Dagblaðið Vísir - DV - 09.11.2012, Blaðsíða 42

42 Lífstíll 9.–11. nóvember 2012 Helgarblað
Kaffi í hárið til að fá gljáa
n Náttúruleg hárfegrunarmeðul
Í
bókinni Frábært hár, eftir Írisi
Sveinsdóttur, er að finna hollráð
og greiðslur við öll tækifæri. Í ein-
um kafla bókarinnar er fólki gefnar
uppskriftir að náttúrulegum meðul-
um til hárfegrunar.
„Frá örófi alda hafa konur og karl-
ar viljað fegra hár sitt. Til er fjöldinn
allur af náttúrulegum uppskriftum
að ýmsum fínum efnum til að bera
í hárið sem hver og einn getur búið
til,“ segir Íris í bókinni. Hér að neðan
er að finna tvær þessara uppskrifta.
Kaffi og kamillute í hárið.
Kaffi í hárið
Fyrir dökkhærða er upplagt að nota
kalt kaffi til að skola hárið eftir þvott.
Hægt er að blanda dálitlu af volgu
vatni út í kaffið og hella yfir hreint
hárið. Það má jafnvel láta vera að
skola það úr hárinu. Ef þetta er gert
oft fær hárið fallegan dökkan gljáa
og ekki spillir blessaður kaffiilmur-
inn.
Kamillute í hárið
Kamilluskol er góð aðferð til að fá
hárið til að gljáa og ef hún er fram-
kvæmd eftir hvern þvott lýsist hárið
með tímanum.
Tveir pokar af kamillutei eru sett-
ir í hálfan lítra af sjóðandi vatni og
látnir standa í vatninu þar til það hef-
ur kólnað nægilega mikið til að það
brenni þig ekki. Kamilluteinu er hellt
í nýþvegið hárið og það ekki skolað
úr. n
Heimatilbún-
ar snyrtivörur
Heimatilbúin fegrunarmeðul og
snyrtivörur geta virkað mjög vel og
stundum betur en flóknar sam-
setningar efna sem þú kaupir í túpu
eða krukku úti í búð. Ef þú notar
matvæli eða annað heiman frá þér í
fegrunarskyni skaltu samt ávallt gera
ofnæmispróf á húðinni fyrst.
1 Ólífuolía sem augn-farðahreinsir Ólífuolía
virkar mjög vel sem augnfarðahreinsir
og mýkir viðkvæmt augnsvæðið á
sama tíma. Olían leysir maskarann
vel upp og sumir telja að hún hafi
einnig góð áhrif á augnahárin og geri
þau lengri og sterkari.
2 Aspirín gegn bólum Í verkjalyfinu aspiríni eru
ýmis efni sem gagnast vel útvortis í
baráttunni við bólótta húð. Þá getur
aspirínið einnig jafnað húðlit með
tímanum. Hitaðu nokkrar teskeiðar af
vatni, settu tvær töflur af aspiríni út í
og blandaðu saman. Berðu maskann
á andlitið á þér og láttu bíða í fimm
mínútur. Þrífðu svo af með vatni og
endurtaktu þetta að minnsta kosti
einu sinni í viku.
3 Jarðarber fyrir andlit og tennur Jarðarber
innihalda náttúruleg efni sem jafna
húðina, bæði litamismun og ör eftir
bólur. Skerðu stórt jarðarber eftir
endilöngu, kreistu safann úr því með
gaffli og tættu örlítið af kjötinu
með. Berðu safann á andlitið á þér,
láttu bíða í tvær mínútur og þrífðu
af með vatni. Þú getur einnig notað
jarðarber í stað tannhvíttunarefna.
Renndu jarðarberjum á tennurnar á
þér nokkrum sinnum í viku og sjáðu
árangurinn.
4 Gúrka gegn roða og bólgum Gúrka getur gert
kraftaverk við bólgum og þrota í and-
liti. Gríptu gúrku úr ísskápnum, skerðu
í sneiðar og leggðu á andlitið. Gúrkan
dregur úr bólgum og roða á skömm-
um tíma og róar viðkvæm svæði.
5 Ís við stórum svita-holum Ef andlitið er rautt
og svitaholurnar áberandi þegar þú
kemur úr sturtu er besta ráðið að
bleyta handklæði með ísköldu vatni
og leggja á andlitið. Leyfðu þessu
að virka í fimm mínútur og andlitið
verður miklu heilbrigðara og ferskara
fyrir vikið. Kuldinn lokar jafnframt
svitaholunum og þær verða minna
áberandi.
Settu þetta á
diSkinn þinn
G
ranateplafræ, kíví og rósakál
eru nokkrar af þeim tegund-
um matvæla sem mættu
rata oftar á diskinn hjá okk-
ur. Hollusta grænmetis og
ávaxta er óumdeilanleg og reynum
við flest að borða slík matvæli dag-
lega. Við erum þó kannski föst í
að velja alltaf sama grænmetið
og mættum breytta aðeins til öðru
hvoru.
Á Mens´s Health er fjallað um
grænmeti og ávexti sem við gætum
neytt meira af en þar segir að þess-
ar tegundir séu sérstaklega góðar
fyrir veturinn. Þó sumar tegundanna
fáist ekki hér á landi er ekki úr vegi
að kynna þær fyrir Íslendingum svo
þeir geti prófað þær á ferðalögum er-
lendis.
Granateplafræ
Granatepli er upprunnin
í Vestur-Asíu og rækt-
uð víða í hitabelti og
heittempruðu beltun-
um. Þau eru oftast
rauð- eða brúnleit,
fremur súr með mörgum
rauðum fræjum í hlaupkenndum
safa, einn elsti ávöxtur sem þekktur
er.
Fræin innihalda mikið af fjöl-
fenóli eða „polyphenols“ sem hefur
mikla andoxunarhæfileika og vinnur
gegn sýkingum. Gott er að strá fræj-
unum yfir hafragrautinn til að gefa
honum bragð.
Rósakál (Brussels
Sprouts)
Fjarlægið ysta lagið,
snyrtið stilkana og
blandið saman við ólífu-
olíu og salt. Setjið í eldfast
mót og steikið í ofni við 220°C
þar til kálið verður brúnt.
Döðluplóma
(Persimmon)
Andoxunarefni í ávext-
inum geta hjálpað til við
að hafa hemil á sykursýki
og þeim frumuskemmd-
um sem fylgja sjúkdóminum. Berið
döðluplómu fram með hráskinku og
ferskum mozzarellaosti.
Blaðlaukur
Blaðlaukur hentar vel í alla rétti
þar sem gert er ráð fyrir að nota
lauk, svo sem í salöt, súpur, pott-
rétti og margt fleira.
Hann má sjóða í vatni
eða steikja í smjöri og
gufusjóða á eftir. Hæg-
lega má nota blaðlauk
sem aðalrétt, smjör-
steiktan og bakaðan með skinku-
eða beikonbitum og osti. Ljóst skaft-
ið þykir ljúffengast en grænu blöðin
eru næringarríkust.
Kíví
Eitt stykki inniheldur
um það bil 100 milli-
grömm af C-vítamíni
sem gefur ónæmiskerf-
inu auka kraft. Settu nokkr-
ar kívísneiðar út í spínatsalatið.
Rófur
Rúllaðu einni eða
tveimur rófum inn í
álpappír og bakaðu
við 180°C í klukku-
tíma eða þar til þær eru eldað-
ar. Skerðu þær niður í tenginga og
stráðu þeim út á salatið. Bættu feta-
osti við og úðaðu smá valhnetuolíu
út á.
Guava
Einn bolli af hráu guava
inniheldur meina en 8.500
míkrógrömm af andoxun-
arefninu „lycopene“ sem
hjálpar til í baráttunni við
kransæðasjúkdóma. Gott er að
borða ávöxtinn sem nasl með gráð-
osti og fíkjum.
Ávöxturinn er aldin trés af sápu-
berjaætt sem vex í suðaustanverðri
Asíu. Skærrauður og hærður, ögn súr
á bragðið.
Garðakál (Kale)
Bragðið er örlítið beiskt en til að
minnka það má snöggsteikja það
með ólífuolíu, balsamediki, hvítlauk
og furuhnetum.
Mikið notað í matargerð í Dan-
mörku en kálið þolir frost og var fyrr
á öldum eina grænmetið sem menn
gátu lagt sér til munns að vetrarlagi.
Blaðgrænt grænmeti er ríkt af
kalki, magnesíum, járni, kalín, fos-
fór, sinki og er fullt af A-, C-, E-, og
K-vítamínum. Einnig inniheldur það
mikið af trefjum, fólínsýru, blað-
grænu og mörgum öðrum næringar-
efnum.
Pómeló
Inniheldur mikið
af „flavanones“-
andoxunarefni sem
hjálpa til við að hefta
fjölgun krabbameinsfrumna. Gott
er að setja þá út á ís, ásamt öðrum
ávöxtum.
Ávöxturinn er aldin samnefnds
trés af glóaldinætt sem er upprunnið
í suðaustanverðri Asíu. Hann er stór,
perulaga, með rauðleitt, þykkt hýði
og þurrt og gróft aldinkjöt. n
n Hollusta sem við ættum að tileinka okkur á veturna
Grænmeti og ávextir Allir eru með-
vitaðir um hollustu þessara matvæla.