Dagblaðið Vísir - DV - 30.09.2011, Page 7
Hennar tími er kominn
Ég vil benda á að Hagsmunasamtök heimilanna standa nú fyrir
undirskriftarsöfnun þar sem krafist er afnáms verðtryggingar og réttlátra,
almennra leiðréttinga á lánum heimilanna, bæði gengis og verðtryggðra og
vil ég hvetja alla þá er styðja þessar heilbrigðu kröfur að skrifa undir á www.
heimilin.is og mæta á stefnumót við stjórnvöld á Austurvelli kl. 10 um morguninn laugardaginn 1.
október.
Undirritaður fylgist spenntur með hvort nafn Jóhönnu Sigurðardóttur sem nú er forsætisráðherra,
komi ekki fyrir á lista undirskriftasöfnunarinnar og hvort hún sér ekki sóma sinn í því að taka við
undirskriftarlistanum með langt yfir 30.000 nöfnum á Austurvelli hinn 1. október við setningu
Alþingis eins og hún er búin að fá boð um. Kannski er hennar tími bara liðinn, hver veit.
Vilhjálmur Bjarnason
ekki fjárfestir heldur fjölskyldufaðir í Hafnarfirði.
Fundarlaun
P.S. Fundarlaunin eru afnám verðtryggingar heimilislána.
Óbreytt alþingiskona að nafni Jóhanna Sigurðardóttir skrifaði eftirfarandi grein í Morgunblaðið árið 1996 þar sem hún ásakar þáverandi ríkisstjórn fyrir að vera fasta í gamla verðbólgu
hugsunarhættinum. Hún sagði efnahagsleg rök og sanngirni mæla með algeru banni á verðtryggingu
á lánum til heimilanna. Henni finnst fáránlegt að grænmetisverð hækki höfuðstól lána heimilanna.
Hún var þá nýlega búinn að segja þessi fleygu orð: Minn tími mun koma.
Undirritaður tekur nánast undir hvert einasta orð í greininni og heitir fundarlaunum hverjum þeim
er kann að finna þessa konu – helst fyrir laugardaginn 1. október. Síðast sást til hennar ganga inn í
stjórnarráð Íslands með Steingrími nokkrum Sigfússyni fyrir rúmum tveimur árum.