Dagblaðið Vísir - DV - 24.04.2009, Blaðsíða 26

föstudagur 24. apríl 200926 Fréttir
nesja. En í gögnum einkavæðingar-
nefndar er skjal sem sýnir fram á það
að eiginfjárstaða Geysis Green var
bágbornari en hinna níu félaganna
sem sýndu því áhuga að kaupa hlut-
inn í Hitaveitunni: eigið fé fyrirtækis-
ins var 1,2 milljarðar þegar fyrirtækið
lýsti yfir áhuga á að kaupa hlutinn í
Hitaveitunni í byrjun apríl. Í yfirlýs-
ingunni frá Geysi Green til einka-
væðingarnefndar kemur hins vegar
fram að stjórn félagsins sé heimilt
að hækka hlutafé fyrirtækisins og var
það gert á árinu 2007 því samkvæmt
ársreikningi fyrirtækisins var hluta-
féð aukið um rúmlega 17 milljarða á
árinu.
Ásgeir Margeirsson segir hins
vegar að um þessar mundir sé Ís-
landsbanki, áður Glitnir, eini lánar-
drottinn fyrirtækisins og því hefur
bankinn séð alfarið um fjármögn-
un kaupanna í hlutnum í Hitaveit-
unni en Íslandsbanki á auk þess 40
prósenta hlut í Geysi í gegnum félag
sem heitir Glacier Renewable Energy
Fund.
Stefndu á 5 til 8 milljarða
dollara eignir
Eftir að Geysir Green Energy hafði
eignast hlutinn í Hitaveitu Suður-
nesja og sameinast REI undir nafni
hins síðarnefnda héldu REI-menn-
irnir Bjarni og Hannes fræga glæru-
kynningu í London um framtíð hins
nýja sameinaða félags. Þar kom fram
að REI ætti að verða stærsta fyrirtæki
í heimi á sviði jarðvarma og bar ein
glæran yfirskriftina „Heimurinn er
ostran okkar“. Þar kom meðal annars
fram að fyrirtækið stefndi að því að
eignir þess yrðu 5 til 8 milljarða doll-
ara virði, eða um 650 til 1.000 millj-
arða virði samkvæmt gengi íslensku
krónunnar nú.
En þessi spá um framtíðarhorfur
fyrirtækisins var byggð á því að sam-
eining REI yrði staðfest af borgarráði
líkt og kemur fram í glærukynning-
unni. Árið 2009 átti svo að skrá hluta-
bréf í fyrirtækinu til sölu á almennum
hlutabréfamarkaði. Þetta gekk hins
vegar ekki eftir þar sem framtíð fyr-
irtækisins var drepin í fæðingu þeg-
ar borgarráð Reykjavíkur samþykkti
ekki samruna Geysis Green og REI.
Í kjölfarið hætti Bjarni Ármannsson
hjá fyrirtækinu því forsendurnar fyrir
aðkomu hans að því virðast hafa ver-
ið brostnar og fyrirtækið gat ekki vax-
ið eins og hann og Hannes gerðu ráð
fyrir. Þegar borgarráð samþykkti ekki
samrunann sagði Bjarni: „Ég er ekki í
pólitík en mér virðist sem það sé ver-
ið að kasta verulegum fjármunum á
glæ með þessari ákvörðun.“ Bjarni
hafði þá fengið að kaupa hlutabréf
í REI fyrir hálfan milljarð króna á
genginu einum og má áætla að þessi
hlutabréf hefðu margfaldast í verði
ef framtíðarsýn Bjarna og Hannesar
hefði orðið að veruleika og má búast
við því að hann persónulega hefði
hagnast um marga milljarða króna.
Líklegt að ríkið tapi miklu
Ef svo fer að Íslandsbanki þurfi að
ganga að Geysi Green Energy og setja
það í þrot til þess að ná í útistandandi
kröfur sínar í fyrirtækinu er líklegt að
eignarhluti Geysis Green í Hitaveitu
Suðurnesja færist yfir til Íslands-
banka og þar með íslenska ríkisins
sem þá mun þurfa að selja hlutinn
til að eiga upp í kröfuna að hluta. Þá
mun 15,2 prósenta hlutur íslenska
ríkisins í Hitaveitunni aftur verða
kominn yfir til íslenska ríkisins auk
hluta þeirra sveitarfélaga sem seldu
hlut sinn í fyrirtækinu. Afar ólíklegt er
hins vegar að Íslandsbanki muni geta
selt hlut Geysis Green í Hitaveitunni
á því verði sem Geysir Green keypti
hann á þar sem hann var keypt-
ur á slíku yfirverði. Yfirverð Geys-
is Green sést meðal annars á því að
15,2 prósenta hlutur íslenska ríkisins
í fyrirtækinu var rúmur milljarður að
nafnvirði en Geysir Green bauð 7,6
milljarða í hann, næsthæsta til-
boðið í hlutinn var hins veg-
ar frá einkahlutafélaginu
Suðurnesjamönn-
um og var það upp
á rúma 4,7 millj-
arða. Afar líklegt
er því að íslenska
ríkið muni tapa
gríðarlegum fjár-
munum því eign-
arhlutur Geysis
Green í Hitaveitu
Suðurnesja er nú
metinn á um tvo
milljarða króna
samkvæmt heimild-
um DV.
Eftir einkavæð-
ingar-
ferlið á hlut ríkisins í Hitaveitu Suð-
urnesja, mislukkaða sameiningu
Geysis Green og REI, virðist því sem
hringurinn í þeirri atburðarás sem
hófst með bréfi Bjarna Ármannsson-
ar til einkavæðingarnefndar,
þar sem hann falaðist eft-
ir hlut ríkisins í Hita-
veitu Suðurnesja,
sé senn að lokast
því segja má að
hluturinn sé
nú þegar aft-
ur kominn í
vörslu ríkisins
þar sem Ís-
landsbanki
á stóran hlut
í Geysi Green
og er auk þess
eini kröfuhafi
þess.
„Við erum að vinna okkur í gegnum storminn.“
Ekki í vanskilum Ásgeir Margeirsson, forstjóri geysis green Energy, segir að
fyrirtækið skuldi lægri upphæð en 25 til 30 milljarða króna en vill ekki gefa
skuldastöðuna upp.
Íslensk gæðaframleiðsla
í 25 ár
Okkar verð – betra verð
Yfir 10.000 ánægðir notendur
á Íslandi.