Dagblaðið Vísir - DV - 28.01.2011, Side 38

38 | Fókus 28.–30. janúar 2011 Helgarblað
mælir með...
mælir ekki með...
LEIKVERK
Elsku barn
„Unnur Ösp Stefáns-
dóttir hefur líkast
til aldrei gert betur
en í hlutverki hinnar
dæmdu móður, en
bestur var Hallgrímur
Ólafsson sem eiginmaður konunnar, faðir
hinna dánu barna.“ - Jón Viðar Jónsson
KVIKmynd
Klovn Movie
„Ef þú hefur á annað
borð gaman af Klovn
og ert til í að láta
ganga pínulítið fram af
þér, þá er þetta myndin fyrir þig.“
- Valgeir Örn Ragnarsson
KVIKmynd
Rokland
„Heilt yfir er Rokland
mjög skemmtileg og
frekar vel heppnuð
kvikmynd. Þó svo að áhorfendur hefðu mátt
kynnast forsögu Bödda töluvert betur er
karakterinn í heildina ágætlega mótaður og
ekki síst frábærlega túlkaður af Ólafi Darra
Ólafssyni.“ - Jón Ingi Stefánsson
LEIKVERK
Súldarsker
„Leikendur og
leikstjóri skila sínu
af snyrtimennsku.
Þær Aðalbjörg og
Maríanna Clara fara létt með að bregða
sér í gervi alls kyns furðufugla, sem þær
stöllur detta um í súldinni.“
- Jón Viðar Jónsson
L
ára Stefánsdóttir, dansari
og danshöfundur, kynntist
danshöfundinum Kennet
Oberley síðastliðinn vetur
þegar hann sá verk sem hún fór
með á danshátíð í Búlgaríu. „Hann
var búinn að vera með þá hugmynd
í maganum í mörg ár að sviðsetja
Svanasönginn eftir Schubert fyr-
ir dansara, söngvara og píanista.
Einhverra hluta vegna taldi hann
dansarahlutverkið akkúrat henta
mér,“ segir Lára.
„Síðan vildi svo skemmtilega til
að snillingarnir Gerrit Schuil pían-
isti og Ágúst Ólafsson barí tón fluttu
Svanasöng Schuberts á Listahátíð
Reykjavíkur síðastliðið vor í Frí-
kirkjunni. Ég fór auðvitað á tón-
leikana og varð yfir mig hrifin. Þá
datt mér í hug að kynna þessa hug-
mynd fyrir Stefáni Baldurssyni óp-
erustjóra Íslensku Óperunnar og
tók hann vel í það að fara í sam-
starf við Pars Pro Toto og sviðsetja
Svanasönginn.“ Þegar verkefnið
var svo kynnt fyrir Gerrit og Ágústi
kom í ljós að hugmyndin gat orð-
ið að veruleika. Öll voru þau sam-
mála um að það væri gaman að
stíga skrefinu lengra með konsert-
uppfærsluna og sviðsetja verkið
sem gæti dýpkað tónlistina enn
frekar.
danshöfundur með
framtíðarsýn
Lára segir að Kennet hafi haft þá
sýn að sýningin gæti orðið að far-
andsýningu og hægt yrði að fara
með hana víða. Lára tekur und-
ir með Kennet og segist til dæmis
geta séð fyrir sér að það væri mögu-
legt að ferðast með sýninguna til
einhverra staða á Íslandi. „Það þarf
ekki alltaf að hugsa út fyrir land-
steinana en hver veit hvað framtíð-
in ber í skauti sér?“ segir Lára.
Kennet Oberly hóf atvinnuferil
sinn sem dansari hjá Stuttgart
Ballet í Þýskalandi en hann hefur
síðan starfað víða, meðal annars
hjá Maurice Bejart‘s Ballet of the
Twentieth Century, Boston Ballet
og Houston Ballet. Síðan þá hefur
hann starfað sem ballettmeistari
og danshöfundur hjá ýmsum dans-
flokkum víða um heim. Síðustu ár
hefur hann verið sjálfstætt starf-
andi en hann hefur sviðsett ýmis
verk víða um Bandaríkin, Kanada
og Evrópu. Nú á dögunum kom
hann hingað til Íslands í tvennum
tilgangi. Annars vegar til að kenna
framhaldsnemendum Listdans-
skóla Íslands dönsku balletthefðina
sem kallast Bournonville og hins
vegar til að sviðsetja Svanasönginn
í Íslensku óperunni.
Söngvar um ástina
„Þetta eru fallegir ástarsöngvar út
í gegn. Þessi sígildu mál í ástinni,
haltu mér, slepptu mér, óendur-
goldin ást, leitin að skilyrðislausri
ást, hin eina sanna ást og þetta
tekur eiginlega á öllum birtingar-
myndum ástarinnar,“ segir Lára
um Svanasönginn. Hún segist
finna tónlistina og hvað Schubert
hafi verið að segja með henni. „Því
meira sem maður hlustar á söngv-
ana og vinnur með þá, því meira
tengist maður þeim. Ég verð að við-
urkenna að sjálf var ég ekki neinn
sérstakur Schubert-aðdáandi eða
kunni mikil skil á honum en núna
eftir að hafa unnið að þessu sé ég
hvað hann hefur verið mikill snill-
ingur.“ Lára segir að miðað við
stutta ævisögu Schuberts, sem dó
um þrítugt, hafi hann verið stór-
brotin manneskja. „Það er mjög
gefandi að takast á við svona verk-
efni sem á sér svona langa sögu.
Við reynum eftir besta mætti að
vera Schubert og tónlistinni hans
trú,“ segir Lára og bendir á að það
sé vandmeðfarið að setja upp sýn-
ingu sem þessa og halda jafnvægi á
milli dansins og tónlistarinnar.
Allir taka þátt
Lára, Ágúst og Gerrit eru öll á svið-
inu allan tímann. Þau hafa hvert sitt
hlutverk í sýningunni og Lára seg-
ir að Gerrit taki virkan þátt í sýn-
ingunni þó að hann sé augljóslega
fastur við flygilinn. Dansarinn birt-
ist sem hugmyndir söngvarans um
ástina, í ólíkum myndum. Ástin
sem draumsýn, eitthvað sem er
ósnertanlegt og svo smátt og smátt
verða myndirnar áþreifanlegri og
raunverulegri tengsl myndast á
milli dansarans og söngvarans.
Gerrit og Ágúst hafa áður unn-
ið með ljóðasöngva Schuberts en
þeir fluttu alla þrjá ljóðaflokka
hans, Malarastúlkuna fögru, Vetr-
arferðina og Svanasöng, á Listahá-
tíð í Reykjavík í fyrra við frábærar
undir tektir.
Gerrit hefur um árabil ver-
ið einn fremsti píanómeðleikari
landsins og Ágúst hefur sungið
mörg stór hlutverk við Íslensku óp-
eruna á undanförnum árum. Hann
fékk meðal annars Grímuna í fyrra
sem söngvari ársins, fyrir hlutverk
listforma
Samspil ólíkra
„Hann var búinn að
vera með þá hug-
mynd í maganum í mörg
ár að sviðsetja Svana-
sönginn.
Hópurinn Lára Stefánsdóttir, Ágúst Ólafsson
og Gerrit Schuil flytja verkið.
Hvaða tónlist er í uppáhaldi þessa
dagana?
„Ég er svo heppin að hafa fengið smá
innspýtingu í tónlistarvitundina að
undanförnu í gegnum vin minn sem er
mikill áhugamaður um tónlist. En ég er líka
búin að vera í miklum koverlagagír. Hinn
brasilíski Seu Jorge er í uppáhaldi hjá mér og
þá sérstaklega útgáfa hans á Bowie-laginu
Life on Mars. Svo eru líka Bird and the bee
skemmtileg og platan þeirra Interpreting
the Masters volume 1: A tribute to Hall
and Oates með lögum eftir Daryl Hall og
John Oats. Hlustaði líka mikið á Sigurð
Guðmundsson yfir jól og áramót sem var
notalegt.“
Hvaða menningarviðburði ætlar þú
að sækja á næstunni?
„Ég ætla í leikhús og í bíó og er búin að
ákveða að sjá loksins Fjölskylduna í
Borgarleikhúsinu en ég er búin að vera lengi
á leiðinni að sjá það verk. Svo langar mig líka
að sjá Lé konung. Þá ætla ég að sjá nokkrar
myndir á frönsku kvikmyndahátíðinni,
spenntust fyrir Bureau de Dieu, en svo lang-
ar mig líka að sjá íslensku heimildamyndina
Súðbyrðingur eftir Ásdísi Thoroddsen.“
Horfir þú á sjónvarp? Hvað þá helst?
„Ég horfi eingöngu á fréttir í sjónvarpi og
heimildamyndir.“
Hvaða tímarit lestu?
„Kaupi alltaf Courrier International og Le
Monde Diplomatique þegar ég kemst í þau
tímarit. Svo er ég oftast með Newsweek
og The Economist til aflestrar bæði heima
og í vinnunni. Kíki líka í Eurowoman í
bókabúðum.“
Rósa Björk Brynjólfsdóttir upplýs-
ingafulltrúi fjármálaráðherra.
í uppáhaldi
Brasilísk tónlist
Hvað ertu að gera?
Stórkostlegur kvikmyndasirkus!
Bazil (Dany Boon) missir föður sinn
af völdum jarðsprengju í Marokkó
og elst upp á kaþólsku munaðarleys-
ingjahæli. Þegar hér er komið sögu
vinnur hann á myndbandaleigu,
lærir klassískar kvikmyndir utan að
og lifir ljónslöku lífi. Eitt rólegt kvöld
í vinnunni á sér stað bannvænn skot-
bardagi í nágrenninu. Slysaskot end-
ar með afar óheppilegum hætti beint
í hausnum á honum. Hann skríður
af gjörgæslu með þá ógn yfir höfði
sér að geta dáið hvenær sem er sök-
um kúlunnar sem enn er innan kúp-
unnar. Hann missir fótanna, verður
heimilislaus og reynir að hafa í sig og
á með götusprelli fyrir klink. Hann
er ættleiddur fljótlega af undarleg-
um hóp sem hefur byggt sér bústað
í skranhaug. Þar hefst undirbúning-
ur að uppgjöri við athafnamennina
sem framleiddu ógeðið sem drap
pabba hans og næstum hann sjálfan.
Nýja fjölskyldan hans sam-
anstendur af miklum fagmönnum,
lygilega liðugri píu, stærðfræðinördi
og fleiri sirkuskenndum karakterum.
Upphefst nú mikið plott með þeim
nákvæma mekanisma sem Jeunet
elskar í myndum sínum. Þú þekk-
ir ekki Jeunet ef þú heldur að Bazil
fari í hefðbundinn hefndarleiðang-
ur að hætti Rambo. Nei, við förum í
abstrakt rússíbanareið gæddri hug-
myndaauðgi sem á sér fáa líka.
Öll myndin er listaverk, tökur
eru afar sérstakar, týpur og andlit
eru sérvalin eins og Jeunet einum er
lagið. Markverð andlit Dominique
Pinon og Michel Crémadés sem við
þekkjum úr myndum Jeunets eru
bara toppurinn á ísjakanum.
Kaldhæðnin er æðisleg, til dæm-
is á fótboltaleik sem vopnafyrirtækið
hefur sponsað þar sem jarðsprengja
frá þeim er staðsett á fótboltavelli í
miðjum leik. Ekki síður á vörukynn-
ingu hjá vopnarisanum þar sem kúl-
an sem Bazil er með í hausnum er
dásömuð af hlægilegustu illmenn-
um sem sést hafa í langan tíma. And-
ré Dussolier leikur annað illmennið
sérstaklega vel.
Það er mikill Chaplin í þessu, ekki
síst þegar Bazil sem heimilislaus þrí-
fur á sér tærnar á vatnsfrussi götu-
sóparabíls og betlar með skrípalát-
um. Kvikmyndataka og leikur er líka
sérstakur og góður. Allt vinnur sam-
an og úr verður kvikmyndasirkus.
Þessi mynd er akkúrat sem mað-
ur þarf í janúar, rosaleg vellíðun rétt
eins og þegar maður sá Amélie á sín-
um tíma í þreyttum vetrarmánuði.
Erpur Eyvindarson
Micmacs
Imdb 7,3 RottenTomatoes 73% metacritic 62
Leikstjóri: Jean Pierre Jeunet
Handrit: Jean-Pierre Jeunet, Guillaume
Laurant
Leikarar: Dany Boon, Andre Dussollier, Ni-
colas Marie, Jean-Pierre Marielle, Yolande
Moreau.
105 mínútur
Bíómynd
Erpur
Eyvindarson
micmacs Frábær
upplyfting í
skammdeginu.