Dagblaðið Vísir - DV - 04.04.2012, Qupperneq 29
Fréttir 29Páskablað 4.–10. apríl 2012
n Þýski þingmaðurinn Andrej Hunko segir evrópsk lögregluyfirvöld stefna leynt og ljóst að auknu eftirliti með aðgerðasinnum
„Alþjóðlegir aðgerðasinnar
gerðir að glæpamönnum“
Þá var í skýrslunni ítrekað að lög-
reglunni væri heimilt að notast við
flugumenn í rannsóknum saka-
mála. Með skýrslunni, sem átti að
þjóna þeim einfalda tilgangi að vera
svar við fyrirspurn innanríkisráð-
herra, tókst þannig hvorki að svara
spurningum ráðherra né almenn-
ings. „Það er ekkert í henni, þetta
er bara einhver froða,“ sagði Birgitta
Jónsdóttir, þingkona Hreyfingar-
innar, um skýrsluna. Fór hún fram á
frekari skýringar á því hvort íslensk
lögregluyfirvöld hefðu vitað af veru
Kennedys hér á landi. Engin skýr
svör hafa borist.
Ögmundur vill rýmri
rannsóknarheimildir
Ögmundur Jónasson innanríkisráð-
herra sagði í kjölfar þess að skýrsl-
an var birt að lagabreytingar væru
nauðsynlegar í þessum málaflokki.
Sagði hann að breyta þyrfti lögum
á þann veg að ekki væri hægt að
senda njósnara inn í hópa pólitísks
andófsfólks. Með því að viðurkenna
að lagabreytingar væru nauðsyn-
legar var hann í raun að viðurkenna
að hingað til hefði verið til stað-
ar glufa sem heimilaði lögreglu að
notast við flugumenn og njósnara
í pólitískum hópum. Þann 22. mars
síðastliðinn hélt innanríkisráðherra
svo viðteknum hætti þegar hann
ræddi um „rýmri rannsóknarheim-
ildir lögreglu“ á Alþingi.
„Staðfest hefur verið að þegar
umhverfisverndarsinnar mótmæltu
stíflugerð á Kárahnjúkum var er-
lendur flugumaður sendur þeirra á
meðal. Því hefur verið haldið fram
að sá lögreglumaður hafi brotið lög
og reglur í starfi sínu hér og víða
um Evrópu […] Flugumaðurinn gat
starfað á Kárahnjúkum vegna þess
að afar óskýrar reglur giltu um rann-
sóknaraðferðir lögreglu. Löggjöfin
var fjarri nógu traust, en auk henn-
ar voru í gildi nokkrar reglugerð-
ir sem aldrei komu fyrir almanna-
sjónir. Þessu hefur nú verið breytt.
Fyrir rúmu ári síðan var sett ný
reglugerð um sérstakar rannsókn-
araðferðir og rannsóknaraðgerð-
ir lögreglu. Með þeirri reglugerð er
tekið fyrir hvers konar forvirkar lög-
reglurannsóknir á grasrótarhópum
eða pólítískum samtökum. Þannig
má nefna að ekki væri heimild fyr-
ir flugumann að starfa á Kárahnjúk-
um í dag.“
Samkvæmt þessu er það mat
innanríkisráðherra að ný lög um
forvirkar rannsóknarheimild-
ir komi í veg fyrir njósnir af þessu
tagi. Hunko er hins vegar þeirr-
ar skoðunar að á meðan pólitísk-
ar hreyfingar á vinstrivæng stjórn-
málanna séu kerfisbundið settar í
flokk „vinstrisinnaðra öfgahópa og
hryðjuverkasamtaka“ verði slíkar
heimildir notaðar til að njósna um
slíkar hreyfingar rétt eins og aðra
„hryðjuverkahópa“. Þetta sé því ein-
ungis spurning um skilgreiningar-
atriði.
Alþekkt aðferðafræði
Þegar talið berst að því hversu ótrú-
legt þetta mál hafi verið frá upphafi
til enda, líkast James Bond-mynd
frá áttunda áratugnum, eða því sem
átti sér stað í Sovétríkjunum sálugu,
segir Hunko hinn rólegasti: „Það er
ekkert sér-sovéskt við þetta. Vest-
ræn lögregluyfirvöld notuðust við
njósnara og undirróðursmenn alla
20. öldina til þess að hreiðra um sig
í pólitískum hreyfingum sem talin
voru ógna ákveðnum hagsmunum.
Það liggur beinast við að nefna Gla-
dio-verkefnið sem skipulagt var af
NATO eftir seinna stríð og miðaði
að því að koma í veg fyrir útbreiðslu
kommúnisma á Ítalíu.“
Fjallað hefur verið ítarlega um
Gladio-verkefnið í hinum ýmsu rit-
um en þar var um að ræða leynileg-
an her sem stýrt var af CIA, leyni-
þjónustu Bretlands, Pentagon og
NATO. Herinn starfaði á Ítalíu frá
seinni heimsstyrjöld og allt til ársins
1990. Markmiðið var fyrst og fremst
að berjast gegn uppgangi komm-
únisma í Vestur-Evrópu með öll-
um tiltækum ráðum. Í þeim tilgangi
störfuðu bandarískir og breskir her-
menn til dæmis náið með hægri-
sinnuðum hryðjuverkamönnum,
að því er fram kemur í bókinni
NATO‘s Secret Armies: Operation
GLADIO and Terrorism in Western
Europe eftir Daniele Ganser.
„Best geymda og mest eyði-
leggjandi pólitíska og hernaðarlega
leyndarmál síðan í seinni heims-
styrjöld,“ sagði meðal annars í um-
fjöllun Observer um Gladio-verk-
efnið þegar upp um það komst árið
1990, en í umfjöllun The Times
sagði: „Sagan er eins og tekin úr
handriti að pólitískri spennusögu.“
Í kjölfarið á uppljóstrununum um
Gladio-verkefnið á Ítalíu árið 1990
kom í ljós að slíkir herir höfðu ver-
ið starfræktir í vel flestum lönd-
um Vestur-Evrópu á tímum kalda
stríðsins.
„Þetta er kannski ekki lengur á
allra vitorði en það er samt stað-
reynd, og skjalfest, að svona hafa
lögregluyfirvöld á Vesturlöndum
starfað alla 20. öldina,“ segir Hunko
áður en hann kveður blaðamann og
heldur svo áfram að undirbúa fyrir-
spurnir sem hann ætlar að leggja
fyrir þingið. n
Á Kárahnjúkum Mark Kennedy fylgdist með og tók upp samtöl aðgerðasinna sem voru
að mótmæla Kárahnjúkavirkjun. Mynd SAving icelAnd
KraftmiKlar
KorKuKonur
n Korka er hópur kvenna í nýsköpun og sprotafyrirtækjum
Í
byrjun vorum nokkrar frum-
kvöðlakonur sem ákváðum að
hittast einu sinni í mánuði til að
spjalla saman um fyrirtækin okk-
ar og fá ráð hver hjá annarri,“ seg-
ir Þórunn Jónsdóttir, ein af forsvar-
skonum Korku og framkvæmdastjóri
FAFU, fyrirtækis sem þróar fjölnota
leikefni fyrir börn byggt á opnum
efnivið.
Korka er hópur kvenna í nýsköp-
un og sprotafyrirtækjum. Þetta er
óformlegur félagsskapur sem heldur
úti Facebook-síðu sem ætluð er sem
vettvangur fyrir konurnar að mynda
tengslanetið og deila góðum ráðum
og reynslu úr frumkvöðlaheiminum.
Upphaflega voru um það bil 20 konur
í hópnum en nú eru þær yfir 500 og
fyrirtækin eru af öllum gerðum.
Fínn vettvangur
Þórunn segir að svo virðist sem kon-
ur eigi stundum erfiðara með að
koma sér upp tengslaneti, að nýta
sér það og búa til áætlun um hvern-
ig skal styrkja það. „Ég veit ekki af
hverju en kannski erum við almennt
séð feimnari við það. Konum finnst
þær oft vera til dæmis að þröngva sér
upp á fólk ef þær hringja til að fá ráð-
leggingar og þess háttar. Korka er því
fínn vettvangur fyrir slíka hluti,“ segir
Þórunn.
„Hugmyndin er að þetta sé fyrir
konur sem reka fyrirtæki eða ætla að
stofna fyrirtæki og eru kannski ennþá
tvístígandi um hvernig þær eigi að
fara að,“ segir Þórunn og bendir á að
síðan sé opin öllum. Allir fái aðgang
sem sækja um og það séu meira að
segja tveir karlmenn í hópnum. Að-
spurð hvernig fyrirtæki konurnar
reki segir hún að þau spanni allan
skalann. „Þetta eru til dæmis þjón-
ustufyrirtæki, framleiðslufyrirtæki
og fyrirtæki á sviði nýsköpunar. Það
er mjög mikið af flottum fyrirtækjum
þarna.“
Regluleg fræðsla
Korka heldur fundi þriðja fimmtudag
í hverjum mánuði en fengnar hafa
verið 12 konur innan hópsins sem
skiptast á að skipuleggja hvern fund.
Í hvert skipti er þema og nefnir Þór-
unn sem dæmi notkun samfélags-
miðla í markaðsnotkun og samn-
ingatækni. Það sé misjafnt hvort þær
haldi fyrirlestra og fræðslu sjálfar eða
fái utanaðkomandi til þess. Þess má
geta að í hópi þeirra tíu sem fengu
Gulleggin í ár voru þrjár Korkukonur.
Korkukonur Frá fundinum Konur eru konum bestar sem haldinn var í Ráðhúsinu í haust.
Gunnhildur Steinarsdóttir
blaðamaður skrifar gunnhildur@dv.is