Dagblaðið Vísir - DV - 24.06.2011, Blaðsíða 6

6 | Fréttir 24.–26. júní 2011 Helgarblað
Lögreglan fann heimagert skotvopn, skotfæri og eiturlyf við húsleit:
Vítisengill með byssu og dóp
Rúmlega tvítugur karlmaður var
handtekinn eftir að heimagert skot-
vopn og 22 kalíbera skotfæri fundust
við húsleit hjá manninum síðastlið-
inn miðvikudag. Hann er talinn vera
í mótorhjólasamtökunum Hells Ang-
els sem skotið hafa rótum hér á landi.
Samtökin eru talin hættuleg skipu-
lögð glæpasamtök en þau eru með
starfsemi víða um heim. Við húsleit
hjá manninum fundust gögn sem
tengjast ætluðum meðlimum sam-
takanna. Lögregluna grunar að skot-
vopnið sem fannst við húsleitina hafi
verið notað til að vinna skemmdar-
verk á ökutæki á Seltjarnarnesi í síð-
ustu viku.
Lögreglan hefur lengi haft áhyggj-
ur af umsvifum mótorhjólaklúbb-
anna Hells Angels og Outlaws, sem
áður hét Black Pistons, hér á landi.
Bæði samtökin skutu rótum hér á
landi á árinu en mótorhjólaklúbbur-
inn Fáfnir fékk fulla inngöngu í Hells
Angels í byrjun mars á þessu ári. Mót-
orhjólaklúbburinn Black Pis tons, sem
er stuðningsklúbbur Outlaws-mót-
orhjólasamtakanna, fékk svo „pro-
spect“-aðild að Outlaws í maí síðast-
liðinn. Þó að „prospect“-staða þýði
að klúbburinn hafi svokallaða áhang-
endastöðu innan klúbbsins hafa sam-
tökin engu að síður fengið að taka
upp nafnið Outlaws.
Bæði Einar „Boom“ Marteinsson,
leiðtogi Hells Angels á Íslandi, og
Ríkharð Júlíus, leiðtogi Outlaws, hafa
sagt mótorhjólasamtökin sem þeir
eru í forsvari fyrir ekki vera glæpa-
samtök heldur fjölskyldusamtök
eða bræðralag. Hvorugur þeirra hef-
ur viljað svara spurningum blaða-
manna um lögbrot meðlima sam-
takanna en Ríkharð Júlíus hefur sagt
að meðlimir samtakanna séu ekki
feimnir við að grípa til ofbeldis ef
ástæða þyki til. Hann sætir nú rann-
sókn fyrir grófa líkamsárás og frelsis-
sviptingu á ungum strák sem tengist
samtökunum.
Eignarhaldsfélaginu MMK ehf., sem
áður hét Miðklettur ehf. og var í eigu
Lúðvíks Bergvinssonar og viðskipta-
félaga hans, hefur verið slitið vegna
skuldastöðu þess. Þetta kemur fram
í Lögbirtingablaðinu. Félagið stund-
aði fasteignaviðskipti og festi meðal
annars kaup á 2.500 fermetra fast-
eign í Borgartúni. DV greindi frá því
í janúar á þessu ári að viðskiptabanki
eignarhaldsfélagsins, Landsbank-
inn, hefði leyst fasteignina til sín og
væri með hana í söluferli.
Í ársreikningi MMK ehf. fyrir árið
2009, síðasta birta reikningi félags-
ins, kemur fram að skuldir þess hafi
numið rúmum milljarði króna í árs-
lok 2009. Þá kemur fram að tæplega
966 milljónir af þessum skuldum hafi
verið hjá Landsbanka Íslands og að
félagið hefði átt að greiða allar þessar
skuldir árið 2010, í fyrra. Enn frekar
er tilgreint að vanskil félagsins vegna
þessara lána við Landsbankann hafi
numið tæpum milljarði króna árið
2009. Dagar félagsins eru því löngu
taldir þótt því sé ekki slitið fyrr en nú.
Lúðvík hætti í Miðkletti
Talsverð umræða var í samfélaginu
um fjármál Lúðvíks Bergvinssonar,
sem var þingmaður Samfylkingar-
innar á þeim tíma, í kjölfar hruns-
ins haustið 2008. Umfjöllunin um
fjármál Lúðvíks var liður í almennri
umfjöllun um fjármál þingmanna á
dögum góðærisins, þátttöku þeirra
í skuldsettum fjárfestingarfélögum
og annað slíkt. Til dæmis var greint
frá því í fjölmiðlum í lok árs 2008
að Lúðvík hefði sagt sig úr stjórn
Miðkletts eftir bankahrunið þá um
haustið. Einnig kom fram í Mogg-
anum að skuldastaða þingmannsins
hefði að öllum líkindum komið í veg
fyrir að hann fengi ráðherraembætti
í stjórn Samfylkingarinnar og Vinstri
grænna sem tók við á vormánuðum
2009 en fundað hafði verið um vænt-
anlegt samstarf flokkanna á heimili
Lúðvíks í Gnitanesi í Skerjafirði.
Lúðvík sendi frá sér tilkynningu
á þessum tíma þar sem hann sagð-
ist ætla að hætta þingmennsku og að
hann ætlaði ekki að bjóða sig fram í
þingkosningunum. Í tilkynningunni
rökstuddi Lúðvík ákvörðun sína með
þessum orðum: „Þau miklu straum-
hvörf sem orðið hafa í íslensku sam-
félagi undanfarna mánuði, gera þá
sjálfsögðu og eðlilegu kröfu að breyt-
ingar verði á skipan Alþingis, enda er
þáttur stjórnvalda mikill þegar kem-
ur að ábyrgð á því að fjármálakerfi
landsins hrundi.“
Með útkomu rannsóknarskýrslu
Alþingis rúmu ári síðar kom í ljós
hversu háar þessar skuldir Miðkletts
í bankakerfinu voru í raun. Í skýrslu
rannsóknarnefndar Alþingis kem-
ur fram að Lúðvík hafi verið fjórði
skuldugasti þingmaður landsins á
árunum fyrir hrunið en skuldirnar
sem voru tengdar hans nafni námu
755 milljónum króna samkvæmt
skýrslunni. Í skýrslunni kom fram að
öll veruleg lán sem tengdust Lúðvíki
á tímabilinu hafi verið á vegum Mið-
kletts sem var í helmingseigu þing-
mannsins fyrrverandi.
Slit en ekki gjaldþrot
Þegar DV hafði samband við Lúðvík
í janúar á þessu ári til að spyrja hann
um Miðklett, nú MMK, sagði hann:
„Ég get ekki tjáð mig um félag sem
ég á ekki lengur hlut í.“ DV var þá að
fjalla um söluferlið á húsinu í Borg-
artúni sem Miðklettur hafði skuld-
sett sig út af. Lúðvík taldi félagið því
vera sér óviðkomandi þótt það hefði
stofnað til skulda sinna á meðan
hann var ennþá hluthafi og stjórnar-
maður í félaginu.
Slitin á félaginu fela það í sér að
því verður slitið án þess að það fari
í gjaldþrotaskipti. Þessi ákvörðun
var tekin á hluthafafundi hjá MMK
í lok mars, samkvæmt Lögbirtinga-
blaðinu. Á fundinum voru tveir lög-
menn kosnir til að sitja í skilanefnd
fyrir MMK ehf. sem mun taka við
kröfulýsingum í búið og ganga frá
því. Uppgjör félagsins mun því fara
fram á lögfræðiskrifstofu sem ráðin
hefur verið til verksins af hluthöfum
félagsins en ekki hjá óháðum skipta-
stjóra.
DV hefur greint frá nokkrum mál-
um eftir bankahrunið þar sem þekkt-
um félögum hefur verið slitið í stað
þess að láta þau fara í gegnum gjald-
þrotaferli. Eitt af þessum félögum
er einkahlutafélagið Hersir sem var
slitið fyrr á árinu. Félagið var í eigu
starfsmanna Björgólfs Thors Björg-
ólfssonar, stærsta hluthafa Lands-
bankans, og fjárfesti í móðurfélagi
Landsbankans, Samson. Vegna fjár-
festingar félagsins í Samson átti
Björgólfur Thor minna en 20 prósent
óbeinan eignarhlut í Landsbankan-
um og var því ekki skilgreindur sem
tengdur aðili. Vegna þess þurftu lán
til Björgólfs ekki að fara fyrir lána-
nefnd bankans. Félögum er því
stundum slitið, í stað þess að láta þau
fara í gjaldþrot, þegar líklegt þykir að
viðkvæmar upplýsingar um þau geti
annars komið fram í dagsljósið.
Lúðvík sleppur
við dagsljósið
Ingi Freyr Vilhjálmsson
fréttastjóri skrifar ingi@dv.is
„Ég get ekki tjáð
mig um félag sem
ég á ekki lengur hlut í.
n Eignarhaldsfélagi sem Lúðvík Bergvinsson átti í slitið n Einn skuldugasti
þingmaðurinn n Hætti á þingi eftir bankahrunið n Vanskil upp á milljarð
Skuldsettu félagi slitið MMK ehf. hefur nú verið slitið vegna slæmrar skuldastöðu.
Félagið vakti nokkra athygli eftir hrunið 2008 sökum þess að Lúðvík Bergvinsson,
þingmaður Samfylkingarinnar, var á meðal hluthafa þess.
Meðlimur handtekinn Lögreglan fann
gögn er tengjast meintum meðlimum Hells
Angels í húsleit í Hafnarfirði.
S í m i : 5 6 8 9 9 5 5
www.tk.is
BRÚÐKAUPS GJAFIR
ELDHÚSVIGT iittala-
SKÁLAR
GLÖSKARÖFLUR
FISLÉTT
FERÐA-
TÖSKUVIGT
ERUM FLUTT ÚR KRINGLUNNI
Á LAUGAVEG 178
HNÍFAPARATÖSKUR
L A U G A V E G I 1 7 8
TILBOÐSVERÐ
kr. 3.990.-
OPNUNARTÍMI
mánud-föstud. 12-18
laugard.12-16 sunnud. LOKAÐ
MATAR- & KAFFISTELL
iittala-
VASAR
Forsetinn ánægður með Söruh Palin:
„Skynjaði
pólitíska getu
hennar“
Ólafur Ragnar Grímsson er í opinberri
heimsókn í Alaska um þessar mundir
og vekur þar mikla lukku. Í grein í
Alaska Dispatch fer Ólafur Ragnar
fögrum orðum um Söruh Palin og
segir hana vera náttúrulegan stjórn-
málamann.
„Ég skynjaði mjög pólitíska getu
hennar, þetta pólitíska eðli sem
maður annað hvort hefur eða hefur
ekki. Þetta er eins og tónlistarhæfi-
leikar. Hvort sem fólk er fylgjandi
henni eða á móti henni, þá hefur hún
á nokkrum árum farið frá því að vera
kjörinn fulltrúi í Alaska í það að verða
eitt áhrifamesta aflið í stjórnmálum,
sem sýnir getu hennar,“ segir Ólafur
Ragnar. Sarah Palin og Ólafur Ragnar
hittust fyrir síðustu forsetakosningar í
Bandaríkjunum.
Sarah Palin minntist nokkrum
sinnum á hann í aðdraganda kosning-
anna en lengi vel var hann eini þjóð-
arleiðtoginn sem hún hafði hitt.
Ólafur Ragnar segir þau meðal
annars hafa rætt um jarðvarmanýt-
ingu. Þegar blaðamaður spyr hann
út í stjórnmálaviðhorf Söruh Palin
svarar glottandi Ólafur Ragnar: „Við
skulum ekkert ræða það,“ og beinir
umræðunni frekar að orku- og um-
hverfismálum.
Gangandi vegfar-
endur í forgangi
Gangandi vegfarendur fá að njóta
sín í miðborg Reykjavíkur í sumar,
samkvæmt tilkynningu frá Reykja-
víkurborg. Göngugötum verður
fjölgað og miðborgin þannig efld
til muna með enn frekari  áherslu á
mannlíf og iðandi stemningu.
Austurstræti hefur nú verið
breytt í göngugötu að Pósthús-
stræti. Pósthússtræti verður lokað
fyrir bílaumferð frá og með morg-
undeginum 24. júní til 31. ágúst frá
kl. 11.00–08.00 á virkum dögum
og um helgar. Bílastæði fyrir hreyfi-
hamlaða verður komið fyrir á mót-
um Pósthússtrætis og Hafnarstræt-
is að vestanverðu þar sem stæðið
við Austurstræti fellur út.
Hafnarstræti á milli Aðalstrætis
og Naustarinnar er í hönnunarferli
og verður lokað frá þeim degi sem
framkvæmdir hefjast. Hafnarstræti
austan við Pósthússtræti var lokað
við Pósthússtrætið þann 17. júní
og verður gatan lokuð til 31. ágúst
með mögulegri aðkomu bíla frá
Tryggvagötu.