Fréttatíminn - 27.11.2015, Side 26

Við fjármögnum kröfur og bætum sjóðstreymið
Faktoría er framsækið fjármálafyrirtæki sem skapar ný tækifæri í fjármögnun fyrirtækja og liðkar fyrir
rekstri þeirra með betra fjárstreymi. Við auðveldum fjármögnun í gegnum útistandandi viðskiptakröfur
sem minnkar óvissu um greiðsluflæði og gerir reksturinn þægilegri.
Nánari upplýsingar á faktoria.is
LEIÐIN AÐ EINFALDARI
FJÁRMÖGNUN
Hlíðasmári 4 | 201 Kópavogi | 415 8900 | faktoria@faktoria.is
KRINGLUNNI 2. HÆÐ | HAGKAUPSHÚSINU, SKEIFUNNI
| SPÖNGINNI, GRAFARVOGI | SMÁRALIND, 1 HÆÐ.
Nú getur þú skipt um framhlið umgjarðarinnar
og breytt þannig um útlit - allt eftir þínu skapi!
Gylfaflöt 7 112 Reykjavík 587 8700 krumma.is
LEIKFÖNGIN
FÆRÐU Í
KRUMMA
KÍKTU Á VEFVERSLUN
KRUMMA.IS
viðmóti hjá kerfinu þegar ég var
að sækja um leikskóla og annað og
fékk oftar en ekki þá spurningu
hvers vegna móðirin væri ekki
með börnin. Svaraði þá gjarna á
þá leið að ég væri foreldri þeirra
líka en það mætti ekki miklum
skilningi.“
Mikael talar mikið um það í bók-
inni að mamma hans hafi horfið,
hvarf hún alveg út úr lífi ykkar?
„Hún hvarf smá tíma í skemmtana-
lífið en svo giftist hún mjög góðum
manni og byrjaði aftur í Vottunum
og þá varð þetta svolítið erfitt
fyrir strákana. Það liðu stundum
nokkrar helgar sem áttu að vera
mömmuhelgar sem heyrðist ekk-
ert frá henni, það komu hvorki
frá henni afmælis- né jólagjafir og
ég held að strákarnir hafi tekið
það mjög nærri sér. En ég ásaka
hana ekki, mér fannst fólk vera
mjög dómhart og leiðinlegt við
hana vegna þessa en mér finnst
engin ástæða til þess að ætla að
allar konur séu fyrir börn. Það eru
margar þeirra sem kæra sig ekk-
ert um að eiga börn en samfélagið
heimtar að þær séu allar fullar
af móðurlegum tilfinningum. Ég
held það hljóti að vera mjög erfitt
að mæta því viðhorfi og mér finnst
það ranglátt.“
Flagari og fyllibytta?
Í bókinni er Torfa lýst sem hálf-
gerðum flagara og fyllibyttu, sam-
þykkir hann þá lýsingu? „Já, já,
ég var það. Vottar Jehóva segja
að ef menn fari úr söfnuðinum sé
eins og djöfullinn taki sér bólfestu
í þeim og þeir verði lauslátir og
drykkfelldir. Áður en ég fór í Vott-
ana var ég náttúrulega á sjónum,
var á varðskipinu Óðni í þrjú ár
og þá vorum við fjórtán daga úti á
sjó og svo fullir þegar við vorum í
landi, það þótti bara eðlilegt. Hins
vegar seig á ógæfuhlið hjá mér í
drykkjuskapnum og það kom að
því að Mikael var farið að blöskra,
enda var ég þá farinn að drekka
lítra af Vodka á dag, þannig að
hann skráði mig í meðferð, keyrði
mig upp á Vog og ég hef ekki
drukkið síðan.“
Torfi er búddisti til margra ára
og segir það hafa verið reglurn-
ar um fullkominn heiðarleika
sem drógu hann að þeim trúar-
brögðum. „Heiðarleikaprógramm-
ið gengur út á það að ljúga ekki og
reyna ekki að vera betri en maður
er. Mér hefur stundum verið legið
á hálsi fyrir að vera of opinskár
um mitt líf, en ég er að verða 65
ára gamall núna í desember og
það væri fáránlegt ef ég gengist
ekki við því að hafa lifað þessu lífi
eins og ég hef gert. Mikael finnst
allavega interessant að skrifa um
það, þannig að það hefur þá haft
einhverja merkingu. Bókin hans,
Heimsins heimskasti pabbi, er
auðvitað að hluta til um mig og
mér finnst bara fínt að taka þann
titil af herðum allra hinna pabb-
anna.“
Spurður hvort samband þeirra
feðga hafi ekki á köflum verið
stormasamt, harðneitar Torfi því.
„Það er einhver misskilningur í
Mikka, hann heldur að hann hafi
verið svo erfiður unglingur en
mér fannst það alls ekki. Ég segi
reyndar alltaf að strákarnir hafi
mestmegnis alið sig upp sjálfir
og ef hann hafi eitthvað yfir upp-
eldinu að klaga þá geti hann bara
kennt sjálfum sér um. Þeir gengu
mikið til sjálfala, eins og börn
gerðu gjarna á þeim tíma en svo
fóru þeir alltaf í sveit á sumrin og
ég held að það hafi þroskað þá
mikið. Þeir komu að minnsta kosti
alltaf mun gáfaðri og yfirvegaðri
úr sveitinni á haustin heldur en úr
skólanum á vorin.“
Heimska að mótmæla ekki
læknum
Ég spyr Torfa hvort hann sé alveg
sáttur við það að sonur hans sé
að nota ævi föðurins sem uppi-
stöðu í bækur og hann fullyrðir að
hann sé pollsáttur. „Ef það gerir
það að verkum að hann skrifi betri
bókmenntaverk, þá bara fyrir
alla muni. Ég held ég sleppi nú að
mestu í næstu bók, en er ekki viss.
Ég verð kannski vondi pabbinn
sem sendir börnin í sveit á sumrin,
það kemur í ljós. Það verður spenn-
andi að sjá hvernig hann heldur
þessu áfram.“
Það er komið að lokum þessa
spjalls en einnar spurningar er
óspurt: Er Torfi sáttur við þá
ákvörðun að neita blóðgjöfinni
sem fullyrt var að myndi bjarga lífi
sonar hans? Hvernig myndi hann
bregðast við í dag? „Ég myndi
aldrei, sama hvort ég væri Vottur
Jehóva eða ekki, taka allt gott
og gilt sem læknarnir segðu, ég
myndi alltaf rökræða við þá og vilja
fá að vita hvers vegna og hvað. Það
er alveg 100%. Þannig að í sjálfu
sér finnst mér ég ekkert hafa gert
rangt í þeim efnum. Við eigum
ekki að láta vaða yfir okkur eins
og læknastéttin gerði á þeim tíma.
Núorðið er sem betur fer hægt að
rökræða við lækna, þeir eru ekki
guð almáttugur eins og þeir voru,
og að sjálfsögðu eigum við að vera
gagnrýnin á það sem þeir stinga
upp á. Annað væri mun meiri
heimska en að aðhyllast ákveðin
trúarbrögð.“
Friðrika Benónýsdóttir
fridrika@frettatiminn.is
26 viðtal Helgin 27.-29. nóvember 2015