Dagblaðið Vísir - DV - 02.07.2010, Blaðsíða 31

föstudagur 2. júlí 2010 viðtal 31
hugsaði með mér að auðvitað gæti
svona myndarlegur og gæðalegur
maður ekki verið annað en frátek-
inn. Síðar kom í ljós að hann hafði
verið að tala um kærustu vinar
síns,“ segir Íris en þau Grettir spjöll-
uðu saman allt kvöldið. Hún við-
urkennir að hann hafi vitað hvaða
konu hann væri að spjalla við og
segir hann ekki hafa óttast að falla
fyrir poppstjörnu. „Honum fannst
bara strax mikið til mín koma. Við
erum alveg á sitthvorum pólnum,
hann sér allt út frá rökhugsun en ég
er meira fiðrildi.
Hann er verkefnastjóri hjá verk-
takafyrirtækinu Jáverk og stjórnaði
meðal annars framkvæmdum á 19.
og 20. hæðum í Turninum í Kópa-
vogi og bauð mér þangað að borða
einn daginn. Ég dáist alveg að því
sem hann er að gera og finnst hann
svo klár og veit að sama skapi finnst
honum ég frjó í listinni.“
Aldrei hringdu vArúðAr-
bjöllurnAr
Þegar þau Grettir hittust hafði Íris
verið ein í tvö ár. Hún segist hafa
ákveðið að taka sér tíma til að finna
sjálfa sig. „Þegar ég hætti með
barnsföður mínum árið 2007 ákvað
ég að taka mig í gegn. Ég vildi kynn-
ast sjálfri mér betur og komast að
því hvað ég væri að gera vitlaust.
Þarna var ég komin yfir þrítugt en
þá hættir maður að nenna öllu rugli
og vil bara komast að kjarnanum.
Grettir hafði líka verið einn í tvö ár
svo við vorum bæði tilbúin í nýtt
samband.
Ég veit að það er klisja en um
leið og þú hættir að leita að ástinni
þá finnur hún þig. Ég hafði kom-
ið mér vel fyrir í íbúðinni minni
með börnin mín þrjú og var ný-
byrjuð í draumanáminu. Ég var að
lifa spennandi lífi og var að gera
það sem mig langaði að gera. Ég og
börnin vorum í fyrsta sæti og okkur
leið vel.“
Grettir á sex ára strák svo fjöl-
skylda þeirra Írisar er stór eða sex
manna. Íris segir frekari barneignir
þó inni í myndinni. „Auðvitað lang-
ar okkur til að eignast barn saman
en við verðum bara að finna til þess
rétta tímann. Við erum bæði svo
upptekin. Við erum jafn hamingju-
söm í dag og þegar við hittumst
fyrst og mér finnst ég mjög heppin
kona.
Grettir tekur jafnan þátt í heim-
ilisverkunum og einnig virkan þátt
í uppeldinu og börnin taka honum
mjög vel,“ segir hún og bætir við að
ástarsamband hafi ekki verið á dag-
skrá hjá henni þegar leiðir þeirra
rákust saman. „Ég var mjög stress-
uð yfir því að kynna börnin fyrir
nýjum manni og vildi fara rólega í
sakirnar en þetta gekk allt áreynslu-
laust fyrir sig.“ Eftir nokkur ástar-
sambönd sem ekki gengu beið Íris
lengi eftir að varúðarbjöllur færu að
hringja. „Ég var orðin 34 ára þegar
við kynnumst og hélt að allir bestu
bitarnir væru farnir. Ég sá strax að
þetta væri vandaður strákur og varð
strax mjög skotin en ég var líka pínu
hrædd. Við tókum okkur góðan
tíma til að kynnast og aldrei heyrð-
ist í bjöllunum,“ segir hún brosandi.
Átti ekki krónu með gAti
Þegar Íris skildi við seinni barns-
föður sinn var hún ófrísk. Hún hafði
starfað á skrifstofu en þegar hún
kom til baka eftir fæðingarorlof var
kreppan í algleymingi og hennar
beið uppsagnarbréf. „Ég var ein-
stæð, þriggja barna móðir og at-
vinnulaus í ofanálag. Það var engin
leið að fá vinnu en ég fékk eitt starfs-
viðtal þar sem ég keppti við 70 aðra.
Þetta var mjög erfitt tímabil en
eftir á að hyggja það besta sem gat
komið fyrir mig. Eitt kvöldið þegar
ég var að fara sofa sá ég auglýsingu
frá Kvikmyndaskólanum þar sem
stóð að námið væri LÍN-hæft. Ég fór
því í prufu og komst inn.“
Hún viðurkennir að þessi tími
hafi verið erfiður og að oft hafi hún
ekki átt krónu með gati. „Ég gat ekki
hugsað mér að vera á atvinnuleysis-
bótum því ég vissi að þannig næði
ég ekki endum saman. Sem einstæð
þriggja barna móðir í eigin íbúð fékk
ég fín námslán og gat borgað af öllu
en þurfti inn á milli að leita hjálp-
ar hjá mínum nánustu. Ég fékk að
kaupa ódýran fisk af veiðimönnum
og setti niður kartöflur með syst-
kinum mínum auk þess sem fóstur-
pabbi, sem býr í sveit, gaf mér kjöt.
Sú hugmynd að þetta gengi ekki
upp til lengdar kom aldrei upp. Ég
leyfði mér ekki að hugsa þannig
því ég veit að ef maður vill hlutina
nógu mikið þá gengur allt vel,“ seg-
ir hún og bætir við: „Ég er auk þess
með erlent bílalán sem hefur far-
ið upp úr öllu veldi og þótt ég hafi
unnið þrjár vinnur síðustu tólf árin
og eignast 30 prósent af íbúð minni
hefur verðtryggingin étið það allt
upp,“ segir hún og bætir við að hún
sé búin að taka út reiði vegna efna-
hagsástandsins. „Ég tók tímabil þar
sem ég var alveg brjáluð. En svo átt-
aði ég mig. Þetta er ekki í mínum
höndum og ég neita að eyða tíman-
um í reiði. Það er svo leiðinlegt.“
Feimin Að eðlisFAri
Íris ólst upp í sveit, nánar tiltek-
ið á bænum Hamri í Austur-Húna-
vatnssýslu. Hún gekk í Húnavalla-
skóla en flutti með móður sinni á
höfuðborgarsvæðið þegar Íris var 14
ára, þegar samband móður henn-
ar og fósturföður endaði. „Ég fór úr
100 manna skóla yfir í 600 manna
Garðaskóla. Ég er svo mikið kamel-
jón að umskiptin voru lítið mál fyr-
ir mig auk þess sem frænka mín var
með mér í skólanum og tók mig að
sér. Hún kenndi mig að klæða mig,
mála mig og dansa á diskótekum,“
segir hún brosandi og bætir við að
frænkunni hafi líklega ekki litist á
sveitapíuna.
„Ég var ofsalega hallærisleg og
leit út fyrir að koma beint úr fjós-
inu en ég var fljót að ná þessu,“
segir hún og bætir við að hún hafi
verið frekar rólegur unglingur. „Ég
er feimin að eðlisfari og það hef-
ur aldrei verið neinn „rebel“ í mér.
Við mamma höfum alltaf átt gott
samband og svo var ég komin með
kærasta 15 ára svo ég var ekki villt-
ur unglingur,“ segir Íris sem hætti
sinni skólagöngu þegar hún varð
ófrísk eftir fyrstu önnina í Fjölbraut
í Garðabæ.
kvikmyndAgeirinn heillAr
Þrátt fyrir langan poppferil hefur Íris
aldrei verið í neinu rugli. „Vissulega
tók maður rispur eftir böll auk þess
sem ég var alltaf með bjór á meðan
ég var að spila en það var bara til þess
að sýnast og geta skálað við liðið, svo
var ég með mitt vatnsglas á bak við.
Ég hef aldrei prófað eiturlyf enda
varð ég mamma svo ung og það var
ekki inni í myndinni. Hins vegar byrj-
aði ég að reykja ung og hef hætt og
byrjað aftur mörgum sinnum en er
ákveðin í að takast að hætta alfarið.“
Aðspurð hvort hún sakni popp-
lífsins segist hún fá útrás fyrir lista-
þörf sína með leiklistinni. „Þetta er
svipað starfsumhverfi. Að spila á
tónleikum er eins og að sýna í leik-
sýningu og að taka upp þátt eða
bíómynd eins og að vera í stúdíói.
Kvikmyndageirinn er svo ótrúlega,
brjálæðislega, spennandi heimur og
því er algjör synd að það sé búið að
skera niður styrki um 30 prósent á
meðan niðurskurður innan annarra
listgreina er aðeins 10 prósent.
Niðurskurðurinn hefur áhrif á
fjármagn erlendis frá því skilyrði til
að fá það er að Kvikmyndasjóður
styrki verkefnið. Íslensk kvikmynda-
gerð er á mikillri uppleið og menn-
ingargildi bransans er ómetanlegt.
Við eigum mikið af hæfileikaríku
fólki og það er sorglegt að það fái ekki
tækifæri til að gera sitt fyrir landið.
Um 200 manns koma að gerð einn-
ar kvikmyndar og stærsti hluti fjár-
magnsins fer í laun og skilar sér því
beint til baka í formi skatta,“ segir
hún og er mikið niðri fyrir.
FrAmtíðin snýst
um FjölskyldunA
Aðspurð um draumahlutverkið segir
hún söngleiki kitla. „Mig langar rosa-
lega að komast að í leikhúsum. Það
eru einhverjir töfrar sem gerast þar.
Því miður veitir námið ekki inngöngu
í Félag íslenskra leikara því skólinn er
ekki enn á háskólastigi sem er afar
leiðinlegt því þetta er mjög krefjandi
og ítarlegt nám. Ef mér tekst að næla
í þrjú meðalstór hlutverk í kvikmynd-
um opnast möguleiki á prufum í leik-
húsum og kannski verður það mín
leið á svið.
Ég vil endilega fá að spreyta mig
og finnst að FÍL mætti endurskoða
reglurnar með tilkomu þessa náms
og gefa þannig fleira fólki tækifæri,“
segir hún og viðurkennir að það
hvarfli stundum að henni að kannski
hefði verið gáfulegra að velja hagnýt-
ara nám. „Stundum verð ég hrædd
þegar ég hugsa um framtíðina en það
er bara praktíska hliðin á mér sem
mér tekst að hrista í burtu.
Ég ætla mér að komast inn í þenn-
an heim. Ég vann á skrifstofu í tíu ár
sem var fínt en ég vil vinna við það
sem ég hef ástríðu fyrir. Ef ég hugsa
til framtíðar sé ég spennandi tíma
en eins og er snýst framtíðin um fjöl-
skylduna og börnin mín, starfslega
séð er allt ennþá í þoku. Ég er hins
vegar bjartsýn og veit að það á eftir
að birta til.“ indiana@dv.is
fyrir leiklistina
Fjölskyldan í fyrsta sæti Íris segir
framtíðina snúast um fjölskylduna.
Hún viðurkennir að frekari barn-
eignir séu inni í myndinni og að þau
Grettir muni finna rétta tímann í
það. myndir hörður sveinsson
Feimin að upplagi Íris ólst upp í sveit en flutti á höfuðborgarsvæðið þegar hún var
14 ára. Hún segist hafa verið svakalega hallærisleg en að frænka hennar hafi kennt
henni að klæða sig og mála.
101 gæðastund
suðrænir smáréttir – allir drykkir á hálfvirði
frá kl. 17.00 til 19.00 alla daga
hverfisgata 10
sími. 5800 101
101hotel@101hotel.is
www.101hotel.is
hamingjusöm „Ég fékk að kaupa ódýran fisk af veiðimönnum og setti niður
kartöflur með systkinum mínum auk þess sem fósturpabbi, sem býr í sveit, gaf mér
kjöt. Sú hugmynd að þetta gengi ekki upp til lengdar kom aldrei upp.“