Morgunblaðið - 17.03.2015, Blaðsíða 16

Innlent
MORGUNBLAÐIÐ ÞRIÐJUDAGUR 17. MARS 2015
525 2080 // sala@valitor.is // www.valitor.is
Valitor býður hraðvirka og örugga posa
sem gerir söluaðilum kleift að taka við
snertilausum greiðslum.
Söluaðilar eiga þess kost að fá uppfærslu
á posabúnað sinn og geta þá boðið við-
skiptavinum sínum að greiða með síma
eða snertilausu korti auk hefðbundinna
greiðsluleiða.
Þú sérð um söluna
– við sjáum um greiðsluna
Snertilausar
greiðslur í posum
H
V
ÍT
A
H
Ú
S
IÐ
/S
ÍA
1
4
-0
7
2
7
Benedikt Bóas
benedikt@mbl.is
Mikið er um að ferðamenn virði ekki
merkingar og öryggisbönd við Gull-
foss. Neðri stígurinn að Gullfossi er
lokaður á veturna en stöðugur úði
frá fossinum gerir stíginn afar vara-
saman.
Samkvæmt upplýsingum Um-
hverfisstofnunar er algengt að fólk
hætti sér niður stíginn þrátt fyrir
viðvaranir og lokanir. Stofnunin
segir að slík hegðun sé fordæm-
isgefandi og hvetji aðra gesti svæð-
isins til sömu hegðunar. „Því var
það mikið áhyggjuefni þegar nokkr-
ir ferðamenn hundsuðu lokun á
neðri stígnum og í ofanálag fóru út
af stígnum og gengu út á íshengju
sem skagar nokkra metra fram af
klettabrúninni sjálfri. Á stuttum
tíma höfðu fjölmargir elt fótsporin
og skilið allt
svæðið eftir út-
traðkað, alla leið
út á ystu nöf.
Mikil mildi var
að ekki varð
mannskætt slys
vegna þessa at-
hæfis,“ segir í
frétt Umhverf-
isstofnunar. Gull-
foss er einn fjöl-
sóttasti ferðamannastaður landsins
og þúsundir ferðamanna skoða foss-
inn á hverjum degi.
Ekki hvort heldur hvenær
Ástdís Kristjánsdóttir, rekstr-
arstjóri við Gullfoss, sagði í samtali
við Morgunblaðið þriðja mars að
spurningin væri hvenær, ekki hvort,
eitthvað gerist við fossinn. Undir
það tekur Örvar Már Kristinsson,
formaður Félags leiðsögumanna.
„Ég tek alveg undir þessi orð. Þess-
ar myndir eru svakalegar. Þarna er
fólk að labba á hengjunni og ef fólk
stígur nánast eitt skref í viðbót þá
er voðinn vís. Undir snjónum er
klakabrynja og ef þetta fer af stað
þá fer sá aðili sem stendur þarna
upp á bara niður. Ég hef séð svona
líka við Dettifoss.“ Hann segir að ís-
lenskir leiðsögumenn vari fólk við
og fræði sína gesti um svæðið. Það
sé hinsvegar alltaf að aukast að fólk
sé að ferðast hingað til lands á eigin
vegum og viti ekki hvernig eigi að
haga sér hér á landi. Þá sé sífellt að
aukast að erlendar ferðaskrifstofur
komi með erlendan leiðsögumann.
„Þeir þekkja jafnvel ekki hætturnar
sem leynast hér á landi. Ég þekki til
dæmis ekki hvernig ég á að haga
mér í Ölpunum þó að ég hafi komið á
Vestfirði.“
Ferðamenn á ystu
nöf við Gullfoss
Hættulegt Ferðamenn hundsuðu lokun við Gullfoss og gengu út á íshengju sem slútir fram af klettabrúninni sjálfri.
 Ferðamenn hundsuðu lokun  Gengu út á íshengju sem
skagar nokkra metra fram af klettabrúninni við Gullfoss
Örvar Már
Kristinsson
Ágúst Ingi Jónsson
aij@mbl.is
Hagnaður Faxaflóahafna nam 644,4 milljónum króna á
síðasta ári og er það tæplega 57 milljónum betri nið-
urstaða en árið 2013. Tekjur voru 220,9 milljónir umfram
áætlun en rekstrarútgjöld voru 56,2 milljónum undir
áætluðum útgjöldum. Faxaflóahafnir greiða eigendum
sínum 173 milljónir í arð, samkvæmt upplýsingum Gísla
Gíslasonar, hafnarstjóra. Reykjavíkurborg, á rúmlega
75% í Faxaflóahöfnum, en sveitarfélögin norðan Hval-
fjarðar tæplega 25%, þ.e. Akranes, Hvalfjarðarsveit og
Borgarbyggð.
Milljarður í framkvæmdir
Í fyrra var rúmum milljarði varið til framkvæmda. Í
Sundahöfn var m.a. lokið við ýmis verkefni tengd leng-
ingu Skarfabakka um 200 metra. Þessi bakkagerð hefur
verið meginframkvæmd Faxaflóahafna sf. 2013-14. Þá
var hafinn undirbúningur að gerð 470 metra hafnar-
bakka utan Klepps, sem verður meginverkefni Faxaflóa-
hafna sf. á árunum 2015-18. Þar er ætlað að verða helsti
hafnarbakki farmstöðvar Eimskips í framtíðinni fyrir
stærri og djúpristari flutningaskip.
Á Grundartanga var unnið að lóða- og gatnagerð og
hafnarframkvæmdum við lengingu Tangabakka, en
reiknað er með að byggingu bakkans ljúki vorið 2015.
Hafinn var undirbúningur að úthlutun lóðar fyrir Silicor
Materials á Katanesi á Grundartanga.
Í Gömlu höfninni í Reykjavík var m.a. unnið að þriðja
áfanga endurnýjunar efri hæðar Bakkaskemmu og með
honum lýkur heildarfrágangi á innréttingum fyrir Sjáv-
arklasann á allri efri hæð hússins. Á Akranesi var unnið
að dýpkun innsiglingar og snúningssvæðis skipa við að-
alhafnargarð.
Hagnaður Faxaflóa-
hafna 644 milljónir
 170 milljónir í arð  Bakki utan Klepps meginverkefnið
Morgunblaðið/Styrmir Kári
Skemmtiferðaskip í Sundahöfn Í fyrra var lokið við
ýmis verkefni tengd lengingu Skarfabakka um 200 metra.