Dagblaðið Vísir - DV - 09.11.2012, Blaðsíða 4

4 Fréttir 9.–11. nóvember 2012 Helgarblað
Ómerkti dóm um barnaníð
n Ákæra og vitnisburður fyrir dómi voru ekki þýdd líkt og lög mæla um
M
aður sem dæmdur var í héraði
í tveggja ára fangelsi fyrir kyn­
ferðisbrot gegn tveimur stúlk­
um hefur fengið dóm sinn
ómerktan. Hæstiréttur gerði Héraðs­
dómi Vesturlands að taka málið fyrir
aftur þar sem málsmeðferð var ekki
lögum samkvæmt.
Hinn ákærði er frá Palestínu og tal­
ar arabísku. Hann bar fyrir sig að túlk­
ur sem fenginn var fyrir hann hafi ekki
haft nægilegt vald á íslenskri tungu
til þess að gegna starfi sínu ásamt því
að túlkurinn hafi talað öðruvísi af­
brigði af arabísku, þar sem hann sé
frá Marokkó. Það hafi valdið túlkunar­
örðugleikum og komið í veg fyrir rétt­
læta málsmeðferð.
Hæstiréttur féllst ekki á að túlkur­
inn hafi ekki getað gegnt starfi sínu,
en benti á að ákæra í málinu hafi ekki
verið þýdd á arabísku, hvorki í orði né
riti, né heldur hafi skýrslur vitna og
brotaþola verið þýddar. Héraðsdómi
er því gert að taka málið aftur fyrir.
Maðurinn hafði verið dæmdur í
tveggja ára fangelsi í héraði, ásamt því
að þurfa að greiða fórnarlömbum sín­
um, tveimur unglingsstúlkum, skaða­
bætur. Hann starfaði fyrir ungliða­
hreyfingu á Akranesi en meint brot
áttu sér stað sumarið 2011.
Fjórtán ára stúlku var honum gert
að greiða eina milljón í skaðabætur,
en hann var sagður hafa klætt hana
úr peysu, strokið henni með hendi á
brjóstum og kynfærum innan klæða
og hafa látið hana fróa sér uns hann
hafði sáðlát. Þrettán ára stúlku var
honum gert að greiða 800 þúsund
krónur, fyrir að hafa áreitt hana kyn­
ferðislega með því að hafa í allt að átta
skipti kysst hana tungukossa á munn­
inn, strokið henni með hendi á brjóst­
um innan og utan klæða, á kynfærum
utan klæða og beðið hana um að hafa
við sig samræði. Þessi dómur var sem
áður segir ómerktur og verður málið
tekið aftur fyrir í héraði. n
simon@dv.is
Úreltar hug-
myndir um
kynjahlutverk
Í Bleiku bókinni virðast áhuga­
mál stúlkna vera að dansa, sauma
og þrífa en í Bláu bókinni virð­
ast áhugamál drengja einna helst
tengjast bílum og geimferðum.
Þetta má lesa úr þrautabókum fyrir
börn sem gefnar er út af Setbergi.
Myndir af bókunum hafa vakið
athygli á Facebook og þykja skila­
boð bókanna vera sérstök og gefa
til kynna mjög einfaldar og úreltar
hugmyndir um hlutverk kynjanna.
Bækurnar eru ætlaðar eldri leik­
skólabörnum eða yngri grunn­
skólabörnum. Aðallega er að finna
myndir af strákum í þeirri bláu, en
stelpum í bleiku bókinni og virðist
því skýrt til hverra þeim er ætlað að
höfða. Í báðum bókunum er um­
fjöllun um dýr og hlutverk þeirra
en að öðru leyti eru bækurnar tals­
vert ólíkar. Í þeirri bláu er fjallað
um geimfara og geiminn, risaeðlur,
skordýr, fiðrildi og bíla en í bleiku
bókinni er að finna stúlkur sem
dansa, þrífa, sauma og hafa gaman
af tuskudýrum.
Vilhjálmur
ákvað að
víkja
Vilhjálmur Þ. Vilhjálmsson, fyrr­
verandi borgarstjóri, hefur
ákveðið að víkja sem formaður
Eirar. Þetta kom fram í yfirlýs­
ingu sem hann sendi frá sér á
fimmtudag í kjölfar stjórnar­
fundar. Skuldir Eirar nema um
átta milljörðum króna og þar af
eru um tveir milljarðar skuldir
við íbúa í íbúðum Eirar sem eiga
að fá endurgreiðslu á búsetu­
réttindum í fasteignunum að
leigutíma loknum. Komið hefur
fram að Vilhjálmur hafi leynt
stjórn félagsins upplýsingum um
slæma fjárhagsstöðu, en Vil­
hjálmur sór það af sér í DV á
miðvikudag. Í yfirlýsingunni
segist Vilhjálmur hafa barist fyrir
hagsmunamálum eldri borgara
um langt skeið og hann muni
halda því áfram. Þrátt fyrir það
hefur hann ákveðið að stíga til
hliðar sem formaður Eirar.
n Segja Inga ekki hafa skilgreinda fötlun n Mjög ósátt með niðurstöðuna
Þ
etta er svo mikil svívirða að
halda að þeir geti sagt mér
að barnið mitt sé ekki fatlað.
Þetta er svo svívirðilegt,“
segir Ágúst Kristmanns, fað­
ir Inga Kristmanns, um endanlegan
úrskurð í kærumáli foreldra Inga
gegn mennta­ og menningarmála­
ráðuneytinu. Inga, sem er 11 ára
drengur með væga þroskahömlun,
var synjað um inngöngu í Kletta­
skóla, sem áður hét Öskjuhlíðarskóli,
í apríl á þessu ári. DV hefur fjallað
töluvert um mál Inga en synjunin
um inngöngu í skólann var byggð á
þeim forsendum að Ingi væri með
væga þroskahömlun án viðbótar­
fötlunar og uppfyllti þar af leiðandi
ekki inntökuskilyrði skólans. For­
eldrarnir kærðu synjunina og fengu
lokaúrskurð um málið á miðvikudag
eftir langa þrautagöngu. Þau segja
Inga ekki líða vel í almenna skóla­
kerfinu og vilja að hann fái að upp­
lifa sig í jafningjasamfélagi sem sé til
staðar fyrir hann í Klettaskóla.
Neitað um nýja greiningu
Í úrskurðinum sem þau fengu send­
an til sín er meðal annars sagt að
„… Ingi hafi ekki skilgreinda fötlun
skv. lögum um málefni fatlaðs fólks,
þótt hann hafi hreyfiþroskarösk­
un og ofvirkniröskun umfram væga
þroskahömlun.“
Foreldrar Inga furða sig á því
mati sem þarna kemur fram. Grein­
ingin sem byggt er á er frá Grein­
ingar­ og ráðgjafarmiðstöð ríkisins
og er frá því Ingi var 5 ára en for­
eldrar hans segja honum hafa hrak­
að mikið síðan sú greining var gerð.
Foreldrar hans hafa reynt að fá nýja
greiningu á Inga en verið neitað um
það. Með kærunni fylgdu umsagnir
nokkurra sérfræðinga, meðal annars
sálfræðinga og heila­ og taugasjúk­
dómalæknis, sem voru sammála
því að Ingi ætti að vera í sérskóla en
þessar umsagnir voru ekki teknar til
greina í úrskurðinum.
„Samkvæmt þeirra mati á grein­
ingunni frá Greiningarmiðstöðinni
þá sjá þeir ekki að hann falli undir
lög um fatlaða og er hann að þeirra
mati ófatlaður,“ segir Ágúst afar von­
svikinn og reiður yfir úrskurðinum.
Ekki rétt boðleið
Faðir Inga gagnrýnir vinnubrögð
ráðuneytisins sem og seinagang í
málinu. „Í úrskurðinum kemur fram
að við höfum ekki farið rétta boðleið.
Við hefðum átt að sækja um í gegn­
um Kópavogsbæ þar sem við erum
búsett í stað þess að sækja um sjálf.
Þetta segja þeir núna öllum þessum
mánuðum seinna en ég hef aldrei
heyrt á þetta minnst fyrr. Það er eins
og þeir séu að reyna fegra þetta eða
eitthvað. Það er náttúrulega fárán­
legt að við sækjum um í apríl og það
var aldrei nefnt einu orði við okkur
að við værum að gera þetta vitlaust.
Svo er það notað sem veigamikið at­
riði í úrskurðinum,“ segir hann. For­
eldrarnir kærðu synjunina í maí en
fengu ekki svar fyrr en í enda ágúst.
„Við vitum að skýrslan sem ég átti
að hafa andmælarétt um var tilbúin
13. júlí en hún var ekki send til okkar
fyrr en 20. ágúst,“ segir hann en fjöl­
skyldan beið og vonaðist eftir því í
allt sumar að fá jákvætt svar um að
Ingi kæmist inn í skólann.
Áframhaldandi barátta
Synjunin var þeim mjög erfið þar
sem þau höfðu haft vonir um að Ingi
fengi notið sín í jafningjasamfélagi
í Klettaskóla. Ágúst segir Inga hafa
hrakað mikið undanfarið og líði ekki
vel í skólanum. Hann sé mikið einn
og njóti sín ekki líkt og hann geri
innan um önnur börn með þroska­
hömlun – þá upplifi hann sig sem
jafningja. Þrátt fyrir að samnemend­
ur hans séu honum góðir þá sé hann
langt á eftir þeim í þroska og finni
til vanmáttar síns. „Hann er í sérúr­
ræði núna og það gengur mjög brös­
uglega. Honum leiðist og finnst þetta
leiðinlegt enda er hann mest einn.
Við finnum gríðarlega mikinn mun á
honum. Hann er miklu leiðari, upp­
stökkari og bara miklu erfiðari. Og
það hefur áhrif á alla fjölskylduna.“
Ágúst segir að þó baráttan sé
orðin löng þá hafi fjölskyldan ekki
gefist upp. Þau ætla að sækja aft­
ur um fyrir Inga í Klettaskóla og nú
í gegnum Kópavogsbæ. Þau ætla
einnig að kæra úrskurð ráðuneytis­
ins til umboðsmanns Alþingis. „Við
munum sækja um aftur í vor. Við
gefumst aldrei upp, það kemur ekki
til greina. Þetta þýðir bara áfram­
haldandi baráttu fyrir okkur.“ n
Ófatlaður Samkvæmt úr-
skurði ráðuneytisins er sagt að
Ingi hafi ekki skilgreinda fötlun
samkvæmt lögum um málefni
fatlaðs fólks. Faðir hans segir
svívirðilegt af ráðuneytinu að
halda þessu fram.
„Gefumst aldrei upp“
Viktoría Hermannsdóttir
blaðamaður skrifar viktoria@dv.is
„Honum leiðist
og finnst þetta
leiðinlegt enda er
hann mest einn
Ómerktur dómur Hvorki ákæra í málinu
né vitnaskýrslur fyrir dómi voru þýddar fyrir
ákærða, og taldist því málsmeðferðin vera
óréttlát.