Dagblaðið Vísir - DV - 24.06.2011, Blaðsíða 15

Fréttir | 15Helgarblað 24.–26. júní 2011
„Ert þú í Klúbbnum?“ Þannig spyr
afgreiðsludama í Bláa lóninu þegar
baðgest ber að garði. Gesturinn seg-
ir „já“ og fær því að fara í lónið fyr-
ir 1.950 krónur. Á sama tíma gengur
útlendingur að afgreiðsluborðinu og
borgar heilar 4.800 fyrir sundsprett.
Vinaklúbbur Bláa lónsins er einungis
fyrir þá sem eru með íslenskar kenni-
tölur. Þeir sem eru í Vinaklúbbnum
borga meira en helmingi minna fyrir
að fara í lónið.
Formaður Bláa lónsins, Grímur
Sæmundsen, neitar samt að um mis-
munun eftir þjóðerni sé að ræða. Í
180. grein almennra hegningarlaga
segir að hver sem sé í atvinnurekstri
eða þjónustustarfsemi og neitar
manni um vörur eða þjónustu til jafns
við aðra á grundvelli þjóðernis hans,
litarháttar, kynþáttar trúarbragða eða
kynhneigðar skuli sæta sektum eða
fangelsi allt að sex mánuðum. Gísli
Tryggvason, talsmaður neytenda,
telur þetta ólögmæta mismunun og
ætlar að bregðast við henni. Skoðun
DV á málinu virðist benda til þess að
slíkt tvöföld verðlagning aukist hér á
landi. Þessi háttur í viðskiptum er al-
gengur í löndum þriðja heimsins.
Mismunað eftir þjóðerni
„Fyrr á þessu ári var ég tilbúin með
drög að tilmælum til Bláa lónsins
um að hætta þessu,“ segir Gísli. „Ég
tel það ólögmætt ef fyrirkomulagið
er svona, ef þetta er óbein mismun-
un eftir þjóðerni, og sett í þann búing
að þeir einu sem komist í vinaklúbb-
inn séu með íslenskar kennitölur, þá
er það sama mismununin. Ég átti tvo
fundi með forstjóranum þar sem ég
tjáði honum að þetta stæðist að mínu
mati ekki jafnræðisreglur Evrópu-
réttar sem kveður á um að ekki megi
mismuna fólki eftir þjóðerni. Ég vís-
aði meðal annars í dóm Evrópudóm-
stólsins um spænskt tilvik. Þegar ég
var tilbúinn með tilmælin staðfesti
forstjórinn bæði á fundi og í tölvu-
pósti að þau myndu láta af þessu.“
Grímur Sæmundsen staðfesti í
samtali við DV að Vinaklúbbur Bláa
lónsins væri einungis fyrir fólk með
íslenskar kennitölur en þvertók fyrir
að um tvöfalda verðlagningu væri að
ræða.
En þegar allir þeir sem eru með ís-
lenska kennitölu geta gengið í klúbb-
inn og fengið að borga 1.950 krónur á
meðan enginn útlendingur hefur kost
á því, er þá hægt að skilja það öðru-
vísi en að um tvöfalda gjaldskrá sé
að ræða? „Nei, þetta er bara eins og
í öllum rekstri að menn eru með ein-
hverja vildarklúbba og tímabundin
tilboð.“ Það er varla hægt að neita því
að með þessu séuð þið hreinlega að
mismuna fólki eftir þjóðerni? „Jú, jú,
það er bara alveg hægt. Það er bara
ein gjaldskrá í Bláa lónið og það er
bara þannig.“ Hann segir Vinaklúbb-
inn ekki eiga að hamla því að erlendir
gestir sem vilja vera í Vinaklúbbnum
gætu verið þar, án þess að rökstyðja
það neitt frekar.
Blankir fari annað
Erlendur maður hringdi í afgreiðslu
Bláa lónsins stuttu áður en blaða-
maður ræddi við Grím. Maðurinn
spurði hvort hann gæti fengið afslátt
í Bláa lónið og var tjáð að hann fengi
tíu prósenta afslátt ef hann kæmi
með hóp sem teldi yfir tíu manneskj-
ur. Maðurinn sagðist hafa heyrt um
Vina klúbbinn og spurði hvort hann
gæti fengið að vera með í honum svo
hann gæti borgað 1.950 krónur eins
og Íslendingar. Honum var tjáð að
hann þyrfti íslenska kennitölu til þess.
Eftir nokkra rökræðu þar sem
maðurinn hélt því fram að slík mis-
munun hlyti að vera ólögleg fékk
hann samband við markaðssvið fyrir-
tækisins. Honum var sagt að Bláa lón-
ið væri með sérstakt verð fyrir íbúa á
Íslandi. Það væri þekkt aðferð í mark-
aðsfræði að stíla inn á ákveðna mark-
hópa með sérstök tilboð. Þegar mað-
urinn sagðist ekki hafa efni á því að
borga 4.800 krónur fyrir að fara í Bláa
lónið var honum sagt að fara eitt-
hvert annað. Þegar hann spurði hvort
markaðsstjórinn vissi að slík viðskipti
væru aðallega stunduð í löndum
þriðja heimsins, svo sem Kambódíu
og á Indlandi, og að þau þekktust vart
í hinum vestræna heimi var honum
svarað: „Og er það vont? Er Kambódía
eitthvað verra land en Ísland?“
n Útlendingar borga miklu meira en Íslendingar í Bláa lónið
n Sögð vera ólögmæt og óbein mismunun n Forstjóri neitar
Útlendingar
borga meira
„Ég tel það ólög-
mætt ef fyrir-
komulagið er svona, ef
þetta er óbein mismunun
eftir þjóðerni.
Jón Bjarki Magnússon
blaðamaður skrifar jonbjarki@dv.is
Borga meira en tvöfalt Fólk sem er ekki með íslenska kennitölu þarf að borga 4.800
krónur í Bláa lónið á meðan Íslendingar geta skráð sig í svokallaðan Vinaklúbb og borgað
1.950 krónur.
ferðalagið byrjar
í vegahandbókinni
Ómissandi ferðafélagi
allt í einni bók
fullt verð 4.990 kr
1000 kr. afsláttur ef þú
kemur með gömlu bókina
Einungis hægt að skipta í bók
abúðum
(ekki á bensínstöðvum)
Hljóðbók
arnar Jónsson
les 19 þjóðsögur
nýr ítarlegur
hálendiskafliHandhægt ferðakort
Vegahandbókin - Vesturhlíð 7 - Sími 5622600
farið með svarið í ferðalagið
Hafsjór af fróðleik
um land og þjóð
skoðið nýju heimasíðuna - vegahandbokin.is