Dagblaðið Vísir - DV - 03.05.2013, Blaðsíða 8

8 Fréttir 3.–5. maí 2013 Helgarblað
n Leikarinn Damon Younger segist hafa kýlt mann í sjálfsvörn
„Ég legg þetta
bara í dóm“
É
g held það viti hálf þjóðin að ég
geng undir því nafni,“ svaraði
leikarinn Ásgeir Þórðarson,
betur þekktur sem Damon
Younger, þegar ákæruvaldið
spurði hvort hann í héraðsdómi á
fimmtudag hvort hann gengi undir
því í nafni. Virtist leikarinn hálf
hneykslaður á spurningunni.
Í héraðsdómi fór fram framhald
aðalmeðferðar í líkamsárásarmáli
gegn Damon. Honum er gefið að sök
að hafa slegið karlmann í höfuðið
fyrir utan skemmtistaðinn Kaffibar­
inn aðfaranótt 17. ágúst árið 2011
svo hann féll í götuna. Við höggið og
fallið hlaut brotaþoli meðal annars
heilahristing, staðbundinn heila­
áverka, rifbrot og mar á augnloki.
Damon hefur bæði í skýrslutök­
um og við meðferð málsins borið
fyrir sig að brotaþoli hafi átt upptök­
in af ryskingum á milli þeirra og hafi
átt fyrsta höggið.
Brotaþoli blandaði sér í samtal
Vitni sem gaf símaskýrslu fyrir
dómi lýsti því sem fyrir augu hans
bar þetta kvöld. Sagðist vitnið bæði
vera vinur brotaþola og kunningi
Damon.
Upphafið af ryskingunum má
rekja til þess að brotaþoli blandaði
sér í samtal Damon og stúlku á reyk­
svæðinu á Kaffibarnum snemma
umrætt kvöld. Vitnið sagði það hafa
farið fyrir brjóstið á Damon þegar
stúlkan fór að ræða við brotaþola og
í kjölfarið hófust strákalæti á milli
þeirra. Vitnum ber ekki saman um
hvort brotaþoli hafi slegið til Damon
en sjálfur segist hann hafa fengið
eitt högg frá honum í andlitið. Önn­
ur vitni sögðu hann hafa talað um
það síðar um kvöldið að hann skuld­
aði brotaþola högg.
Sagði Facebook-skilaboð slitin
úr samhengi
Vitnið sagðist hafa reynt að fá
Damon til að sættast við brotaþola
sem hafi ekki tekið vel í það. Fór
vitnið fljótlega heim á leið en brota­
þoli varð eftir á barnum. Það næsta
sem vitnið frétti af vini sínum var
að hann lægi illa haldinn fyrir utan
Kaffibarinn eftir barsmíðar.
Sagðist vitnið hafa hringt strax í
Damon því hann grunaði að hann
hefði átt hlut að máli. Var Damon
þá mjög æstur og viðurkenndi að
hafa lamið brotaþola. Vitnið sagði
Damon einnig hafa sent sér skila­
boð á Facebook snemma morgun­
inn eftir þar sem hann sagði brota­
þola hafa átt þetta skilið.
Voru umrædd skilaboð lögð fyrir
dóminn en Damon sagði þau vera
slitin úr samhengi og að augljóslega
væri um að ræða svar við spurningu.
Hann virtist þó ekki muna frekar eft­
ir þessum samskiptum við vitnið.
„Ég veit ekki í hvaða samhengi þetta
er,“ svaraði hann aðspurður. Þá
mundi hann heldur ekki eftir sím­
talinu við vitnið um nóttina.
Damon bað um sjúkrabíl
Annað vitni hafði svipað sögu að
segja að um upphaf ryskinganna,
sá var starfsmaður á Kaffibarnum
þegar atvikið átti sér stað og er vinur
brotaþola. Hann sagðist hafa fund­
ið að málin væru ekki útkljáð á milli
Damon og brotaþola og það hefði
verið spenna í loftinu.
Fram kom fyrir dómi að Damon
hefði yfirgefið Kaffibarinn fljótlega
eftir ryskingarnar og farið á ann­
an bar. Hann hafi hins vegar snúið
aftur skömmu eftir lokun til að út­
kljá málin við brotaþola.
Starfsmaðurinn sat með brota­
þola inni á barnum eftir lokun
staðarins en skrapp út til að reykja.
Þegar hann kom til baka var brota­
þoli horfinn. Skömmu síðar reif
Damon hins vegar upp hurðina og
sagði að það þyrfti að hringja að
sjúkrabíl því hann væri búinn að
rota mann fyrir utan.
Hneykslaður yfir orðinu „hefnd“
Verjandi Damon gerði lítið úr áverk­
um brotaþola í munnlegum mál­
flutningi sínum og gerði mikið úr
ölvun hans. Þá sagði hann Damon
hafa mátt þola mikil óþægindi
vegna málsins og hann hefði meðal
annars misst vinnu vegna þess. Verj­
andinn ítrekaði að skjólstæðingur
hans hefði eingöngu verið að verja
sig og krafðist lægstu mögulegrar
refsingar.
Ákæruvaldið benti á að Damon
hefði komið aftur nokkrum klukku­
tímum eftir ryskingarnar og þetta liti
því frekar út fyrir að vera hefnd en
bein sjálfsvörn. Damon virtist bæði
hneykslaður og skemmt yfir því að
orðið hefnd væri notað í þessu sam­
hengi og flissaði örlítið.
Farið var fram á 60 daga skil­
orðsbundið fangelsi og að Damon
greiddi sakarkostnað.
Damon virtist sáttur við
frammistöðu verjanda síns og þegar
dómari spurði Damon undir lok
þinghaldsins hvort hann vildi bæta
einhverju við svaraði hann: „Ég legg
þetta bara í dóm.“
Fór „út að æfa sig“
Damon er hvað þekktastur fyrir
hlutverk sitt sem illmennið Brúnó í
kvikmyndinni Svartur á leik. Hann
hlaut mikið lof gagnrýnenda fyrir
frammistöðu sína og þótti einstak­
lega sannfærandi í hlutverkinu.
Í ljós þessa dómsmáls gegn
Damon er athyglisvert að rifja upp
viðtal við hann í Fréttablaðinu
í mars í fyrra. Þar lýsti hann því
hvernig hann hefði undirbúið sig
fyrir hlutverkið. „Maður þarf bara
að fara út að æfa sig. Þegar maður er
að undirbúa hlutverk er maður ekki
vinsælasti maðurinn í bænum. Ég á
þrjá góða vini sem styðja mig í þessu
og sitja með mér fram á nótt þegar
ég er að æfa mig. Svo biðja þeir mig
um að hætta þegar þetta er komið of
langt,“ sagði hann.
Þá sagðist Damon einnig hafa
fengið hjálp við undirbúninginn frá
lögreglunni og mönnum úr undir­
heimum Reykjavíkur. „Sérsveitar­
menn komu og töluðu við mig og
aðstoðuðu mig mikið. Svo þekki
ég mann sem þekkir mann og hitti
nokkra atvinnukrimma og fékk að
fylgjast með þeim,“ sagði hann.
Tökum á Svörtum á leik lauk í
byrjun júní árið 2011 svo undir­
búningnum fyrir hlutverkið mun
væntan lega hafa verið lokið þegar
líkamsárásin átti sér stað. n
Sólrún Lilja Ragnarsdóttir
blaðamaður skrifar solrun@dv.is
Tók upp nafnið
Damon Younger
Eins fram hefur komið var Damon gefið
nafnið Ásgeir og er hann Þórðarson.
Erlenda nafnið tók hann upp eftir að
hann lauk leiklistarnámi í The Webber
Douglas Academy of Dramatic Art á
Englandi árið 2001. Þegar útskriftin
nálgaðist kallaði skólameistarinn hann
inn til sín og sagði að nú væri kominn
tími til að hann veldi sér leikaranafn.
Hann fengi aldrei vinnu í Englandi sem
Ásgeir Þórðarson. Úr varð að hann tók
upp nafnið Damon Younger.
Segist hafa varið sig
Damon sagði að hann skuldaði
brotaþola högg. Hann kom
aftur nokkrum tímum síðar á
Kaffibarinn til að útkljá málin. „Ég veit ekki
í hvaða sam-
hengi þetta er
Mál Örvars
fellt niður
Embætti ríkissaksóknara hefur
lokið rannsókn á máli Örvars
Geirs Geirssonar, manns sem
kærði lögreglumenn á höfuð­
borgarsvæðinu fyrir ólöglega
handtöku og ólögmæta meðferð
þegar fíkniefni fundust á heim­
ili hans í fyrra. Ríkissaksóknari
telur málið ekki líklegt til sakfellis
og hefur því fellt það niður. Hann
gerir þó nokkrar athugasemdir við
háttalag lögreglunnar.
Í gögnum ríkissaksóknara viður­
kenna lögreglumennirnir að hafa
læst Örvar inni í fangaklefa, klætt
hann úr öllu nema nærfötunum
og tekið teppi út úr klefanum. Þeir
segjast hafa gert þetta tilneyddir
í ljósi þess að Örvar hafi gert sig
líklegan til að svipta sig lífi. Hann
þvertekur hins vegar fyrir það og
segir lögregluna fara með rangt mál.
Þá sakar hann lögreglumennina um
að hafa bleytt sig með köldu vatni,
en þeir segja það aðeins hafa verið
ætlað honum til drykkjar.
Eftir að Örvar tjáði sig nafnlaust
um málið í fjölmiðlum í fyrra var
tekið viðtal við Hörð Jóhannesson,
aðstoðarlögreglustjóra á höfuð­
borgarsvæðinu, í þættinum Reykja­
vík síðdegis á Bylgjunni. Þar svaraði
hann ásökunum kæranda og full­
yrti að Örvar hefði einungis verið
klæddur úr fötunum vegna þess að
hann hafi virst ætla að skaða sjálf­
an sig. Jafnframt hafi hann verið
færður á viðeigandi stofnun. Örvar
kærði Hörð fyrir ærumeiðingar og
í samtali við DV segir hann Hörð
hafa logið blákalt í útvarpinu. Ríkis­
saksóknari telur ekki að í orðum
Harðar hafi falist ærumeiðandi
móðganir eða aðdróttanir en gerir
þó athugasemd við orð hans um
að kærandi hafi verið færður á við­
eigandi stofnun, enda sé þar um að
ræða viðkvæmar persónuupplýs­
ingar. Örvar segir þær ekki eiga sér
stoð í raunveruleikanum.
Ekki reyndist mögulegt að færa
sönnur á málflutning Örvars þar
sem upptökur úr eftirlitsmyndakerfi
lögreglunnar liggja ekki fyrir. Þeim
hafði verið eytt þegar kæran barst
ríkissaksóknara um fjórum mánuð­
um eftir atvikið. Ríkissaksóknari
telur að hugsanlega sé tilefni til að
fara yfir verklag í málum þar sem
fangar eru taldir í sjálfsvígshættu.
Meiri atvinna
við flugvöllinn
Fram kom á aðalfundi ISAVIA,
sem er opinbert hlutafélag í eigu
ríkisins, að afkoma ársins 2012
hafi verið 738 milljónir króna. Fé­
lagið undirbýr nú aukin umsvif á
Keflavíkurflugvelli samhliða því
að farþegafjöldi eykst ár frá ári.
Gert er ráð fyrir að minnsta kosti
fjögurra til fimm milljarða fjár­
festingu næstu tvö ár.
Það fé verður notað til að byggja
upp flugvöllinn, flugstöðina og
ekki síst í endurnýjun á tæknibún­
aði flugleiðsöguþjónustu, eins og
segir í frétt á vef félagsins. Um eitt
hundrað manns muni vinna við
fyrirhugaðar framkvæmdir að jafn­
aði og að framtíðarstörfum muni
fjölga um þrjátíu til sextíu vegna
þessa. Á meðal þess sem fyrirhug­
að er að gera er að koma upp nýrri
fríhafnarverslun.