Dagblaðið Vísir - DV - 04.04.2012, Qupperneq 74

74 Lífsstíll 4.–10. apríl 2012 Páskablað
Gott kynlíf þrátt fyrir spik og skalla
n Kynlífsfræðingur varar fólk við því að vera of meðvitað um líkama sinn
M
argir telja að gæði og magn
kynlífs fari dalandi með
aldrinum. Hinn heimsfrægi
kynlífsfræðingur dr. Marty
Klein er ekki þeirrar skoðunar. Klein
hefur þriggja áratuga reynslu í faginu
og hefur nú skrifað sína sjöundu bók,
Sexual Intelligence - What We Really
Want From Sex And How To Get It.
Að sögn Klein skiptir það sem við
gerum ekki mestu máli þegar kemur
að kynlífi heldur það sem við hugs-
um. „Flest okkar eru með ungan og
hraustan líkama þegar hugmynd-
ir okkar um kynlíf þróast. Sá líkami
endist hins vegar stutt. Ef við viljum
njóta kynlífs áfram – þrátt fyrir húðs-
lit, aukakíló, skalla og hrukkur –
verðum við að þróa kynverundina,
væntingar okkar og það sem okkur
finnst kynþokkafullt,“ segir Klein
sem heldur því fram að ef okkur tekst
að hrekja þær mýtur að kynlíf sé fyrir
þá ungu þá getum við lifað fullnægj-
andi kynlífi, líkt og við værum nýgift,
fram eftir öllum aldri.
„Líkami þinn er ekki eins og hann
var en hann er sá eini sem þú átt,“
segir Klein sem segir ómögulegt að
ætla að kynda upp í ástríðunum ef
við erum sífellt að gagnrýna eigin
þokka. „Fátt skemmir stemninguna
eins og það að vera of meðvitaður um
sig í rúminu. Sama hversu óánægð/
ur þú ert með líkamann máttu ekki
láta óánægjuna trufla ástarleikinn.“
Annað mikilvægt atriði sé að gefa
sér tíma fyrir kynlíf. „Við setjum öll
ákveðnar kröfur þegar kemur að ást-
arleikjum. Við viljum hafa næði, góð-
an tíma og enga truflun né óuppgerð
rifrildi – listinn gæti verið endalaus.
Sumt er óumsemjanlegt en annað
ekki. Flest okkar erum afar upptekin
í hinu daglega lífi en viljum samt
njóta kynlífs. Oftast þurfum við að
sætta okkur við ófullkomnar aðstæð-
ur – við getum ekki alltaf verið í París
um vor,“ segir Klein sem leggur til að
við segjum já við kynlífi eins oft og
við getum. „Löðumst að já-inu nema
þegar óumsemjanlegum skilyrðum
er ekki mætt,“ segir Klein sem legg-
ur einnig til að hjón setji kynlíf inn í
stundaskrána sína.
Hægt er að lesa meira um fræði dr.
Marty Klein á vefsíðunni martyklein.
com.
Kynlíf á dagskrá Dr. Klein segir að
þar sem flestir séu afar uppteknir þurfi
hjón að setja kynlíf inn í dagskrána sína.
H
in handlagna Bergrún Íris
Sævarsdóttir, önnur um-
sjónarkona þáttarins Inn-
lits/Útlits á Skjá Einum seg-
ist engin skreytiskjóða og
skreytir ekki heimilið hátt og lágt
fyrir páska. Henni finnst skemmti-
legast að sýsla með tveggja ára syni
sínum. „Mér finnst skemmtilegast
að nota skrautið sem sonur minn
kemur með heim úr leikskólanum.
Eða þá að sýsla með honum því mér
finnst hátíðir eins og jól og páskar
snúast um börnin.“
Bergrún málaði kanínur og fugla
með syni sínum með vatnslitum og
hengdi upp á þráð. „Mér finnst þetta
fínlegt og fallegt skraut. Ég hengdi
fuglana á grein.“
Litrík egg
Í fjölskyldu Bergrúnar er óþol fyrir
sælgæti og öðru slíku jukki og því
ákvað hún að útbúa nokkur páskaegg
sem eru með óvenjulegu sniði.
„Þau eru skærlit og í óvenjulegum
formum,“ segir Bergrún og skellir
upp úr. „Inni í eggjunum eru
hnetur og rúsínur og að sjálfsögðu
málsháttur. Allir verða að fá málshátt
þótt þeir fái ekki sælgæti. Þau lífga
upp á umhverfið og vekja eftirtekt.
Því er ekki að neita.“
Hún skreytir líka með
pappaeggjum og þá í hefðbundinni
lögun. „Ég klippti eggin út úr scrap-
pappír og hengi á þráð. Svo lími ég
þráðinn á vegg eða hengi upp, allt
eftir smekk. Mér finnst þessi form
auðvitað ómissandi um páska þótt
ég hafi farið aðra leið hvað varðar hin
gómsætu hnetu-egg.“
Bergrún er teiknari og
myndlistarkona og segist vera
áhugamanneskja um fallega
hönnun. Hún byrjaði feril sinn sem
innanhússhönnuður með því að
blogga. „Netið gefur mér innblástur
á hverjum degi og ég sjálf byrjaði á
því að miðla mínum hugmyndum
á netinu. Ég er nú með síðuna
bergruniris.com þar sem ég blogga
og birti nýleg verk eftir mig.“ Bergrún
deilir nokkrum góðum síðum með
lesendum sem hún segir óþrjótandi
uppsprettur góðra hugmynda.
Er engin
skreyti-
skjóða
n Bergrún Íris gefur lesendum DV góðar hugmyndir fyrir heimilið
Innblástur af netinu:
4 góðar vefsíður fyrir
hugmyndasnauða
pinterest.com
Geggjuð síða til að fá sýnishorn af fullt
af hönnunarsíðum.
apartmenttherapy.com
Frábær síða sem ég fer alltaf aftur og
aftur á. Með mikið af leiðbeiningum.
designsponge.com
Virkilega fersk síða þar sem straumar og
stefnur sjást vel.
systraseidur.blogspot.com
Íslensk síða í algjöru uppáhaldi.
Stelpurnar sem eru með þessa síðu eru
mjög virkar í að finna hugmyndir héðan
og þaðan á netinu.
Með gott auga
Bergrún Íris Sævars-
dóttir er annar um-
sjónarmanna Innlits/
útlits á Skjá Einum og
hefur gott auga fyrir fal-
legum smáatriðum.
Fagrir fuglar Bergrún hengdi
vatnslitaða fugla á grein.
Öðruvísi páskaegg Skærir litir og
sterk form höfða til Bergrúnar Írisar.
Þessi form eru reyndar páskaegg og
inni í þeim eru hnetur og rúsínur.
Egg á vegg Egg á vegg eru skemmtileg
skreyting sem lífga upp á heimilið með
litlum tilkostnaði.
Frumlegt
páskaskraut
Bergrún Íris mælti með
vefsíðunni Apartment Therapy
til innblásturs. Þar er að finna
frumlegar hugmyndir að
skemmtilegu páskaskrauti sem er
bæði nútímalegt og óvenjulegt.
Lömb
Þessi ljósmynd eftir Elizabeth Soule
minnir fallega á páska. Stílhreint og
skemmtilegt.
Kartonblóm
Grá kartonblóm úr eggjabökkum. Falleg
hvort sem þau eru hengd upp eða notuð
með ljósum.
Viðaregg
Falleg og einföld skreyting. Þau eru ætluð
til föndurgerðar en má vel nota sem
skraut.
Skemmtilegt úr pappír
Það má hengja upp málshætti eða klippa
til greinar með þessum skemmtilega
hætti eins og hér sést.
Eggjaskurn
Þessir kertastjakar eru eins og
eggjaskurn. Það má vel nota venjulega
eggjaskurn og setja inn í þau lítil kerti.