Dagblaðið Vísir - DV - 09.11.2012, Blaðsíða 12

A
ldrei hafa fleiri erlendir
ferðamenn komið til lands­
ins um Leifsstöð en á þessu
ári. Á fyrstu tíu mánuðum
ársins komu fleiri ferða­
menn til landsins en allt árið í fyrra.
Þetta kemur fram í tölum Ferðamála­
stofu Íslands. Sex þúsund fleiri er­
lendir ferðamenn fóru frá landinu í
október á þessu ári en í sama mánuði
í fyrra.
Þessi fjölgun sést einnig ef rýnt er
í heildarveltu erlendra greiðslukorta
sem finna má á vefsíðu Seðlabanka
Íslands. Í fyrra nam velta ársins rétt
rúmlega 62 milljörðum króna. Fyrstu
níu mánuði þessa árs nam upphæð­
in 62 milljörðum króna og 360 millj­
ónum betur.
Til að setja upphæðina í samhengi
má nefna að talið er að heildarkostn­
aðurinn við tónlistarhúsið Hörpu hafi
numið ríflega 30 milljörðum króna.
Eyðsla útlendinga á Íslandi fyrstu níu
mánuði þessa árs gæti því dugað til að
reisa og fullbyggja tvær Hörpur.
Aldrei fleiri gestir
Ferðamannaiðnaðurinn er ef til vill
sá atvinnugeiri sem mest hefur vax­
ið undanfarin ár. Fyrir níu árum,
árið 2003, fóru 309 þúsund erlend­
ir ferðamenn um Keflavíkurflugvöll.
Þeir voru orðnir 459 þúsund árið
2007 en í kjölfar efnahagshrunsins
varð ekki fjölgun fyrr en í fyrra. Þá
fóru 541 þúsund erlendir ferðamenn
um Keflavíkurflugvöll en á þessu ári
verður fjöldinn enn meiri, ef fer sem
horfir. Oddný Þóra Óladóttir, rann­
sóknarstjóri hjá Ferðamálastofu, seg­
ir að gert séð ráð fyrir því að 630 þús­
und gestir fari um flugvöllinn á þessu
ári, ef fjölgunin í nóvember og des­
ember verður í takt við það sem ver­
ið hefur fram til þessa. Hún bend­
ir í samtali við DV á að heildarfjöldi
ferðamanna sem komi til Íslands sé
þó meiri. Hátt í 100 þúsund gestir hafi
komið með skemmtiferðaskipum til
Reykjavíkur í sumar en þá séu ótalin
önnur skemmtiferðaskip – en 95 pró­
sent þeirra sem komi til landsins hafa
viðkomu í Reykjavík – aðrir flugvellir
á Íslandi og svo ferjan Norræna. Allt í
allt gætu ferðamennirnir því verið allt
eða 800 þúsund á árinu.
Helmingurinn kemur á sumrin
Oddný segir erfitt að leggja mat á
hvort framboð ferðaþjónustunn­
ar anni eftirspurninni eða hvenær
komið verði að þolmörkum hvað
varðar gistirými og matsölu yfir sum­
armánuðina. Hún bendir á að um
helmingur þeirra erlendu ferða­
manna sem heimsæki landið komi
yfir sumarmánuðina þrjá. Eitt helsta
verkefni ferðaþjónustunnar sé að
stuðla að jafnari dreifingu ferða­
manna árið um kring. „Það hefur ver­
ið unnið að því að reyna að lengja
ferðamannatímann en það hefur
gengið hægt.“
Hún segir að fjölgunin milli ára
yfir sumarmánuðina nemi núna um
13 til 16 prósentum en aukningin sé
svipuð eða heldur meiri mánuðina
september til maí. „Það þarf mikið
til að breyta þessari samsetningu.
Ferðamannatíminn virðist afmark­
aðri hér en víða annars staðar. Það
er dálítið mikið að 50 prósent gesta
komi þessa þrjá mánuði.“
Gera betur við sig
Greining Íslandsbanka bendir á að
íslensk ferðaþjónusta njóti góðs af
lágu gengi krónunnar. Dregið gæti
úr mikilli fjölgun ferðamanna ef
gengið færi að styrkjast að ráði, það
sé þó ólíklegt næstu misserin eða
árin.
Greining Íslandsbanka bendir á
að veikt gengi krónunnar geri það
að verkum að ódýrara er fyrir er­
lenda ferðamenn að koma til Íslands
en fyrir hrun. Ef horft sé til notkun­
ar erlendra greiðslukorta sjáist að
erlendir ferðamenn virðist nú gera
betur við sig hér á landi en áður.
Eyðslan í september á þessu ári sé
þrefalt meiri í krónum talið en hún
var í september 2007. Á sama tíma
hafi ferðamönnum fjölgað um 42
prósent.
Forvitnilegt er að rýna í það
hvaðan erlendu ferðamennirn­
ir koma. Á Hagstofu Íslands má sjá
hverrar þjóðar þeir ferðamenn eru
sem fara um Keflavíkurflugvöll. Í
fyrra voru 14 prósent ferðamanna
Bandaríkjamenn, 13 prósent Bret­
ar og 11 prósent Þjóðverjar. Átta
prósent ferðamanna voru Danir
og önnur átta prósent Norðmenn.
Hér til hliðar má sjá nánar skipt­
ingu erlendra gesta sem fóru um
Keflavíkurflugvöll eftir þjóðerni. n
12 Fréttir 9.–11. nóvember 2012 Helgarblað
Baldur Guðmundsson
blaðamaður skrifar baldur@dv.is
Metfjöldi túrista
heimsækir Ísland
n Allt að 800 þúsund gestir n Eyddu á við tvær Hörpur fyrstu 9 mánuði ársins
Lúxuslíf á Íslandi?
Ferðamenn eyða sífellt
meira fé í ferðum sínum
hingað.„Það er dálítið mikið að 50 prósent gesta
komi þessa þrjá mánuði
80
70
60
50
40
30
20
10
0
Velta erlendra greiðslukorta
á Íslandi í milljörðum króna
2007 2008 2009 2010 2011 2012*
*Fyrstu níu mánuði ársins 2012
Bandaríkin
Bretland
Danmörk
Finnland
Frakkland
Holland
Ítalía
Japan
Kanada
Kína
Noregur
Pólland
Rússland
Spánn
Sviss
Svíþjóð
Þýskaland
Önnur þjóðerni
14%13%
13%
8%
7%8%
6%
11%
Bandaríkin
Bretland
Danmörk
FrakklandNoregur
Svíþjóð
Þýskaland
Önnur þjóðerni
Ögmundur iðrast:
„Óheppilegt af
minni hálfu“
„Þetta er alveg rétt hjá Veður­
stofunni að það var spáð fyrir
um veðrið en það sem jafnframt
kom fram í yfirlýsingu talsmanns
Veður stofunnar er alveg hárrétt,
og rímar við það sem ég sagði, að
það var ekki gefin út sú viðvörun
sem síðar kom í ljós að hefði mátt
gefa,“ segir Ögmundur Jónasson
innanríkisráðherra í samtali við
DV en veðurfréttatími RÚV á mið­
vikudagskvöldið hefur svo sannar­
lega vakið athygli. Þar dró veður­
fræðingurinn Haraldur Ólafsson
fram veðurkort sem gefið var út 8.
september síðastliðinn og gilti fyr­
ir 10. september.
Haraldur sendi þar Ögmundi
augljóslega pillu en Ögmundur
sagði á Alþingi á þriðjudag að
engar spár eða viðvaranir hefðu
verið gefnar út fyrir óveðrið sem
gekk yfir í september. Harald­
ur sýndi, með því að draga fram
gamla kortið, fram á að Veður­
stofan hefði vissulega spáð fyrir
þessu slæma veðri.
„Það sem var óheppilegt af
minni hálfu í seinna skiptið sem
ég kom upp var að ég sagði að ekki
hefði verið spáð fyrir um slæmt
veður,“ segir Ögmundur. Hann
bendir þó á að í fyrri ræðu sinni á
Alþingi um óveðrið í september
hefði hann verið að beina sjónum
sínum að því að Veðurstofan hefði
varað við stormi en ekki haft sam­
band við almannavarnadeild rík­
islögreglustjóra. „Mér sýnist allir
sammála um að þarna kunni að
vera einhverjar brotalamir í sam­
skiptum Veðurstofu og Almanna­
varna sem þurfi að laga,“ segir
Ögmundur en Theodór Hervars­
son hjá Veðurstofunni hefur sagt
að endurskoða þurfi reglur um
samskipti Veðurstofunnar við Al­
mannavarnir og hvenær eigi að
vara við óveðri.
Stormur um
mestallt land
Veðurstofan varar við stormi um
landið norðan­ og vestanvert í
dag, föstudag. Búist er við stormi
á Vestfjörðum með snjókomu
núna í morgunsárið. Einnig er
búist við stormi, eða 18 til 23
metrum á sekúndu, með snjó­
komu við Breiðafjörð og á Norð­
urlandi vestra um og eftir hádegi.
Norðaustanlands fer líka að
snjóa og þar hvessir seinnipart­
inn. Þá hvessir á Suðvestur­ og
Vesturlandi í kvöld. Veðurstofan
segir að búast megi við hvössum
vindhviðum (yfir 40 metra á sek­
úndu) við fjöll, einkum hlémegin
um vestanvert landið.
Vegfarendum er bent á að
færð og skyggni getur versnað
hratt og ekkert ferðaveður verð­
ur á norðvestanverðu landinu í
dag, föstudag, og eins getur orðið
varhugavert að vera á ferð við
fjöll vestan til á landinu. Heldur
dregur úr vindi þegar líður á
laugardaginn, fyrst vestan til.
Hlutfall ferðamanna
eftir þjóðernum 2011