Dagblaðið Vísir - DV - 16.07.2010, Blaðsíða 4

BUBBI Á KLÁMSÍÐU
n Bubbi Mor thens er þekktur af
óvæginni samfélagsrýni sinni. Í
Pressupistlum
sínum kemur
hann víða við og
hjólar í þá sem
honum finnst
eiga það skilið. Í
síðasta Pressu-
pistli sínum
kemur hann inn
á það fyrir hverja
hann hafi unnið og þegið fyrir laun.
Segist hann hafa fengist við „allan
andskotann“ en þó ekki dópsölu.
Lokaorð hann eru nokkuð hnyttin en
þar viðurkennir hann að fara stund-
um á klámsíður á netinu. „Sú sem
er í mestu uppáhaldi hjá honum er
AMX,“ skrifar Bubbi.
PALLI OG BJÓRINN
n Metnaðarleysi Sjónvarpsins undir
stjórn Páls Magnússonar virðist ekki
eiga sér nein takmörk. Eftir að fótbolt-
anum sleppti er
keyrt á endur-
sýningum og af-
sláttarvöru á borð
við Popppunkt
sem hóf göngu
sína á frístöðinni
Skjá einum. Þess
á milli dynja á
fólki bjórauglýs-
ingar. Stöðugar dagskrárkynningar
dynja á landsmönnum á milli þess að
ólíkindin sjást á skjánum. Meðal þess
sem er endursýnt eru heimildarþætt-
ir um Alfreð Elíasson stofnanda Loft-
leiða sem auglýstir eru stöðugt sem
um nýmeti væri að ræða.
STJÓRNIN VER
ÚTVARPSSTJÓRANN
n Á æðstu stöðum er vilji til þess að
losna við Pál Magnússon úr embætti
útvarpsstjóra og koma skikk á rekst-
urinn og ekki
síður að móta
metnaðarfyllri
dagskrárstefnu.
Þarna kemst
Katrín Jakobs-
dóttir mennta-
málaráðherra
hvorki lönd né
strönd. Hluta-
félagavæðing Ríkisútvarpsins veldur
því að stjórn félagsins undir forystu
Svanhildar Kaaber fer með æðsta
vald þar. Stjórnin hefur staðið dygg-
an vörð um útvarpsstjórann og flest
hans hlunnindi. Og meðan svo er sit-
ur hann sem fastast.
EIRÍKUR SNÝR AFTUR
n Eiríkur Hjálmarsson, spunameist-
ari Orkuveitunnar, hefur átt ágæta
vist hjá Reykjavíkurborg og tengdum
fyrirtækjum frá
því hann snéri
baki við fjöl-
miðlaheiminum
og gerðist aðstoð-
armaður Þórólfs
Árnasonar, þá-
verandi borgar-
stjóra. Eftir að
Þórólfur hrökkl-
aðist úr embætti sínu fékk Eiríkur
starf hjá Orkuveitunni þar sem hann
sá um að matreiða sannleikann ofan
í fyrrverandi kollega. Nú hefur Orku-
veitan lánað Eirík í Ráðhúsið þar sem
hann sinnir sérverkefnum.
HANNES Á ÍSLANDI
n Hannes Smárason, fyrrverandi
auðkýfingur og íbúi í Lúxemborg, sást
skottast um í
Sporðagrunnin-
um í austurhluta
Reykjavíkur á ní-
unda tímanum á
fimmtudag. Þetta
eru stórmerki þar
sem auðmaðurinn
fyrrverandi hefur
farið huldu höfði
frá bankahruninu 2008 og hefur sést
afar sjaldan hér á landi. Ástæðan fyrir
veru Hannesar í Sporðagrunninum var
sú að faðir hans, Smári Sigurðsson,
býr í Sporðagrunni 1. Spurningin er sú
hvaða íslenski fjölmiðill nái fyrst í skott-
ið á Hannesi meðan hann dvelur hér.
SANDKORN
4 FRÉTTIR 16. júlí 2010 FÖSTUDAGUR
Ekki liggur fyrir hvaða gögn Seðla-
banki Íslands og Fjármálaeftirlit-
ið munu senda umboðsmanni Al-
þingis vegna þeirra tilmæla sem
stofnanirnar lögðu fyrir fjármögn-
unarfyrirtæki í lok síðasta mánaðar.
Umboðsmaður Alþingis hefur veitt
stofnunum frest til að svara erindinu
fram til föstudagsins 16. júlí.
DV sendi Fjármálaeftirlitinu og
Seðlabanka Íslands fyrirspurn þar
sem óskað er svara við því hvaða
gögn stofnanirnar munu senda um-
boðsmanni Alþingis. Í svörum Seðla-
banka Íslands hefur komið fram að
engin sameiginleg skjöluð gögn liggi
fyrir um lögfræðiálit vegna tilmæl-
anna.
Af samtölum DV við starfsmenn
stofnananna hefur mátt skilja að
formleg úttekt á tilmælunum hafi
ekki verið gerð. Þeir hafa heldur ekki
viljað upplýsa um hvaða lögfræðing-
ar fóru yfir tilmælin og hvers vegna
þeir komust að þeirri niðurstöðu að
tilmælin styddust við lög.
Eina svarið sem DV fékk frá Seðla-
banka Íslands um lögmæti tilmæl-
anna var eftirfarandi: „Tilmælin eru
í samræmi við lagaheimildir eins og
nánar verður útlistað í svari til Um-
boðsmanns, enda hefðu þau ella
ekki verið gefin. Tilmælin voru vel
grunduð og mikil vinna lá að baki
þeirra. Við þá vinnu var stuðst við
margvísleg gögn sem stofnanirnar
höfðu í sínum fórum. Lögfræðingar
stofnananna fóru vandlega yfir til-
mælin áður en þau voru send.“
Í svari Seðlabanka Íslands segir
það hafi ekki verið tekin afstaða til
þess hvaða gögn verði send til um-
boðsmanns Alþingis. Auk
þess sé óeðlilegt að skýra
frá efni bréfsins áður en um-
boðsmaður Alþingis fær það í
hendur.
Í tilmælunum var því beint til
fjármögnunarfyrirtækja að þau
miði við lægstu vexti Seðlabanka
Íslands við endurreikning lána.
Ekki hefur verið sátt um þessi til-
mæli og hafa lögfróðir menn
sem DV hefur ráðfært sig við
talið að stofnanirnar hafi brot-
ið lög með þeim. Í haust verð-
ur líklega skorið úr um fyr-
ir dómstólum hvort skuli
miða við samningsvexti eða
lægstu vexti Seðlabanka Ís-
lands við endurreikning
lánanna.
rhb@dv.is
Umboðsmaður Alþingis býst við bréfi í dag, föstudag:
Ekkert gefið upp um innihaldið
Vildu tryggja
fjármálastöðugleika
Arnór Sighvatsson,
aðstoðarseðlabanka-
stjóri, lagði áherslu á
að fjármálastöðug-
leiki yrði tryggður
þegar hann kynnti
tilmælin.
ATLI LAUS EFTIR
NÍU ÁR Í FANGELSI
Atli Helgason, lögfræðingur og fyrr-
verandi fótboltamaður, er laus af
Litla-Hrauni eftir níu ára fangelsis-
vist. Hann er nú kominn á áfanga-
heimilið Vernd þar sem hann dvelur
síðustu mánuði afplánunarinnar. Atli
var var dæmdur í sextán ára fangelsi
árið 2001 fyrir að myrða Einar Örn
Birgisson í lok árs 2000. Hann losn-
ar því út eftir að hafa setið af sér um
helming dómsins.
Atli og Einar Örn voru viðskiptafé-
lagar og ráku saman verslunina Gap
á Laugaveginum. Þeir höfðu báðir
getið sér gott orð sem fótboltamenn
áður en þessi mikli harmleikur átti
sér stað. Umfjöllun um morðmálið
tröllreið íslensku samfélagi árið 2000
og 2001 þegar lögreglan rannsakaði
málið og þegar réttað var yfir Atla.
Atli réð Einari Erni bana með
hamri á bílastæði í Öskjuhlíðinni.
Samkvæmt fréttum frá þessum
tíma deildu þeir Einar Örn og Atli um
fjármál sem tengdust rekstri verslun-
arinnar og mun Atli hafa verið und-
ir áhrifum örvandi lyfja þegar hann
myrti Einar. Í dómnum var tekið fram
að ekkert hefði bent til þess að Atli
hefði verið búinn að taka ákvörðun
um að myrða Einar áður en þeir hitt-
ust og mátti skilja hann sem svo að
Atli hefði gert það í stundarbrjálæði.
Atli vill ekki tjá sig
Aðspurður vill Atli ekki ræða um
stöðu sína um þessar mundir og af-
þakkar beiðni um viðtal. „Nei, það
geri ég ekki. Það er nóg komið af
þessari umræðu. Það finnst mér,“
segir Atli en líkt og áður kom fram
var gríðarlega mikið rætt um þetta
mál á sínum tíma. Eftir því sem næst
verður komist er hluti ástæðunnar
fyrir því af hverju Atli losnar af Litla-
Hrauni núna sú að hann hegðaði sér
vel meðan á afplánuninni stóð.
Á Vernd mun Atli fá hjálp við að
„aðlagast aftur lífinu í íslensku sam-
félagi“ síðustu mánuði refsivist-
arinnar, eins og segir á heimasíðu
Verndar. „Dvöl í húsinu er áfangi út
í lífið eftir að hafa lent í hretviðri lífs-
ins og hrasað illilega,“ segir þar einn-
ig. 
Nokkrir tugir fanga fá að dvelja á
Vernd á hverju ári og eru um fimmt-
án sem dvelja þar í hvert skipti. Hátt
í sjö hundruð fangar hafa dvalið á
Vernd frá árinu 1995 og hafa um 90
prósent þeirra staðist þau skilyrði
sem sett hafa verið á áfangaheimil-
inu. Eftir því hvernig Atli hefur hegð-
að sér það sem af er afplánuninni er
afar líklegt að hann geri það einnig.
Ekki kominn út í lögmennsku
DV hafði heyrt af því að Atli hefði
hafið störf sem lögfræðingur hjá
Jóni Egilssyni lögmanni, en Jón gætti
hagsmuna Atla í réttarhöldunum
fyrir nærri tíu árum. Í samtali við
DV segir Jón hins vegar að ekkert sé
hæft í þessum sögusögnum og að
Atli hafi ekki hafið störf á lögmanns-
stofu hans.
Atli segir að ein af ástæðunum
fyrir því af hverju hann vill ekki
koma í viðtal sé sú að fólkið í kring-
um hann sé rétt að byrja að jafna sig
og hann vilji ekki að málið komist í
hámæli aftur. „Fólk er rétt að byrja
að jafna sig á þessu núna,“ segir Atli
en með þessu á hann væntanlega við
fjölskyldu sína og aðstandendur en
fram kom í fréttum á sínum að Atli
ætti konu og börn.
INGI F. VILHJÁLMSSON
fréttastjóri skrifar: ingi@dv.is
Fólk er rétt að byrja að jafna sig
á þessu núna.
Atli Helgason er laus af Litla-Hrauni eftir níu ára fangelsisvist. Hann var dæmdur
í sextán ára fangelsi árið 2001 fyrir að myrða Einar Örn Birgisson með hamri. Atli
dvelur nú á áfangaheimilinu Vernd og verður þar síðustu mánuði afplánunarinnar.
Atli segir að fólkið í kringum hann sé rétt að byrja að jafna sig á málinu.
Laus eftir níu ár Atli er laus af
Litla-Hrauni og dvelur nú á Vernd.
Morðið á Einari Erni vakti mikla
athygli og óhug fyrir tæpum tíu
árum. Atli segir að nóg sé komið af
umræðu um morðið og að fólk sé
rétt nýbyrjað að jafna sig.