Morgunblaðið - Sunnudagur - 26.04.2015, Side 32
V
eitingastaðurinn Le Bistro, á horni Laugavegar og Bergstaða-
strætis, var stofnaður fyrir um tveimur árum. Húsið er líklega
eins franskt og hugsanlegt er og má í raun líta á það sem litla
París í miðjum miðbæ Reykjavíkur. Eigendur staðarins, Arnór
Bohic og Alex Da Rocha, eru báðir franskir í annan legg og leggja upp
með að gestir njóti þess að borða góðan, franskan mat en upplifi sig einn-
ig í frönsku umhverfi. Maturinn er nefnilega eitt og upplifunin annað og
saman skapar það skemmtilega stemningu.
„Það er mikilvægt að umgjörðin sé rétt til þess að ná fram réttu hug-
hrifunum. Lyktin, þjónustan og útlit staðarins þarf að vera akkúrat til að
ýta undir áhrif matarins. Við sem fagmenn lítum á okkur sem sendiherra
góðrar matarmenningar, okkar hlutverk er að halda í gamlar og góðar
matarvenjur, ekki aðeins Frakklands heldur þess sem eftir er af þeim í
heiminum. Það er ekki aðeins vilji okkar heldur skylda að bera fram hæg-
eldaða rétti, þó pressa markaðarins sé mikil. Túristarnir eru kröfuharðir
og Íslendingarnir vilja borða strax. Það tekur oft frá okkur frítímann að
undirbúa allt eins og á að vera svo hægt sé að bera fram hratt, en niður-
staðan er sú að við berum fram rétti sem njóta virðingar fyrir handunnu
hefðinni,“ segir Alex. Allir kokkarnir á Le Bistro koma frá Frakklandi og
kunna því sitt í franskri matargerð. „Maturinn og bistro-stemningin er
ástríða okkar. Bistro-menningin er rótsterk í Frakklandi og er hún jafn
mikilvæg í öllum bæjum landsins líkt og kirkjan og bæjarskrifstofan.“
Reglulega kynntur nýr matseðill
Staðurinn er einstaklega skemmtilega innréttaður með fullt af smámunum
sem auðvelt er að gleyma sér í að skoða. „Matseðillinn er meira og minna
byggður upp á klassískum, frönskum réttum. Við bjóðum meðal annars
upp á þetta hefðbundna, coq au vin, snigla, froskalappir, duck confit,
crème brûlée og fleira,“ segir Arnór. „Við erum einnig með smá íslenskt.
En það sem er nýtt hjá okkur er að við erum með tappagjald. Það þýðir
að gestir mega koma með sína eigin flösku með sér, dreypa á með rétti af
matseðli og borga tappagjald fyrir. Margir hafa sínar sérþarfir hvað vín
varðar og því höfum við ákveðið að bjóða upp á þennan valkost.“
Reglulega er skipt út réttum af matseðli og nýjum réttum bætt við
enda er mikilvægt að halda flæðinu góðu og fá eitthvað nýtt og ferskt inn.
Á næstu dögum mun Le Bistro kynna nýjan matseðil og í tilefni af því
bauð yfirkokkur staðarins eigendum og starfsfólki upp á að smakka
nokkra af nýju réttunum á dögunum.
Barinn er dekkhlaðinn alls-
konar leirtaui og smádóti
sem gaman er að rýna í.
Nýju réttirnir féllu vel í kramið hjá starfsfólki og eigendum Le Bistro enda er
franskur matur alveg einstaklega góður þegar hann er eldaður rétt.
FRÖNSK STEMNING Í HÁVEGUM HÖFÐ
Smökkuðu
nýju réttina
saman
* Bistro-menningin er rótsterk í Frakklandi oger hún jafn mikilvæg í öllum bæjum landsinsog kirkjan og bæjarskrifstofan.
Frá vinstri: Arnór, Þrúður,
Luise, Juste, Juiliane, Ásdís og
yfirkokkurinn Christophe.
AÐDÁENDUR FRANSKRAR MATARMENNINGAR GETA
NOTIÐ SÍN Í EKTA FRÖNSKU UMHVERFI Á VEIT-
INGASTAÐNUM LE BISTRO Á LAUGAVEGI.
Gunnþórunn Jónsdóttir gunnthorunn@mbl.is
Skemmtilegt málverk eftir
Tiago Forte, sem sýnir m.a.
byltinguna í Frakklandi og eig-
endur staðarins á sömu mynd.
Arnór og Alex hafa beðið ömmur
og afa um að fara í gegnum háaloftin
og senda sér fallega franska muni frá
Frakklandi til að skreyta staðinn.
32 MORGUNBLAÐIÐ SUNNUDAGUR 26.4. 2015
Matur og drykkir