Dagblaðið Vísir - DV - 03.05.2013, Blaðsíða 52

40 Lífsstíll 3.–5. maí 2013 Helgarblað
Gömul og gild húsráð
n Svona leysir þú algeng vandamál á heimilinu
H
vað skal gera við geitunga­
stungu:
Það er ágætt ráð að setja
sykurmola eða sykur yfir geit­
ungastunguna og setja plástur yfir.
Þetta á að draga úr kláða.
n Tyggjó í hári: Ef tyggjóklessa
lendir í hári er gott að bera olíu í
klessuna og nudda með fingrunum
í dágóða stund. Þannig ættir þú að
sleppa við að klippa tyggjóið úr.
n Fullkomnar ostasneiðar: Gott
er að þrífa ekki ostaskerann eftir
hverja notkun því þá festist osturinn
ekki við og þannig færð þú flottar
sneiðar .
n Vond lykt úr ísskáp: Látið 2–3
matskeiðar af matarsóda standa í
opnu íláti í ísskápnum í sólarhring.
Síðan er strokið úr ísskápnum með
tusku sem búið er væta í ediki.
n Að fjarlægja rispur: Stálull
getur komið að góðum notum til
þess að pússa niður fínni rispur
sem myndast hafa á trégólfi eða
húsgögnum. Pússaðu létt yfir flötinn
í hringlaga strokum og berðu bón á
á eftir.
n Stífar skúffur: Ef skúffan
á gömlu kommóðunni er farin
að standa á sér er gott ráð að
renna kertastubb yfir brautina og
sömuleiðis á raufarnar á skúffunni.
Þetta ætti að gera hana liprari.
n Rauðvínsblettir: Einhvers stað­
ar er það skrifað að besta ráðið til
þess að losna við litinn sem rauðvín
skilur eftir sig, sé að hella hvítvíni
á blettinn. Einnig er ráð að hella
kartöflumjöli yfir blettinn á meðan
hann er blautur og þrífa með vatni á
eftir. Að þrífa blettinn með sóda­
vatni stendur líka alltaf fyrir sínu.
Að skera lauk:
Flestir kannast við táraflóðið sem
fylgir því að skera lauk. Skelltu
lauknum í frysti 15 mínútum áður en
hann er skorinn. Þannig ættir þú að
sleppa við táraflóð við laukskurðinn.
Táfýla:
Er táfýlan að fara með þig? Ef svo er
þá er gott að setja skóna sem lykta í
frysti yfir nótt. Þannig drepast bakt­
eríurnar sem valda óþefnum. n
Reynir
Traustason
Baráttan
við holdið
S
ólin skein í
heiði og mynd­
aði fullkomið
mótvægi við létt
frostið. Við stóðum við
rætur Snæfellsjökuls, þess albúin
að leggja að fótum okkar þennan
mikla útvörð Snæfellsnessins. Við
vorum um það bil 50 saman í rútu.
Hópurinn heitir Framhaldslífið og
tók við af 52ja fjalla hópnum 2012.
Að þessu sinni eru fjöllin helmingi
færri en í mörgum tilvikum tvöfalt
hærri.
Það var vor í lofti þegar hópur­
inn spennti á sig níðþunga bak­
pokana og undirbjó göngu sem fól
í sér 1.100 metra hækkun. En þótt
veðrið væri með blíðasta móti niðri
var fólki ljóst að fenginni reynslu
að skjótt skipast veður í lofti. Fólk­
ið í Framhaldslífinu á að baki mikla
lífsreynslu á fjöllum þar sem of­
viðri hefur tekið við af blíðskapn­
um á augabragði. Og það er þekkt
að í ákveðinni hæð liggja gjarnan
veðraskil.
Margir höfðu hlakkað til ferðar­
innar upp Snæfellsjökull. Þetta
eldfjall ber með sér mikla dulúð
og sumir segja kraft sem markar
mannlífið undir rótum þess. Bóndi
í Staðarsveit fullyrti eitt sinn við mig
að dulmagn jökulsins hefði slík­
an mátt að náttúrulausir gler glærir
skrifstofukarlar í Reykjavík hefðu
fyllst þeirri orku sem þarf til þess
að viðhalda mannkyninu. Aðrar
sagnir herma að í Snæfellsjökli sé
að finna leiðina til helvítis. Sam­
kvæmt þeirri kenningu er gígskálin
með þeim ósköpum að hún endar í
helvíti. Uppgangan gekk fljótt. Fyrr
en varði var tímabært fyrir hópinn
að skipta sér niður í línur. Sprungur
eru í jöklinum og ráðlegt að
hafa öryggið á oddinum.
Þegar komið var
upp í 1.100 metra hæð
var veðrið enn með
besta móti. Það mátti
þó sjá að skýjabakki
nálgaðist jökulinn. Öðru
hverju dró ský fyrir hæstu tindana,
Jökulþúfur. Spennan fór vaxandi.
Var okkur ætlað það óborgan­
lega útsýni sem er af toppnum?
Tíu manns voru í hverri línu. Fyrir
minni fór þingmaðurinn og fram­
bjóðandinn Róbert Marshall sem
á þeirri stundu hafði ekki hugmynd
um hvort hann næði endurkjöri.
Hann geystist áfram með okkur hin
í eftirdragi. Í örstuttum stoppunum
hlúði hann að mögulegum atkvæð­
um og kastaði fram hvatningarorð­
um. Línan okkar fór hraðast yfir.
Það mátti ljóst vera að ef Róbert
næði sama skriði í kosningunum
væri hann hólpinn; sem reyndar
kom á daginn helgina eftir.
Í 1.200 metra hæð mátti öllum
vera ljóst að okkar beið engin sér­
stök veisla fyrir augað á toppnum.
Sorti hafði færst yfir Þúfurnar sem
hurfu smám saman í óveðursský.
Og það var að hvessa. Þingmað­
urinn pjakkaðist áfram í þæfings­
færð með okkur hin í skammtogi.
Frostið fór vaxandi og kuldinn sett­
ist að. Svo vorum við komin upp.
Þingmaðurinn gaf öllum fimmu.
Hann var kominn með okkur lang­
leiðina til helvítis.
Við fundum okkur skjól und­
ir hærri Þúfunni. Menn bættu á
sig skjólklæðum og drukku kaffi
undir gnauðandi vindinum sem
var um 15 metrar á sekúndu með
tilheyrandi kælingu. Þrátt fyrir
allt var það stórkostleg tilfinn­
ing að ná að toppa og komast svo
nærri hinu hrikalega anddyri sem
gat leitt mann á fund hins illa. Ég
ákvað, hríðskjálfandi af kulda og
sælu, að snúa aftur síðar í þeirri
von að fá útsýni sem að sögn slær
flest annað út.
Myndir: Gissur Pétursson
Með þingmanni
til helvítis
Allir allsberir
í garðinum
A
lþjóðlegur garðyrkjudagur
nakta mannsins verður
haldinn í tíunda skiptið nú
um helgina, laugardaginn
4. maí. Talsmenn garðyrkju­
dags nakta mannsins segja að þetta
sé skemmtileg athöfn og afar frjáls­
leg sem allir í fjölskyldunni geti tekið
þátt í.
Öll fjölskyldan án klæða
Talsmenn samtakana segja að fólk ætti
að gera meira af því að vera nakið því
það skapi ekki bara nánd meðal fjöl­
skyldu og vina, heldur sé það vistvænt
líka. Færri þvottavélar í gangi þýðir
vistvænna umhverfi. Ameríkanar hafa
einnig samtök um nakta garðyrkju­
menningu og er haldið upp á daginn
þar í landi þann 14. maí. Kanadamenn
halda þennan dag hátíðlegan þann 1.
júní nú í ár.
Í snertingu við náttúruna
Áhugafólk um þessa menningu segir
það að vera nakið við garðyrkjustörf sé
ekki bara frjálsleg athöfn, heldur setur
hún mann í snertingu við náttúruna í
orðsins fyllstu merkingu. Það þarf að
passa vel að reka ekki afturendann í
gróður sem getur stungið líkamshluta
sem eru viðkvæmir. Það eru fjölmargir
sem hafa yndi af því að vera naktir við
hinar ýmsu athafnir og veigra sig ekki
við því að slá blettinn án klæða fyrir
framan gangandi vegfarendur.
Auðmýkri nakinn en klæddur
Meðlimir þessara samtaka fagna
þessum degi ákaft og hafa hvatt sem
flesta til að klæða sig úr og fara út í
garð á laugardaginn að slá og þrífa
beðin. Samtök áhugafólks um nakta
afþreyingu í Bandaríkjunum mæla
með nekt við fleiri athafnir en garð­
yrkjustörf. Samtökin tala fyrir því að
fólk sé nakið á leikvellinum, í sundi,
við akstur og á ferðalögum svo dæmi
séu tekin. Að þeirra mati er óhollt að
klæðast fötum alltaf, en með því að
vera sem oftast klæðalaus þá verði
maður auðmýkri einstaklingur en sá
sem er heftur í fjötra klæða allan lið­
langan daginn.
Ekki allir ánægðir
Það eru ekki allir sammála um ágæti
þessa dags og hefur skapast umræða
um lögmæti hans. Það er bannað með
lögum að vera nakinn á almanna­
færi og kannski verða fangaklefar yf­
irfullir af berrössuðum einstaklingum
nú um helgina – fólki sem ilmar sem
nýklipptur gróður?
Hér á Íslandi hefur lítið farið fyrir
þessum degi enn sem komið er, en
kannski hefur veðráttan eitthvað með
það að gera? n
n Frjálslegir garðyrkjumenn í snertingu við náttúruna
Íris Björk Jónsdóttir
blaðamaður skrifar iris@dv.is
Notalegt Einhverjir
vilja meina að það sé
dásamlegt að spranga
um nakinn á meðal
vina og fjölskyldu.
Í tengslum við náttúruna
Ameríkanar hafa samtök um
nakta garðmenningu.