Dagblaðið Vísir - DV - 14.06.2013, Blaðsíða 13

É
g er ekkert að hafna því að
þetta atriði sem þú nefn­
ir sé hluti af þeim breyting­
um sem hér hafa verið gerð­
ar á kjörum. Aðalatriðið er að
allir sölumenn auglýsinga hér eru
á afkastatengdum launum og það
er stöðugt í endurskoðun hvað við
teljum að skili bestum árangri í því.
Þetta á bæði við um þær upphæðir
sem eru í ávinning ef tilteknum við­
miðum er náð og hvað sé í frádrátt
ef tilteknum atriðum er ekki náð,“
segir Ari Edwald, forstjóri 365 miðla,
um niðurskurð hjá auglýsingadeild­
um 365 sem ráðist var í í lok síðasta
mánaðar.
Starfsmenn auglýsingadeilda 365
skrifuðu þá undir samninga þess
efnis að ef þeir næðu ekki tilteknum
markmiðum í auglýsingasölunni
myndu grunnlaun þeirra, þau lág­
markslaun sem þeir eru með óháð
því hversu miklum árangri þeir ná
í auglýsingasölunni, lækka á móti.
Heimildir DV herma að breytingin
hafi kveðið á um það að grunn­
launin myndu lækka um 50 þúsund
krónur. Þannig gæti starfsmaður
sem er með 400 þúsund í grunn­
laun farið niður í 350 þúsund krón­
ur ef hann nær ekki ákveðnum ár­
angri. DV hefur heimildir fyrir því
að launalækkunin hafi verið kynnt
þannig að ráðast þyrfti í hana til að
koma í veg fyrir uppsagnir á fimm til
tíu starfsmönnum.
Ekki farið niður fyrir grunn-
tryggingu
Starfsmenn auglýsingadeilda eru oft
á tíðum með launahærri starfsmönn­
um fjölmiðlafyrirtækja og byggja
launin þeirra að mestu leyti á bón­
usum. Þessir starfsmenn eru þó yfir­
leitt með grunnlaun eða tryggingu
sem ekki er árangurstengd. Hjá
365 er nú byrjað að ganga á þessa
tryggingu. „Ég kannast við að við höf­
um verið að gera breytingar sem gera
það að verkum að laun manna lækka
ef tiltekinn árangur í sölu hefur ekki
náðst,“ segir Ari.
Ari segir að hann vilji ekki greina
nákvæmlega út á hvað breytingin
gengur en segir hins vegar að slíkar
breytingar eigi aldrei við um kjara­
samningsbundin laun heldur að­
eins ef laun viðkomandi eru hærri
en kveðið er á um í kjarasamning­
um. „Það er ekki hægt að skerða
einhverjar grunntryggingar. Grunn­
tryggingin er náttúrulega laun sem
ekki má fara undir samkvæmt kjara­
samningum. Við erum þá að tala
um laun sem eru hærri en einhverj­
ar grunntryggingar.“ Á Ara má skilja
svo að breytingin eigi aðeins við um
þá starfsmenn sem eru með hærri
grunnlaun en kveðið er á um í kjara­
samningum.
Ari segir að almennt séð séu
borguð ágæt laun í söludeildum 365.
„En ég vil ekki ræða einhverja þætti
þeirra launagreiðslna í smáatriðum.
Það má jafnvel orða það sem svo að
um hernaðarleyndarmál sé að ræða
hérna í fjölmiðlasamkeppninni.“
Breytingar valda titringi
Breytingarnar á kjörum sölumanna
365 hafa valdið titringi hjá starfsmönn­
um fyrirtækisins, líkt og eðlilegt má
telja miðað við eðli þessara launa­
lækkana. Líkt og kemur fram í máli
Ara er stöðugt verið að gera breytingar
á launakjörum sölumanna 365 sem
miða að því að bæta rekstrarstöðu
365. „Arðsemi“ er eitt af gildum 365
samkvæmt yfirlýstri stefnu fyrirtækis­
ins og er stöðugt verið að endurskoða
starfsemina til að hægt sé að virða það
gildi.
Launalækkunin er liður í tals­
verðum aðhaldsaðgerðum sem ver­
ið hafa hjá 365 það sem af er árinu:
Uppsagnir hafa verið hjá auglýs­
ingadeildum fyrirtækisins á árinu
sem og á Fréttablaðinu þar sem
starfsmönnum hefur fækkað nokk­
uð síðustu mánuðina.n
Laun söLumanna
365 skorin niður
Fréttir 13Helgarblað 14.–18. júní 2013
Vill veita hæli
n Ögmundur vill taka við Edward Snowden
Ö
gmundur Jónasson, fyrirver­
andi innanríkisráðherra vill að
Alþingi veiti Edward Snowden
hæli á Íslandi.
Snowden komst í fréttirnar nýlega
en hann uppljóstraði um PRISM,
njósnavef bandarískra stjórnvalda.
Síðan þá hefur hann verið á flótta
og er í felum. Þó enginn viti hvar
Snowden er niður kominn hefur
hann lýst yfir áhuga á að flýja til Ís­
lands. „Mér finnst sjálfsagt að Ís­
lendingar séu opnir fyrir því að taka
við þessum manni og veita honum
húsaskjól,“ sagði Ögmundur í ræðu á
Alþingi á fimmtudag.
Ögmundur telur auk þess að ís­
lensk stjórnvöld eigi að fara að fyrir­
mynd ESB og fara fram á upplýsingar
um net­ og símanjósnir Bandaríkja­
manna.
Rætt um
flatkökur
„Sérstök pólitísk áhersla á þjóð­
menningu hefur ekki alltaf end­
að vel,“ sagði Guðmundur Stein­
grímsson, þingmaður og annar
af tveimur formönnum Bjartrar
framtíðar, í sérstökum umræðum
um þjóðmenningu sem Katrín
Jakobsdóttir, formaður Vinstri
grænna, efndi til á Alþingi síðast­
liðinn fimmtudag. Vildi Katrín
fá skýr svör við því hvernig ríkis­
stjórnin skilgreindi þjóðmenn­
ingu og hvers vegna til stæði að
færa hana úr mennta­ og menn­
ingarmálaráðuneytinu í forsætis­
ráðuneytið. Furðaði hún sig á því
að færa ætti háskólastofnun á
borð við Stofnun Árna Magnús­
sonar undir forsætisráðherra
og spurði hvort forstöðumenn
þessara stofnana hefðu verið
með í ráðum. Við þeirri spurn­
ingu fengust ekki svör.
Illugi Gunnarsson, mennta­
og menningarmálaráðherra,
sagði að ástæðan fyrir tilfæring­
unum væru sérstakar áhersl­
ur sem ríkisstjórnin ætlaði að
setja á þennan málaflokk. „Það
er ekkert óviðeigandi eða ank­
anna legt með neinum hætti að
forsætisráðherra segi: Ég hef
mikinn áhuga á þessum málum
og vil flytja þau yfir til mín,“ sagði
Illugi og benti á að þegar gerð­
ar voru breytingar á lögum um
ráðuneytin var lagt upp með það
að áherslur ríkisstjórnarinnar á
hverjum tíma mætti endurspegla
með flutningi málaflokka.
Þingmönnum stjórnarand­
stöðunnar líst hins vegar illa á
þessar áherslur. „Þjóðmenn­
ing er mjög óljóst hugtak. Tengsl
mannsins við þjóð sína geta ver­
ið margs konar, stundum falleg
en stundum ekki,“ sagði Guð­
mundur. „Þetta samband hefur
oft verið notað í pólitískum til­
gangi til að móta einhvers konar
pólitíska rétthugsun.“
Sigrún Magnúsdóttir, þing­
maður Framsóknarflokksins,
hélt sína jómfrúarræðu þar sem
hún fullyrti að þjóðmenningin
ætti hvergi betur heima en undir
forsætisráðuneytinu. Sem dæmi
um þjóðmenningu nefndi hún
flatkökur, flatt þunnt brauð og
pönnukökur. „Það er rökrétt að
menningararfinum sé komið fyr­
ir hjá forsætisráðuneytinu,“ sagði
hún og bætti því við að fátt væri
mikilvægara en að standa vörð
um þjóðmenninguna.
n Skrifuðu undir samning þar sem grunnlaun lækka ef þeir selja ekki nóg
Ingi Freyr Vilhjálmsson
fréttastjóri skrifar ingi@dv.is
„Ég kannast við að
við höfum verið að
gera breytingar sem gera
það að verkum að laun
manna lækka ef tiltekinn
árangur í sölu hefur ekki
náðst
Niðurskurður hjá 365
miðlum Ari Edwald stað-
festir að laun sölumanna
auglýsinga á 365 hafi verið ár-
angurstengd þannig að ef þeir
ná ekki tilteknum markmiðum
í sölunni minnki laun þeirra.
Á flótta Edward Snowden uppljóstraði um
PRISM, njósnavef bandarískra stjórnvalda,
og hefur verið fá flótta síðan.