Morgunblaðið - Sunnudagur - 21.06.2015, Side 20

20 MORGUNBLAÐIÐ SUNNUDAGUR 21.6. 2015
Heilsa og hreyfing
U
pphaf sögunnar um flug-
stólinn íslenska má
rekja til hugmyndar
Brands Bjarnasonar
Karlssonar þegar hann sá frönsku
myndina Intouchables, en í henni
fer lamaður maður í svifvængja-
flug. Brandur, sem er lamaður fyr-
ir neðan háls, kom að máli við Gísla
Steinar Jóhannesson og úr varð að
hanna og smíða flugstól. Gísli og
Samúel Alexandersson reka fyr-
irtækið True Adventure, en þeir
fljúga um loftin blá með ferðamenn
sem upplifa íslenska fegurð eins og
fuglinn fljúgandi. Hugmyndin um
stólinn varð að veruleika með hjálp
margra en hann er hannaður af
Hafsteini Jónassyni og smíðaður í
samstarfi við stoðtækjafyrirtækið
Össur. Stóllinn var fyrst prófaður
nú í lok maí og fengu þá Brandur
Bjarnason Karlsson og Arnar
Helgi Lárusson að prófa, en Arnar
er einnig lamaður.
Beðið eftir rétta vindinum
Næst kom röðin að kvenpeningnum
og varð Arna Sigríður Alberts-
dóttir fyrir valinu. Þegar Arna
heyrði fyrst af flugstólnum í fyrra
varð hún spennt að prófa. Hún var
ekki lengi að hugsa sig um þegar
henni var boðið í flug nú fyrir
skemmstu. Hún keyrði einn fal-
legan laugardag til Víkur í Mýrdal
til að „stökkva“ fram af fjalli í svif-
væng og varð ekki fyrir von-
brigðum. Bíða þurfti allan daginn
eftir rétta vindinum og hafði Arna
langan tíma til að hugsa um flugið.
„Ég hélt ég yrði meira stressuð en
kannski veit ég bara ekkert hvað
ég er að fara út í,“ segir Arna fyrir
flug og hlær. Gísli Steinar rekur
höfuðið inn um bílgluggann hjá
okkur. „Ég held við hinkrum bara,
það koma góðir hvellir inn á milli,“
segir hann og við kinkum kolli eins
og við vitum hvað það þýðir. Vind-
áttin virðist sífellt vera að breytast
og við bíðum öll spennt. Samúel er
á „refresh“ takkanum á vedur.is og
allt er til reiðu, nema hagstæður
vindur. Fyllsta öryggis er að sjálf-
sögðu gætt og er veðrið og vind-
urinn stærsti áhrifavaldurinn í svif-
vængjaflugi.
Stefnan sett á Ólympíuleikana
Arna, sem er 25 ára, slasaðist í
skíðaslysi þegar hún var sextán ára
og lamaðist fyrir neðan brjóst. Hún
hefur ekki setið auðum höndum
síðan þar sem hún æfir handahjól-
reiðar af miklu kappi og stefnir
hún á Ólympíuleikana í Ríó í Bras-
ilíu árið 2016. Einnig stundar hún
skíðaíþróttina í sérútbúnum stól á
veturna og hefur æft handbolta og
körfubolta. Arna er mjög ánægð
með framtak strákanna. „Mér
finnst þetta frábært, það er svo lít-
ið af útivist og sporti á Íslandi fyrir
fólk í minni stöðu sem þarf að nota
hjólastól,“ segir hún, en átta ár eru
síðan hún lenti í slysinu örlagaríka.
Hún hefur alltaf verið mikil keppn-
ismanneskja, en hún æfði skíði fyr-
ir slysið. Nú eiga handahjólreið-
arnar hug hennar allan og æfir hún
tvisvar á dag. Hún segir þessa
íþrótt njóta vaxandi vinsælda með-
al fólks í hjólastólum í heiminum.
Vegalengdin sem hún keppir í er
15 til 25 kílómetrar. Hún vinnur nú
hörðum höndum að því að ná nógu
mörgum stigum til að mega keppa
á Ólympíuleikunum.
Senda bréf til
Sameinuðu þjóðanna
Arna Sigríður hefur starfað með
átakinu „Stattu með taugakerfinu“,
en tilgangur verkefnisins er að
semja bréf til að senda aðalritara
Sameinuðu Þjóðanna um að setja
sem þróunarmarkmið að skoða
taugakerfið. Til þess hafa þau safn-
að undirskriftum landsmanna en
það þarf vissan fjölda til að hægt
sé að senda bréfið. „Við mænu-
SVIFVÆNGJAFLUG LÍKA FYRIR FATLAÐA
Úr hjólastól
í flugstól
Arna Sigríður brosir breitt
í háloftunum í traustum
höndum Samúels.
ARNA SIGRÍÐUR ALBERTSDÓTTIR SKELLTI SÉR Í SVIF-
VÆNGJAFLUG Í SÉRHÖNNUÐUM FLUGSTÓL. ARNA ER
LÖMUÐ EN LÆTUR FÁTT AFTRA SÉR Í LÍFINU OG SVEIF
ÓHRÆDD YFIR VÍK Í MÝRDAL FRJÁLS SEM FUGLINN. FLUG-
STÓLLINN MUN NÝTAST FLEIRI FÖTLUÐUM Í FRAMTÍÐINNI.
Ásdís Ásgeirsdóttir asdis@mbl.is
Morgunblaðið/Ásdís
Gísli, Arna Sigríður og Samúel
voru alsæl að flugi loknu.
Ljósmynd/True adventure
Rannsóknir hafa sýnt að fólk sem borðar fæðu sem inniheldur mikið af pótasíum er síður lík-
legt til þess að þjást af háum blóðþrýstingi. Því ætti maður að vera duglegur að borða fæðu á
borð við banana, sem eru pótasíumsprengjur, og annan pótasíumríkan mat á borð við kanta-
lópur og appelsínur.
Meiri banana