Dagblaðið Vísir - DV - 24.06.2011, Blaðsíða 8
8 | Fréttir 24.–26. júní 2011 Helgarblað
Séra Kristín Þórunn Tómasdóttir upplifir heilmikið ofbeldi í nafnlausu bréfi:
Leitaði til lögreglu vegna hótana
„Maður upplifir heilmikið ofbeldi
þegar maður fær svona bréf með rógi
og hótunum. Það í sjálfu sér er að
beita aðra manneskju ofbeldi,“ segir
séra Kristín Þórunn Tómasdóttir, hér-
aðsprestur í Kjalarnessprófastsdæmi,
sem hefur leitað til sérfræðinga hjá
lögreglunni til að komast að því hver
stendur á bak við nafnlausan tölvu-
póst sem henni barst fyrir skömmu.
„Ég athugaði hvaða leiðir væru
færar til að komast að því hver væri
á bak við þetta póstfang og talaði við
sérfræðinga í því samhengi,“ segir séra
Kristín í samtali við DV.is um málið en
höfundur bréfsins skrifar undir dul-
nefninu Eðvald Eðvaldsson. Hann
skrifar séra Kristínu bréf vegna þess að
Kristín fagnaði skrifum Arnar Bárðar
Jónssonar, sóknarprests við Neskirkju,
sem kallaði eftir því að séra Karl Sigur-
björnsson biskup myndi segja af sér.
Kristín Þórunn segist hafa fagnað
skrifum Arnar á lokuðum tölvupóst-
lista presta á þeim forsendum að hann
væri að halda umræðunni um skýrslu
rannsóknarnefndar kirkjuþings á lofti
í þjóðfélaginu. Kristín segir markmið
bréfritarans vera að þagga niður um-
ræðuna. „Og hann beitir nafnlausum
hótunum til þess og það eru vinnu-
brögð sem við fordæmum og tökum
ekki þátt í,“ segir Kristín Þórunn.
Séra Kristín segir bréfið enda á hót-
un um að sá sem skrifi bréfið ætli sér
að gerast nærgöngull við hana. „Hann
orðar það þannig að hann ætli að velja
tíma sem komi sér ekki vel fyrir mig
og endar svo á þessari dásamlegu til-
vitnun í Biblíuna: Auga fyrir auga. Það
var ekki gaman að fá það. Þess vegna
vil ég vita hvaða leiðir eru færar til að
komast að því hver sé á bak við þetta,“
segir Kristín Þórunn.
Hún segir að sá sem skrifar bréfið
vilji að hún haldi að hann sé prestur.
„Bréfið sem var sent til mín var pers-
ónulegra og meira haturskennt og
sprottið upp úr vondum tilfinningum.
Sá sem skrifar bréfið vill að ég haldi að
þetta sé prestur. Hann segir við prest-
ar og eitthvað svona. En ég er ekki viss.
Ég held reyndar að þetta geti verið
einhver sem ekki er prestur, en ég veit
það ekki,“ segir séra Kristín en bréfið
til hennar hefst á orðunum: „Ég var
hugsi eftir að lesa þessa grein þína á
prestalistanum.“
birgir@dv.is
„Við fengum engar útskýringar. Eng-
ar upplýsingar. Enga tilkynningu um
réttarstöðu – ekki neitt,“ segir Stein-
ar Kristinsson listamaður. Eldur kom
upp í íbúð Steinars við Skúlagötu að-
faranótt 17. júní. „Nærri allt sem ég
er búinn að teikna síðustu tuttugu ár
er farið,“ segir Steinar en gífurlegar
skemmdir urðu á íbúðinni. Í kjölfar
eldsvoðans var hann fluttur á slysa-
deild ásamt vinkonu sinni, sem var
með honum í íbúðinni. Þegar á slysa-
deildina var komið gaf rannsóknar-
lögreglumaður sig á tal við Steinar. „Í
fyrstu var hann mjög hugulsamur. En
svo allt í einu umturnast viðmótið og
við enduðum nóttina í fangaklefa.“
Allt tiltækt slökkvilið á staðinn
Bruninn varð um hálf tvö leytið. Stein-
ar kom heim ásamt vinkonu sinni um
korter yfir eitt. „Allt í einu sá ég hvar
það virtist vera glóð í rúminu,“ seg-
ir Steinar. Hann tók þá upp sængina
og ætlaði að kæfa eldinn með henni.
„Allt í einu blossaði upp stór eldur og
þykkan reyk lagði um íbúðina,“ segir
Steinar en hann sótti slökkvitæki og
tæmdi það á eldinn. Það bar lítinn ár-
angur. Þau forðuðu sér út og allt til-
tækt lið slökkviliðsins var kallað til.
Þau voru sett í blóðrannsókn í kjöl-
far brunans til þess að athuga hvort að
þeim hefði orðið meint af. Eftir nokk-
urra tíma rannsóknir var þeim gert
ljóst að þau væru ekki með reyk eitrun
og að þau mættu halda heim á leið.
„En skyndilega kemur rannsóknar-
lögreglumaðurinn að okkur, frekar
skrýtinn á svip og spyr hvort að við
hefðum verið að drekka,“ segir Stein-
ar. „Ég svara játandi, að við hefðum
fengið okkur nokkra bjóra um kvöld-
ið. Þá umturnast viðmótið. Okkur
er sagt að við séum á leiðinni upp á
stöð.“ Þegar Steinar spyr af hverju svo
sé fær hann einfalt svar: „Rannsókn-
arhagsmunir.“
Forsvarsmenn lögreglunnar á
höfuðborgarsvæðinu gátu ekki gefið
svör um málið þegar DV hafði sam-
band.
Komið fram við þau
„eins og sauðfé“
„Á lögreglustöðinni er tekið á móti
okkur eins og við séum glæpamenn.
Við fáum engar útskýringar, engar
upplýsingar, enga tilkynningu um
réttarstöðu, ekki neitt,“ segir hann.
„Það er eitt að setja mann inn í klefa,
en það er lágmark að láta fólk vita af
hverju svo sé.“
Hann segir starfsfólk lögreglunn-
ar hafa sýnt ekkert nema hroka og
yfirlæti. „Það kom fram við okkur
með yfirdrifnum hroka – eins og við
værum sauðfé,“ segir hann og kveðst
hafa verið misboðið vegna harð-
neskjulegrar meðferðar. „Ég sagði
við eina konu þarna: „Viltu sýna mér
smá virðingu. Ég var að missa húsið
og veit ekki neitt hérna,“ segir Steinar.
Kaldur og hrakinn í klefa
„Ég er settur inn í klefa, ber að ofan í
rifnum buxum eftir eldsvoðann. Þar
sit ég til klukkan ellefu um morgun-
inn,“ segir Steinar. Þá segist hann
hafa beðið lögregluna um að láta að-
standendur hans vita að hann hafi
verið hnepptur í varðhaldi, en það
hafi ekki verið gert. „Þeir létu ekki
neinn vita af mér. Ég fékk enga áfalla-
hjálp. Ég fékk ekki að þvo mér og fékk
engan mat.“
Steinar fór í yfirheyrslu klukkan
ellefu og svo aftur nokkrum tímum
síðar. Um þrjúleytið á 17. júní var
honum svo loks sleppt, en hann veit
ennþá ekki af hverju hann var settur
í varðhald.
Virkur í hreyfingu anarkista
En Steinar telur að harkaleg viðbrögð
lögreglu tengist hugsanlega aðild
hans að óformlegum hópi anarkista
hér á landi. „Ég er búinn að vera ansi
mikið í mótmælum og aðgerðum
undanfarið,“ segir hann en hann tek-
ur fram að hann sé með hreint sakar-
vottorð. „Ég var margoft spurður út í
anarkistahópinn í yfirheyrslunum.“
Þá er hann búinn að hafa samband
við lögmann sem fer yfir mál hans og
mun láta hann vita eftir helgi hvort
tilefni sé til þess að kæra lögregluna
vegna málsins. „Ég hef ekki orðið var
við að fólki sé grýtt inn í klefa að til-
efnislausu,“ segir Steinar en telur verst
að hann hafi verið látinn sitja í algjörri
óvissu um meinta sök sína.
„Viltu sýna mér
smá virðingu? Ég
var að missa húsið og veit
ekki neitt.
n Missti allt í eldsvoða n Látinn dúsa allslaus í fangaklefa n Viðmót lög-
reglumanns umturnaðist n „Ég var margoft spurður út í anarkistahópinn“
Símon Örn Reynisson
blaðamaður skrifar simon@dv.is
Fangelsaður
eftir að
heimilið
brann Í varðhald Steinar Kristinsson var settur í varð-hald án nokkurra skýringa eftir að íbúð hans brann.
St. 41-46
Grensásvegur 8 &
Nýbýlavegur 12
Sími 517 2040
Opið
mánud-föstud. 11-18
laugard. 11-16
SKÓMARKAÐUR
St. 40-46
St. 41-50
St. 40-46
St. 41-46
Grensásvegur 8 &
Nýbýlavegur 12
Sími 517 2040
Opið
mánud-föstud. 11-18
laugard. 11-16
SKÓMARKAÐUR
St. 40-46
St. 41-50
St. 40-46
Góðir skór
Gott verð
St. 23-35
kr. 1.995
St. 29-35
kr. 3.895
St. 19-24
kr. 4.595
St. 23-35
kr. 1.995
Fordæmir vinnubrögð
Kristín Þórunn segist fordæma
þau vinnubrögð bréfskrifara að
reyna að þagga niður umræðu
með nafnlausum hótunum.
Innri, sjálfs- og endurskoðunarnefnd:
Besti horfir
inn á við
Innri, sjálfs- og endurskoðunar-
nefnd Besta flokksins sendi frá sér
ályktun eftir langan og auðmjúkan
fund á miðvikudagskvöldið, að því
er segir í tilkynningu frá Heiðu Krist-
ínu Helgadóttur, framkvæmdastjóra
Besta flokksins. Í yfirlýsingunni seg-
ir: „Besti flokkurinn á alltaf að vera á
tánum, tilbúinn að líta inn á við, til-
búinn að viðurkenna misgjörðir og
mikilvægt er að hann sýni æðruleysi
og auðmýkt í sínum störfum.
Þá verður að segjast að stundum
líður Besta flokknum eins og foreldri
sem var að fá unglinginn sinn heim
eftir langa dvöl hjá ömmu og afa. Þótt
amma og afi séu ágætis fólk hafa þau
leyft unglingnum að ráða dálítið ferð-
inni og lítið verið um boð og bönn.
Eftir þannig dvöl tekur því við tímabil
þar sem foreldrið þarf að setja skorð-
ur og taka óvinsælar ákvarðanir. En
það er allt í lagi, enda veit ábyrgt for-
eldri að uppeldið snýst ekki bara um
vinsældir. Besti flokkurinn vill að fólk
sé glatt og kærleiksríkt hvert við ann-
að. Besti flokkurinn er enn að læra og
verður það vonandi alltaf. Batnandi
flokkum er best að lifa.“