Dagblaðið Vísir - DV - 24.06.2011, Blaðsíða 54

Aðeins er rúm vika í að flautað verði
til leiks í opnunarleik Suður-Amer-
íkukeppninnar í knattspyrnu, Copa
America, einnar mestu knattspyrnu-
veislu heims. Keppnin er að þessu
sinni haldin í Argentínu og eru lang-
flestir á því að heimamenn, með alla
sína galdramenn innanborðs, muni
standa uppi sem sigurvegarar. Það er
ljóst að pressan á Sergio Batista, þjálf-
ara argentínska liðsins, er mikil því 18
ár eru frá því að Argentínumenn unnu
síðast. Þá lögðu þeir Mexíkóa í úrslita-
leik í Ekvador árið 1993, 2–1. Brasil-
íumenn þykja einnig sigurstranglegir
en veðbankar eru á einu máli um að
Argentínumenn séu með betri hóp en
Brasilíumenn, þrátt fyrir að þeir síðar-
nefndu hafi unnið keppnina fjórum
sinnum í síðustu fimm tilraunum.
Skynjar pressuna
Batista virðist skynja pressuna því
hann lýsti því í viðtali fyrir skömmu
að liðið myndi aðeins taka eitt skref í
einu. Fyrst þyrfti að klára riðlakeppn-
ina en Argentínumenn eru í riðli
með Bólivíu, Kostaríka og Kólumbíu.
„Helsti keppinautur okkar um efsta
sætið í riðlinum verður Kólumbía. Við
vitum hvernig þeir spila og þeir verða
mjög erfiðir fyrir okkur,“ sagði Batista
og benti á Radamel Falcao, marka-
maskínu Porto, sem þeirra hættuleg-
asta mann.
Miðað við leikmannahóp
Argentínu ætti Batista ekki að hafa
miklar áhyggjur af sóknarleiknum;
Lionel Messi, Carlos Tevez, Gonzalo
Higuain, Angel di Maria, Diego Milito
og Sergio Aguero eru allir í hópnum.
Varnarleikurinn er hins vegar meira
áhyggjuefni eins og Argentínumenn
komust að raun um á HM í Suður-Afr-
íku síðasta sumar.
Brassar líklegir
Brasilíumenn hafa oft verið með
sterkari leikmannahóp en í dag en
þrátt fyrir það munu þeir berjast við
Argen tínumenn um sigur í mótinu.
Mano Menezes, þjálfari Brasilíu, hef-
ur verið gagnrýndur fyrir liðsval sitt
fyrir mótið og virðist mórallinn í bras-
ilíska hópnum oft hafa verið betri.
Marcelo, leikmaður Real Madrid, var
skilinn eftir heima vegna agavanda-
mála og þá bað hinn margreyndi
Kaka um frí til að jafna sig betur af
meiðslum sem hafa plagað hann í
vetur. Menezes virðist hafa litla þol-
inmæði fyrir prímadonnu stælum í
brasilíska hópnum ef marka má við-
tal við hann fyrir skemmstu: „Fyrir
mig og alla Brasilíumenn er fótbolt-
inn það mikilvægasta. Við höfum
farið í gegnum erfitt tímabil þar sem
leikmenn hafa forðast að spila fyrir
landsliðið. Það verður ekki liðið. Ef ég
myndi láta það viðgangast myndi það
ekki enda vel.“
54 | Sport 24.–26. júní 2011 Helgarblað
Stjörnur
munu fæðaSt
n Aðeins vika í Copa America n Flestir spá Argentínu sigri en Brasilíumenn eru líklegir
n Útsendarar stærstu liða heims munu fylgjast spenntir með framtíðarstjörnum
Einar Þór Sigurðsson
blaðamaður skrifar einar@dv.is
neymar
Aldur: 19 ára. Land: Brasilía.
Staða: Framherji. Félagslið: Santos
n Sparkspekingar hafa keppst við að
lofa þennan gríðarlega efnilega fram­
herja sem leikur enn í heimalandinu.
Neymar á fimm landsleiki að baki
með Brasilíu og hefur skorað í þeim
þrjú mörk. Stórlið um alla Evrópu
munu fylgjast vel með leikmanninum
á mótinu en leikmaðurinn hefur verið
orðaður við Chelsea, Real Madrid og
nokkur félög á Ítalíu. Neymar er ekki
hár í loftinu, 175 sentímetrar, en þykir
gríðarlega útsjónarsamur, fljótur og
teknískur leikmaður. Hefur skorað 27
mörk í 64 leikjum með Santos. javier Pastore
Aldur: 22 ára. Land: Argentína. Staða: Sókn­
djarfur miðjumaður. Félagslið: Palermo
n Javier Pastore þykir með þeim efnilegri
sem komið hafa fram á sjónarsviðið í
Argentínu á undanförnum árum. Þessi
hávaxni miðjumaður lék sinn fyrsta lands­
leik fyrir Argentínu í fyrra og var í HM­hópi
Diego Maradona í Suður Afríku síðasta
sumar. Hann spilaði að vísu lítið og kom
inn á sem varamaður í tveimur leikjum í
riðlakeppninni. Hann mun líklega spila
stærra hlutverk í Copa America í sumar
og skapa færi fyrir heilögu þrenninguna
fyrir framan; Lionel Messi, Carlos Tevez og
líklega Gonzalo Higuain.
abel Hernandez
Aldur: 20 ára. Land: Úrúgvæ.
Staða: Framherji. Félagslið: Palermo
n Abel Hernandez er talinn í hópi efnilegustu
leikmanna Úrúgvæ og hefur byrjað feril sinn
með landsliðinu glimrandi vel. Tvö mörk í
fyrstu fjórum leikjunum bera vott um það.
Hernandez er gríðarlega kraftmikill og fljótur
sóknarmaður sem leikur með Palermo á Ítalíu
rétt eins og Javier Pastore. Þrátt fyrir að vera
afar efnilegur verður erfitt fyrir Hernandez að
fá sæti í byrjunarliði Úrúgvæ á mótinu í sumar.
Fyrir í hópnum eru ekki ómerkari framherjar en
Diego Forlán, Edinson Cavani og Luis Suarez.
Hernandez mun þó örugglega fá tækifæri til
að láta ljós sitt skína.
alexis Sanchez
Aldur: 22 ára. Land: Chíle. Staða: Miðju­
maður/framherji. Félagslið: Udinese
n Það er á mörkunum að hægt sé að tala
um Sanchez sem stjörnu framtíðarinnar þar
sem hann hefur nú þegar slegið í gegn, bæði
með félagsliði sínu og landsliði. Sanchez var
tiltölulega óþekktur fyrir HM í Suður­Afríku
í fyrra en frammistaða þessa 22 ára leik­
manns á mótinu var mögnuð. Talið er að
stórlið Barcelona sé við það að ganga frá
kaupum á honum frá Udinese en fleiri stórlið
á borð við Manchester United og Inter hafa
sýnt honum mikinn áhuga. Sanchez hefur
leikið 37 landsleiki fyrir Chíle þrátt fyrir
ungan aldur.
Lucas moura
Aldur: 18 ára. Land: Brasilía. Staða: Sókn­
djarfur miðjumaður. Félagslið: Sao Paulo
n Þessi ungi en smávaxni sókn djarfi miðju­
maður þykir mikið efni og hefur verið orð­
aður við ýmis evrópsk stórlið, meðal annars
Liverpool og Juventus. Emerson, fyrrverandi
leikmaður Juventus og brasilíska landsliðs­
ins, hefur mikið dálæti á leikmanninum og
lét hafa það eftir sér að Juventus ætti frekar
að kaupa Lucas en Neymar hjá Santos.
Verðmiðinn sem forsvarsmenn Sao Paulo
setja á hann er verulegur, eða 70 milljónir
punda. Lucas mun örugglega fá tækifæri
með Brasilíu í sumar þótt hann verði ekki í
lykilhlutverki. Hann hefur spilað þrjá lands­
leiki fyrir Brasilíu en er fastamaður í sterku
liði Sao Paulo í Brasilíu.
Lykilmaður Lionel Messi er lykillinn að sigri Argentínu
í Copa America í sumar. Hann hefur þó aðeins skorað 17
mörk í 56 landsleikjum með Argentínu. Myndir reuterS
A-riðill
Argentína, Bólivía, Kostaríka og
Kólumbía
B-riðill
Brasilía, Ekvador, Paragvæ og
Venesúela
C-riðill
Chíle, Mexíkó, Perú og Úrúgvæ
riðlarnir
2007
Brasilía
2004
Brasilía
2001
Kólumbía
1999
Brasilía
1997
Brasilía
1995
Úrúgvæ
fyrri sigurvegarar
„Fyrir mig og alla
Brasilíumenn er
fótboltinn það mikilvægasta.
Við höfum farið í gegnum erfitt
tímabil þar sem leikmenn hafa
forðast að spila fyrir landsliðið.
Það verður ekki liðið.
Paddypower.com:
1. Argentína 5/6
2. Brasilía 2/1
3. Úrúgvæ 9/1
4. Chíle 12/1
5. Paragvæ 25/1
Betsson.com
1. Argentína 2.00
2. Brasilía 2.90
3. Chíle 10.00
4. Úrúgvæ 10.00
5. Paragvæ 15.00
William Hill:
1. Argentína 1/2
2. Brasilía 7/4
3. Úrúgvæ 9/1
4. Chíle 11/1
5. Paragvæ 16/1
Hvað segja veðbankarnir?