Húnavaka - 01.05.1975, Side 17

HÚNAVAKA
15
sonar, þar sem Stefán bjó og þaðan til nokkurra húsa, sem áður
höfðu haft rafmagn frá díselstöðinni. Ekki er mér kunnugt hvað
þessi stöð, sem venjulega var kölluð Mýrarljós, gat framleitt mikið
rafmagn. Þetta framtak Stefáns Runólfssonar örvaði mjög áhuga
manna á Blönduósi og víðar um héraðið um að hefjast handa og
nota vatnsaflið til virkjunarframkvæmda.
UNDIRBÚNINGUR VIRKJUNARFRAMKVÆMDA.
Á almennunr borgarafundi, sem haldinn var á Blönduósi 15. febr.
1930 var kosin nefnd til að rannsaka skilyrði og undirbúning að raf-
virkjun fyrir kauptúnið. Hún hafði samvinnu við sýslunefnd Aust-
ur-Húnavatnssýslu og stjórnir samvinnufélaganna, en varð ekkert
ágengt. Vorið 1932 var haldinn borgarafundur á Blönduósi til þess
að herða sóknina í raforkumálum. Jónas Sveinsson þáverandi hér-
aðslæknir var málshefjandi. Mikill áhugi ríkti á fundinum um virkj-
unarframkvæmdir. Ný nefnd var kosin til að leita samvinnu við
sýsluna og samvinnufélögin um undirbúning og framkvæmdir.
Nefndina skipuðu: Jónas Sveinsson héraðslæknir, Steingrímur
Davíðsson skólastjóri og Kristinn Magnússon. Nefndinni var falið
að vinna í samráði við Þorstein Bjarnason oddvita Blönduóshrepps
og fá til aðstoðar Stefán Runólfsson rafvirkja.
Fyrsta verk nefndarinnar var að leita til Höskuldar Baldvinssonar
rafmagnsverkfræðings og fá hann til að athuga virkjunarmöguleika
í nágrenni Blönduóss. Höskuldur lagði til að vatn til stöðvarinnar
væri leitt í opnum skurði úr norðurenda Laxárvatns hjá Sauðanesi
að melabrúnunum nálægt Dýhól. Af melbrúninni átti að leiða vatn-
ið í pípum að Blöndu rétt ofan við Blöndubrú, þar sem stöðin skyldi
reist. Með þessari aðferð hefði fengist um 40 m. fallhæð. Ekki leisí
undirbúningsnefndinni á þessar tillögur. Ljóst var að þessi skurður
um 4 knr langur hefði fyllst af snjó í fyrstu hríðum og vatnið farið
úr farveginum.
Jón ísleifsson verkfræðingur gerði allmiklar mælingar í sambandi
við tillögur Höskuldar Baldvinssonar og mælti eindregið gegn því
að vatnið væri leitt þessa leið í opnum skurði. Að þessum athugun-
um loknum var leitað til Jakobs Gíslasonar þáverandi forstjóra Raf-