Húnavaka - 01.05.1968, Page 104

102
HÚN AVAKA
upp og gengur til prestsins og klæðir hann í hvítan kjól og leggur
svo einhverja flík á hann þar ylir, rauða með gylltum röndum, og
virtist mér þetta harla einkennilegt, þar sem heitt var í kirkjunni,
að vera að klæða manninn í svo mikil föt, en ekkert þorði ég að
segja, því að mamma var búin að þagga niður í mér, er ég ætlaði
eitthvað að segja.
Ég býst nú við því, að ég hafi frekar lítið skilið af Jrví sem talað
var í kirkjunni, en allt, sem fyrir augu bar hreif huga minn svo,
að það stendur mér skýrt fyrir hugskotssjónum enn þann dag í dag
og ég vona að þau áhrif hverfi mér eigi, hvað sem lífið kann að
bjóða mér. Og síðan að ég þroskaðist að árum virtist mér ég skilja
æ betur og betur þau orð Jesú Krists er hann segir: „Hver, sem
ekki tekur á móti guðs ríki eins og barn, mun alls eigi inn í Jrað
koma.“
LÁRUS G. GUÐMUNDSSON, Höjðakaupstað:
Gæfa
Gæfa þér veitist á gleðinnar degi
ef gleymir aldrei því
að blóm eru hnípin víða með vegi;
vertu þeim græðandi vordögg, svo megi
vakna til lífsins á ný.
\