Dagrenning - 01.04.1958, Page 21

hött í þessu sambandi.“ Og þér segið
ennfremur: „Það er ekki til umræðu
hér, hvort Guð viti hlutina fyrir, hvort
hann geti sagt fyrir óorðna atburði
né hvort Biblían kenni, að hann hafi
raunverulega gert það í einstökum til-
fellum.“ (Lbr. hér.) Jú, það er einmitt
þetta, sem er til umræðu okkar í milli
nú. Ég held því fram, að Guð viti hlut-
ina fyrirfram, ráði þannig yfir vís-
dómi, sem mönnunum sé óskiljanlegur,
og að hann hafi margsinnis sannað, að
þetta er svo, með því að láta spámenn
sína birta þjóðum og einstaklingum
þessa óorðnu hluti, jafnvel mörgum öld-
um áður en þeir gerðust. Einn af spá-
mönnum ísraels — Amos — tekur svo
djúpt 1 árinni, að hann segir: „Drott-
inn gjörir ekkert án þess að hann hafi
opinberað þjónum sínum, spámönnun-
um, ráðsályktun sína.“ (Amos 3. 7).
Þessa skoðun mína hefi ég rökstutt
með fjölda tilvitnana í Biblíuna, þar á
meðal í ummæli Krists sjálfs. Þetta
teljið þér „óheimilar ályktanir“, og svo
virðist sem þér séuð þeirrar skoðunar,
að lítið sé að marka spádóma Gamla
testamentisins aðra en þá, sem eiga
við líf og starf Krists. Það finnst mér
alveg fráleit skoðun. Hitt sýnist mér
miklu líklegra, að jafnmikið sé að
marka þá spádóma, sem fjalla um önn-
ur efni og að ennþá eigi fjöldi spádóma
eftir að rætast, spádóma, sem ekki
eiga beinlínis við fyrri komu Krists,
heldur við örlög þjóða og stórfellda at-
burði í sögu mannkynsins fyrr og síð-
ar. Um þetta getum við því ekki rök-
rætt frekar, hr. prófessor, ég tek ekki
gild rök yðar og þér takið ekki gild
mín rök, svo að hér eftir sem hingað
til verður hvor okkar að hafa það, sem
honum sýnist réttast í þessu efni. Ég
ætla mér ekki þá dul að breyta yðar
skoðunum í þessu efni, slík breyting
mundi hafa það í för með sér, að þér
yrðuð að „hafna því, sem ekki fær stað-
izt“ í kenningum yðar, en það yrði
yður um megn. Er þetta atriði því út-
rætt af minni hálfu.
PÝRAMÍDINN.
Annað, sem okkur greinir á um í
grundvallaratriðum, er Pýramídinn
mikli. Það er athyglisvert, að þér eyðið
langmestu rúmi, bæði í trúmálagrein-
um yðar í Vísi og bréfinu til mín, til
þess að ræða um Pýramídann og gera
lítið úr spámælingum hans. Þetta er
því undarlegra sem þér berið sáralítið
skyn á þau fræði — og það af eðlileg-
um ástæðum, — því að þér hafið ekki
reynt að kynna yður þau vísindi, nema
í niðurrifstilgangi. Þér eruð fyrirfram
sannfærður um, að það, sem þar um er
sagt, sé allt heilaspuni, og markleysa,
þegar bezt lætur. Menn með slíkar
fyrirfram sannfæringar er ekki hægt
að rökræða við, svo að nokkuð geti á
því græðst. Þetta tók ég fram í fyrri
grein minni, og þar með hélt ég, að
þetta atriði væri útrætt. Þér hafið
t. d. enn þá skoðun á Cheopspýramíd-
anum, að hann sé gröf dauðs konungs.
Þér virðist ekki vita það, að gröf þess
konungs, sem talinn var heygður í
Pýramídanum mikla, fannst annars
staðar, og engin vissa er fyrir því, að
pýramídi þessi hafi nokkru sinni verið
konungsgröf. Þetta viljið þér ekki vita
og af því má nokkuð marka þjónustu
yðar við sannleikann, einnig á öðrum
sviðum. Við getum því sem bezt sparað
okkur og öðrum allar „rökræður" um
Pýramídann mikla og spámælingar
hans. Ég nenni ekki að endurtaka þær
DAGRENNING 15