í komandi
kjarasamningum
Samningar yfirmanna á fiski-
skipum eru lausir þann 31.
maí á næsta ári. Árni segir að
fulltrúar sjómanna og útgerð-
armanna hafi hist þrívegis til
að undirbúa viðræður vegna
kjarasamninga fiskimanna en
því sé ekki að leyna að búast
megi við mjög erfiðum samn-
ingaviðræðum. Bara nið-
urskurður þorskveiðiheimild-
anna einn og sér hafi gríð-
arleg áhrif á stöðu sjómanna
og viðsemjenda þeirra í kom-
andi samningum. Öllum sé
ljóst að minna sé til skiptanna
og að torvelt geti reynst að ná
samkomulagi.
„Það er alveg ljóst, að
mínu mati, að verðmyndun á
fiski verður efst á baugi í við-
ræðum um gerð nýs kjara-
samnings. Það mál verður að
leysa. Þá blasir við að vegna
þess gríðarlega óstöðugleika,
sem verið hefur í gengismál-
um, og vegna niðurskurðar
þorskkvótans að þá hlýtur
krafa um lágmarkslaun til
handa sjómönnum að vera
mjög ofarlega á baugi. Bilið
milli launa í landi og á sjó
hefur minnkað það mikið að
ég er ekki viss um að menn
sjái ástæðu til að leggja sjó-
mennskuna fyrir sig í framtíð-
inni að óbreyttu. Íslensk sjó-
mannastétt er einstök í heim-
inum, að mínu mati, og þar
af leiðandi lífsnauðsynlegt að
stuðla að því með öllum til-
tækum ráðum að gera sjó-
mennskuna eftirsóttan valkost
á ný í því mikla ölduróti sem
einkennt hefur íslenskt efna-
hags- og atvinnulíf undanfar-
in ár,“ segir Árni Bjarnason,
formaður Félags skipstjórn-
armanna.
Viðtal: Eiríkur St. Eiríksson.
Æ G I S V I Ð T A L I Ð
„Ég er þeirrar skoðunar að þekkingu sjómanna sé ekki hægt að meta til fjár. Hins
vegar er ekki annað að sjá og heyra á ráðamönnum en að þeir láti sér í léttu rúmi
liggja þótt þessari verðmætu þekkingu verði kastað á glæ,” segir Árni Bjarnason.
LEGUR
WWW.N1.ISN1 VERSLUN BÍLDSHÖFÐA 9 · SÍMI 440 1200
N1 býður úrval af legum og tengdum vörum fyrir iðnað, bifreiðar
og sjávarútveg. Hafðu samband við fagmenn okkar í síma 440 1233.
Legur · Leguhús · Reimar · Tannhjól · Reimskífur
Pakkdósir · Sérverkfæri · Legufeiti
F
í
t
o
n
/
S
Í
A