Húnavaka - 01.05.1968, Qupperneq 46

BJARNI JÓNASSON, Blöndudalshólum:
Frá uppnafi átjánau alclar
Ný öld gengur i garð.
Við lok 17. aldar stóð hagur íslenzku þjóðarinnar höllum fæti.
Þjóðin hafði í heila öld búið við áþján einokunarverzlunarinnar.
Síðustu áratugina höfðu tök einokunar harðnað til muna við bind-
ingu kaupsvæðanna, en þá mátti enginn verzla nema við einn til-
tekinn kaupmann, að viðlögðum miklum refsingum.
Arferði hafði verið illt tvo síðustu áratugina: Hafísar, snjóþyngsli,
eldgos og öskufall. Þó tók steininn úr með árferðið síðustu ár aldar-
innar. Annálar geta þess við árið 1699, að ísa leysti þá ekki af Svína-
vatni fyrr en í fardögum og undir árslokin var gengið á ísi yfir
BJARNI JÓNASSON er fæddnr 24. febrúar 1891 í Þórormstungu. For-
eldrar hans voru hjónin Elín Ólafsdóttir og Jónas B. Bjarnason. Bjarni
tók kennarapróf 1911 og var kennari á Blönduósi 1911—1916 og síðan í
Svínavatns- og Bólstaðarhlíðarhreppum, þar til hann hætti kennslu fyrir
aldurs sakir. Hann var hreppstjóri í Svínavatnshreppi 1917—1924 og síðar
í Bólstaðarhlíðarhreppi. Um tíma formaður Ivennarafélags Húnvetninga
og í stjórn Sögufélags Húnvetninga frá stofnun þess og er nú formaður
þess. Bjarni hefur gegnt mörgum fleiri trúnaðarstörfum í þágu sveitar
sinnar og héraðs. — Bjarni hefur ritað mikið af sagnfræðilegum ritgerðum
og sinnt fræðistörfum hin síðari ár. Margir þættir um húnvetnsk fræði
liafa birzt eftir hann, t. d. í Svipum og sögnum, Húnavöku og víðar. —
Kona hans er Anna Margrét Sigurjónsdóttir, bónda í Mjóadal Jóhanns-
sonar. Þau bjuggu í Blöndudalshólum og eru þar, en nú hefur Jónas son-
ur þeirra tekið við búinu.