Dagblaðið Vísir - DV - 09.11.2012, Blaðsíða 52

52 Fólk 9.–11. nóvember 2012 Helgarblað
Hvað er að
gerast?
9.–11. nóvember
Föstudagur09
nóv
Laugardagur10
nóv
Sunnudagur11
nóv
Söngleikir kvikmynda ­
sögunnar í Salnum
Söngvararnir og leikararnir Bjarni
Snæbjörnsson, Margrét Eir, Orri Huginn
Ágústsson og Sigríður Eyrún Friðriks-
dóttir flytja ódauðleg lög úr söngleikjum
sem áhorfendur hafa grátið yfir og
hlegið með í Salnum í Kópavogi. Á föstu-
dagskvöld verða flutt lög úr vinsælustu
söngleikjum kvikmyndasögunnar.
Salurinn 20.00
Lög Óðins í Austurbæ
Í Austurbæ verður flutt dagskrá með
þekktum lögum sem Óðinn Valdimars-
son flutti á sínum ferli. Það er 12 manna
hópur norðlenskra hljóðfæraleikara
og söngvara sem flytur öll helstu lög
Óðins, eins og: Í kjallaranum, Eins kaldi,
Útlaginn, Ég er komin heim auk fjölda
annarra.
Austurbær 20.00
BÍÓ: DOX í Bíó
Paradís
BÍÓ:DOX, nýr heim-
ildamyndaklúbbur Bíó
Paradísar, stendur fyrir
heimildamyndahátíð
dagana 9.–15. nóvember í Bíó
Paradís. Þema BÍÓ:DOX hátíðarinnar er
List en alls verða fimm heimildamyndir
sýndar á hátíðinni sem allar eiga það
sameiginlegt að gefa okkur innsýn í líf
listamanna og lista.
Á föstudag verða sýndar myndirnar Jiro
Dreams of Sushi klukkan 18.00, opnunar-
mynd hátíðarinnar, Searching for Sugar
Man klukkan 20.00 og Woody Allen: A
Documentary klukkan 22.00.
Bíó Paradís 18.00–22.00
Il Trovatore í Hörpu
Óperan Il Trovatore eftir meistara
Giuseppe Verdi er ópera sterkra tilfinn-
inga – saga um ástir og hefnd. Tónlistin
iðar að sama skapi af rómantík, fögrum
laglínum og hrífandi aríum og kórum. Il
Trovatore verður sýnd næstu laugardaga
í Eldborgarsal Hörpu.
Harpa 20.00
Skrímslið litla
systir mín
Skrímslið litla systir mín
snýr aftur á svið í Nor-
ræna húsinu í nóvember.
Sýningin hlaut einróma lof
gagnrýnenda og frábærar viðtökur hjá
áhorfendum síðastliðinn vetur. Verður
sýnd á sunnudögum klukkan 16.00.
Norræna húsið 16.00–17.00
Hún er ekki hér því
hún er svo fræg
n Fjölmenni í útgáfuhófi vegna bókarinnar Stelpur geta allt
Ú
tgáfu bókarinnar Stelpur
geta allt eftir Kristínu Tómas­
dóttur var fagnað í Eymunds­
son í Austurstræti á mið­
vikudaginn. Bókin inniheldur 22
reynslusögur ólíkra stúlkna sem
hafa náð frábærum árangri á ein­
hverju sviði, upplifað eitthvað
óvenjulegt eða sérstakt. Margar
þeirra voru í útgáfuhófinu, sem
og nokkrar fyrirmyndanna sem
einnig svara spurningum í bókinni.
Kristín hélt stutta tölu og þakkaði
stelpunum fyrir alla aðstoðina við
bókina. Þá kallaði hún hverja og
eina upp til að taka við eintaki af
bókinni. Þegar kom nafni Nönnu
Bryndísar Hilmarsdóttur, söng­
konu hljómsveitarinnar Of Mon­
sters and Men, sem er ein stelpn­
anna í bókinni, þá staldraði Kristín
við. „Nanna Bryndís, hún er ekki
hér því hún er svo fræg,“ sagði hún
og vakti mikla kátínu viðstaddra.
Stelpur geta allt er þriðja bók Krist­
ínar og í samtali við DV á miðviku­
daginn sagði hún bókina jafnframt
þá skemmtilegustu sem hún hefði
skrifað, þar sem hún ylti minna á
henni sjálfri en hinar tvær. n
Forsetaframbjóðandi Andrea Ólafsdóttir, fyrrverandi forseta-
frambjóðandi, mætti í útgáfuhófið og leist vel á nýjustu bók Kristínar.
Dansstelpa Leikarinn Gunnar Hansson og Unnur Elísabet Gunnarsdóttir dansari mættu
með dóttur sína í Eymundsson. Unnur er ein af stelpunum í bókinni og er þar í viðtali ásamt
vinkonu sinni Emilíu Benediktu Gísladóttur.
Stelpur geta allt Kristín afhenti
öllum stelpunum sem mættu í útgáfu-
hófið eintak af bókinni. Hópurinn stillti
sér svo upp fyrir ljósmyndara og á
myndinni má glögglega sjá að stelpurn-
ar er jafn ólíkar og þær eru margar.
Ánægð með bókina
Rithöfundurinn Kristín
Tómasdóttir er að vonum
ánægð með útkomuna. Hér
er hún ásamt Ólafi Ragnars-
syni og Pétri Má Ólafssyni,
útgefendum sínum hjá
Veröld.
Fyrirmyndin María
Sigrún Hilmarsdóttir
fréttakona á RÚV er
ein fyrirmyndanna í
bókinni. Hún mætti í
útgáfuhófið með syni
sínum, Hilmari Árna.
Bráðger Brynja Brynja Björg Halldórsdóttir var alltaf á
undan samnemendum sínum í grunnskóla. Hún kláraði vinnu-
bækurnar sínar samdægurs og vildi fá meira krefjandi verkefni.
Hún mætti í útgáfuhófið ásamt ömmu, móður og systur.
Stelpur Ugla Stefanía Jónsdóttir og Mamiko Dís Ragnarsdóttir eru báðar í bókinni. Ugla
Stefanía ræðir opinskátt um hvernig það er að vera transkona.
Galdrastelpa Steinunn
Jónsdóttir er ein stelpnanna
í bókinni. Hún er þrettán ára
og kann ýmislegt fyrir sér
í göldrum. Steinunn sýndi
gestum í hófinu listir sínar í
gær og vakti mikla lukku.