Dagblaðið Vísir - DV - 02.07.2010, Side 6

Situr Sem faStaSt
n Guðlaugur Þór Þórðarson, al-
þingismaður Sjálfstæðisflokksins,
þráast enn við að segja af sér þing-
mennsku og axla
þannig ábyrgð
á styrkjum stór-
fyrirtækja til
sín. Þrátt fyrir
að hans eig-
in flokkur hafi
nýlega ályktað
um að hann ætti
að víkja, lætur
Guðlaugur engan bilbug á sér finna.
Guðlaugur er þekktur fyrir að vera
háll sem áll og þegar spjótin beinast
að honum lætur hann sig oft hverfa
undir yfirborðið í nokkra daga þar til
mestu lætin eru liðin hjá. Guðlaugur
Þór hefur einmitt verið síðustu daga í
slíkum köfunarleiðangri.
Kári og flugvélin
n Kári Stefánsson, forstjóri Ís-
lenskrar erfðagreiningar, stendur
í stórræðum þar sem hann þarf
að verjast á
tvennum víg-
stöðvum fyrir
dómstólum.
Annars vegar
hefur fyrirtæki
sem sá um að
hreinsa rotþró
hans stefnt
honum og hins
vegar byggingarfyrirtækið sem
byggir nýja húsið hans. Hann hef-
ur áður staðið í deilum sem ratað
hafa í fjölmiðla og ein slík saga er
af samskiptum hans við flugþjón
Icelandair. Er hann sagður frekar
hafa kosið að yfirgefa flugvél og
verða eftir í Boston en að leiðrétta
fullyrðingar sínar um kynhneigð
flugþjóns. Þessi saga hefur þó
aldrei verið staðfest af Kára sjálf-
um og flokkast því sem flökku-
saga.
erjur róbertS
n Auðmaðurinn Róbert Wess-
man og eiginkona hans Sigríður
Ýr Jensdóttir standa enn í deilum
við nágranna sína í Fossvoginum.
Nágrannarnir vilja skaðabætur
vegna afleiðinga framkvæmda
á lóð þeirra hjóna árið 2006 en
þeir vilja meina að Róbert hafi
þá stækkað hús sitt það mikið að
jörðin allt í kring hafi sigið. Helgi
Magnússon tannlæknir, ná-
granni Róberts, segir
botnlangann hrein-
lega ónýtan eftir
mikið jarðsig sem
hann rekur til fram-
kvæmda Róberts.
Mál tannlæknisins
á hendur auð-
manninum
var tekið
fyrir í Hér-
aðsdómi
Reykja-
víkur í
vikunni.
sandkorn
6 fréttir 2. júlí 2010 föstudagur
Jónína Bendiktsdóttir, eigandi og
framkvæmdastjóri Detox ehf., ætlar
sjálf að gera rannsókn á áhrifum de-
tox-meðferðar sinnar og beinir aug-
um sínum að eldri aldurshópum,
fólki á aldrinum 55 til 70 ára. Af því
tilefni auglýsir hún sérstakt júlítilboð
fyrir þennan aldurhóp.
Sérkjörin fyrir eldra fólk auglýs-
ir Jónína inni á vefsvæði sínu á Face-
book og tilgreinir að tilboðið gildi í
júlímánuði. Þannig geti fólk á áður-
nefndum aldri notið sérkjara og tekið
þátt í rannsókn hennar á líðan þátt-
takenda. Þar að auki eru börn hvött til
að bjóða foreldrum sínum í detox-frí
og áðurnefnda rannsókn á meðferð-
inni.
Í athugasemdakerfi vefsvæðisins
á Facebook er Jónína spurð nánar út
í rannsókn sína en þar verst hún allra
svara og biður fólk einfaldlega um að
mæta og taka þátt í boðaðri rannsókn.
Nokkur mótbyr
Ekki er laust við að Jónína hafi þurft
að sæta nokkurri gagnrýni undanfar-
ið vegna detox-meðferðar sinnar en
formlega var kvartað nýverið undan
auglýsingum og fullyrðingum hennar
til landlæknis. Í kjölfar kvartana sendi
embætti landlæknis frá sér greinar-
gerð þar sem efast er um gagnsemi
detox-meðferðarinnar og ristilhreins-
unar yfirhöfuð.
Matthías Halldórsson aðstoðar-
landlæknir segir embættið ekki setja
sig upp á móti rannsóknum Jónínu
en hvetur hana til að hafa þær vís-
indalegar og framkvæmdar af óháð-
um aðila svo hægt sé að taka mark
á þeim. Hann mælir eindregið með
því að hún reyni að fá niðurstöðurn-
ar birtar í virtum vísindatímaritum.
„Jónína má rannsaka það sem hún
vill en ég velti fyrir mér hvað það er
sem hún ætlar að rannsaka. Könn-
un á líðan einstaklinga hefur lítið að
segja því það er alltaf hægt að finna
einstaklinga sem líður tímabund-
ið betur bara við það að eitthvað
sé gert. Óþarfi er að rannsaka það
sem er nánast sjálfgefið, svo sem
að blóðsykur og blóðfita lækkar við
svelti. Sjálfur hef ég beðið hana um
að sýna mér vísindalegar rannsókn-
ir á detox, sem birtar hafa verið í rit-
rýndum tímaritum, þar sem sýnt er
fram á árangur. Jónína þarf helst að
byggja upp rannsókn á vísindaleg-
um aðferðum og fá hana birta á við-
urkenndum stöðum,“ segir Matthí-
as.
Vill svara gagnrýni
„Þá finnst mér skrítið að boða fólk í
rannsókn og láta það borga fyrir. Ég er
hræddur um að gerðar væru athuga-
semdir ef læknar myndu boða slíka
rannsókn,“ bætir Matthías við.
Jónína sjálf segist fullvel þekkja
vísindalegar aðferðir rannsókna enda
hafi hún lært þær í sínu meistara-
námi. Aðspurð leggst hún nú í rann-
sókn til að svara gagnrýnisröddum
sem skaðað hafa reksturinn gríðar-
lega. „Þetta er sá aldurshópur sem
helst glímir við lífsstílssjúkdóma. Í
raun er mér alveg sama hvort þetta
sé kallað rannsókn eða könnun en
vísindalegar aðferðir þekki ég vel úr
mínu námi. Ég veit alveg hvað rann-
sóknir þýða. Við höfum framkvæmt
þetta áður með góðum árangri undir
stjórn sálfræðings. Markmiðið er
að sýna fram á árangur með-
ferðarinnar og hvernig þátt-
takendur takast á við líf sitt
eftir hana. Með haldbærum
niðurstöðum langar mig til
að svara þessari umræðu sem verið
hefur því þetta hefur haft alveg gríð-
arleg áhrif,“ segir Jónína.
Jónína Benediktsdóttir, framkvæmdastjóri Detox ehf., býður eldra fólki, á aldrinum 55 til
70 ára, sérstakt tilboð á detox-meðferðum í júlí og segir það vera í rannsóknarskyni. Hún
ætlar að gera rannsókn á áhrifum meðferðarinnar og því fær eldra fólk sérkjör hjá henni.
Matthías Halldórsson vonar að Jónína fái niðurstöðurnar birtar í vísindatímaritum.
RANNSAKAR SJÁLF
ÁHRIFIN AF DETOX
n 55 til 70 ára? Ég hef ákveðið að fara af stað með rannsókn á áhrifum detoxins á
þennan aldurshóp. Við bjóðum því þessum aldurshóp sérstakt verð í júlí. Vinsam-
legast hafið samband við detox@detox.is ef þið viljið koma eða bjóða foreldrum
ykkur í 2 vikna heilsubætandi frí.
jónína boðar rannSóKn á facebooK:
tRauSti HafSteiNSSoN
blaðamaður skrifar: trausti@dv.is Í raun er mér alveg sama
hvort þetta er kallað
rannsókn eða könn-
un en vísindalegar
aðferðir þekki ég vel
úr mínu námi.
Boðar rannsókn Á vefsvæði
sínu boðar Jónína rannsókn á
áhrifum detox á eldra fólk. Af
því tilefni býður hún því upp á
sérkjör á meðferðinni í júlí.
Vonast eftir vísindum Matthías segir Jónínu
mega rannsaka það sem hún vill en óskar jafnframt
eftir vísindalegum vinnubrögðum af hennar hálfu til
að mark sé á takandi.
Jónsmessuhátíð Útivistar
í spennandi umhverfi
Nánari upplýsingar á utivist.is
Laugavegi 178 - Sími 582 1000 - utivist.is
Kona lögð á spítala eftir að hafa verið stönguð af nauti:
Nautið komið á aldur
Björn Helgi Snorrason, bóndi að Kálfa-
felli við Kirkjubæjarklaustur, segir að
nautinu sem stangaði konu á jörðinni
um síðustu helgi verði slátrað innan
nokkurra vikna. Ekki liggur nákvæm-
lega fyrir hvaða naut stangaði konuna,
en þau sem liggja undir grun eru flest
hver orðin tveggja ára gömul og því
komin í sláturstærð.
Konan hafði farið yfir rafmagns-
girðingu þar sem voru fleiri en tuttugu
naut. Ekki er vitað hvers vegna konan
fór inn fyrir girðinguna en talið er að
nokkur nautanna hafi hlaupið í átt að
henni og eitt eða fleiri stangað hana.
Hún lemstraðist nokkuð við högg-
in. Upphaflega var talið að hún hefði
hlotið innvortis blæðingar en við nán-
ari skoðun kom í ljós að svo var ekki.
Hún var flutt með þyrlu Landhelg-
isgæslunnar frá Kirkjubæjarklaustri
til aðhlynningar á Landspítalanum
um nóttina. Hún var síðan lögð inn á
bæklunardeild Landspítalans.
Bróðir Björns, sem býr á næsta
bæ, kom fyrstur að konunni og Björn
skömmu síðar. Hann segir þá hafa reynt
að hlúa að henni eftir bestu getu þar til
sjúkrabíl bar að garði. Hann segir kon-
una hafa verið mjög hrædda. Ekkert
vitni var að því þegar konan var stönguð.
Björn segir nautin ekki hafa sýnt
viðlíka hegðun gagnvart honum sjálf-
um. Þetta geti hins vegar verið hættu-
leg dýr þegar þau séu komin í slátur-
stærð, sérstaklega ef ókunnugt fólk
nálgast þau. Hann segist sjálfur allt-
af taka með sér barefli til varnar þurfi
hann að fara inn fyrir girðinguna.
Björn segist hafa sinnt búskapi að
Kálfafelli í á fjórða ár. Hann segir naut-
gripaframleiðsluna vera aukabúgrein,
þar sé aðallega mjólkurframleiðsla.
rhb@dv.is
tuttugu ungnaut Talið er að nokkur naut hafi tekið á rás í átt að konunni. Þau voru
tuttugu innan girðingar.