Dagblaðið Vísir - DV - 09.08.2013, Blaðsíða 19

Fréttir 19Helgarblað 9.–11. ágúst 2013
 Óbærilegur hiti Hitinn í Sjanghæ í Kína fór í 41,1 gráðu síðastliðinn þriðjudag og var nánast óbærilegt að vera utandyra þann
daginn. Þessi kona notaði regnhlíf til að verjast sterkum sólargeislunum. Þessi gata er yfirleitt fjölfarin en fáir voru á ferli þennan daginn.
Spáð er áframhaldandi hitabylgju í Sjanghæ og verður hitinn um eða yfir 40 gráður næstu daga.
 Beðið eftir aðstoð Gassprenging varð í íbúðabyggingu í Rosario í Santa Fe-héraði Argentínu á þriðjudag með þeim afleiðing-
um að sex létust og yfir fimmtíu slösuðust – þar af margir alvarlega. Slökkviliðsmenn unnu baki brotnu við að bjarga fólki úr byggingunni en
talið er að margir hafi orðið undir braki þegar hluti byggingarinnar hrundi.
 Barist við elda Skógareldar hafa geisað á Grikklandi undanfarnar vikur og á
mánudag börðust slökkviliðsmenn við elda í nágrenni höfuðborgarinnar Aþenu. Yfirvöld
hafa meðal annars notast við flugvélar og þyrlur til að berjast við eldana og á meðfylgjandi
mynd má einmitt sjá flugvél losa þúsundir lítra af vatni á eldhafið. Að minnsta kosti þrjú hús
hafa orðið eldinum að bráð í bænum Maraþon.
 Má bjóða þér? Mark Post prófessor heldur hér stoltur á fyrsta hamborgaranum
sem búinn var til á tilraunastofu. Borgarinn var búinn til úr stofnfrumum úr kýrvöðva og bragð-
aðist nokkuð vel að sögn þeirra sem fengu að bragða á honum. Hamborgarinn kostaði þó sitt,
eða um 30 milljónir króna, en Mark Post segir að mögulega verði hægt að framleiða kjöt með
stofnfrumum. Það sé hagkvæm leið í baráttunni gegn hækkandi matvælaverði í heiminum.
 Óheppni
Slysin gera svo
sannarlega ekki
boð á undan sér
og það átti við
í tilfelli gröfu-
manns í borginni
Montreal í Kanada í
vikunni. Skyndilega
opnaðist hola (e.
Sinkhole) undir
gröfunni og eins og
sést á meðfylgjandi
mynd fór grafan á
hliðina. Sem betur
fer urðu engin slys
á fólki.
Fréttamyndir vikunnar
Ljósmyndarar Reuters eru alltaf á vaktinni og
fanga myndir af því helsta sem gerist í öllum heims -
hornum. DV birtir hér brot af því besta frá liðinni viku.