Dagblaðið Vísir - DV - 31.01.2014, Blaðsíða 8

8 Fréttir Helgarblað 31. janúar 2014
Trúnaðarmenn
voru flæmdir burt
n Átök og deilur innan Íslenska dansflokksins vinda upp á sig n Fleiri flýja flokkinn
D
V hefur undanfarið fjallað
um átök og vanlíðan inn­
an Íslenska dansflokksins. Í
þriðjudagsblaði DV var sagt
frá því að rekja mætti starfs­
lok að minnsta kostir fimm starfs­
manna dansflokksins til átakanna
og fjallað um þá erfiðu stöðu sem
dansarar og starfsmenn finna sig í.
Nú er komið í ljós að um fleiri starfs­
menn er að ræða og lýsa þeir all­
ir sem áður ótta um vinnuöryggi og
afkomu enda er á Íslandi aðeins rek­
inn einn dansflokkur á vegum hins
opinbera og starfsmannalög gera
brottvikningu forstöðumanna nán­
ast ókleifa.
Vinir segja hana verða fyrir einelti
Í umfjöllun blaðsins kom fram að
tveir vinnustaðasálfræðingar hafi
verið kallaðir að borðinu til þess að
leysa vandann. Nú er komið í ljós að
sá fyrri var kallaður til af listrænum
stjórnanda, Láru Stefánsdóttur.
Sá skilaði ekki skýrslu um málefni
flokksins samkvæmt heimildum DV.
Aðkoma hans var harðlega gagn­
rýnd af starfsmönnum og dönsurum
flokksins.
Sá seinni var kallaður til af ráðu­
neytinu að ósk starfsmanna og
trúnaðarmanna þeirra. Skýrsla hef­
ur verið samin um átökin og starfs­
menn og dansarar flokksins gefið
ítarlega vitnisburði um framkomu
listræns stjórnanda í þeirra garð. Þá
hefur Lára skýrt sín sjónarmið sem
samkvæmt heimildum DV snúa að
því að starfsmenn og dansarar hafi
frá upphafi tekið afstöðu gegn sér
vegna erfiðra ákvarðana og breytinga
sem hún réðst í fyrir rúmu ári og
komu illa við þá. Snúa ákvarðanirn­
ar meðal annars að einni vinsælustu
uppfærslu Borgarleikhússins, Mary
Poppins. Vinir Láru hafa tekið svo
sterklega til orða að það sé reyndar
hún sjálf sem sé lögð í einelti. Tekið
skal fram í þessu samhengi að enn
hefur Lára ekki svarað símtölum
vegna fréttaflutnings DV.
Fá ekki að sjá skýrslu sál-
fræðings – 6 hættir og 3 í leyfi
Þeir dansarar og starfsmenn Ís­
lenska dansflokksins sem blaða­
maður ræddi við deila hart á það að
hafa ekki fengið að sjá skýrslu sál­
fræðingsins og á að Lára Stefáns­
dóttir hafi ekki verið áminnt vegna
framkomu sinnar. Segja þeir áminn­
ingu eina tæki ráðuneytisins og ólíð­
andi að það tæki hafi ekki verið not­
að í þessu tilfelli. „Því er haldið fram
að átökin varði breytingar sem nýr
stjórnandi vill ná fram, það er ekki
rétt og málið varðar ekki eingöngu
dansara flokksins heldur allt starfs­
fólk hans. Lára hefur brotið trúnað
og gert ítrekaðar tilraunir til brota
á kjarasamningum. Á vinnustaðn­
um ríkir óheilbrigt andrúmsloft sem
veldur andlegu álagi sem í kjölfarið
kemur niður á líkamlegri heilsu
starfsfólks,“ segir einn þeirra sem
hefur horfið frá störfum og nefn­
ir að það sé ekki að ástæðulausu að
um þessar mundir séu þrír dansarar
í leyfi og fleiri hringi sig inn veika. Þá
séu þrír dansarar alfarið hættir störf­
um.
„Það eru fleiri en fimm starfs­
menn sem hverfa frá störfum, um er
að ræða sex dansara, þrír eru í tví­
sýnu vegna vanlíðunar og óvissu og
hafa ákveðið að fara í leyfi í þeirri von
að úr ástandinu rætist og þá eru þrír
hættir. Þá hafa þrír almennir starfs­
menn Íslenska flokksins hætt störf­
um alfarið vegna starfa Láru.“
Trúnaðarmenn urðu fyrir árásum
Eftirgrennslan leiðir í ljós að tveir
dansara sem hafa hætt störfum gegndu
starfi trúnaðarmanna. Hlutverk þeirra
var að verja réttindi dansara flokksins.
„Trúnaðarmenn voru persónugerð­
ir og hlutu ólíðandi framkomu í sinn
garð fyrir að verja réttindi dansara
flokksins,“ segir heimildarmaður DV
og nefnir að þeir hafi verið flæmdir
frá störfum með persónulegum árás­
um sem jafna mætti við einelti og gert
ókleift að starfa við dansflokkinn.
Íslenski dansflokkurinn er agnar­
smár vinnustaður og heimildarmað­
ur nefnir að ef til vill geri fáir sér
grein fyrir því að lítið standi eftir af
flokknum vegna átakanna.
Dansarar og starfsmenn spyrja
hvers vegna framkoman sé ekki
nægileg til áminningar. „Það er ekki
hægt að reka embættismenn. Hversu
mikil þarf blóðtaka að vera til að
embættismaður sé látinn fara sam­
anber þann langa lista yfir þá sem
nú þegar eru horfnir á braut sem og
ástand þeirra sem eftir sitja?“ spyr
einn viðmælandi blaðsins.
Tjá sig ekki
Fyrst var sagt af erfiðleikum í Ís­
lenska dansflokknum í Reykjavík
vikublaði. Eins og áður hefur kom­
ið fram gilti einhugur um ráðningu
Láru til flokksins. Hún er einn helsti
danshöfundur landsins og fyrrver­
andi skólameistari Listdansskóla Ís­
lands. Hún var sjálf fastráðin við Ís­
lenska dansflokkinn um árabil og
dansaði þá oft burðarhlutverk í sýn­
ingum flokksins. Hún hefur unnið til
fjölda viðurkenninga og verðlauna
fyrir verk sín og er án efa einn besti
dansari og danshöfundur landsins,
þrátt fyrir að nú knýi erfiðleikar dyra.
Henni er lýst sem ástríðumanneskju
sem brenni fyrir danslistina en erf­
iðara reynist henni að vinna að sam­
skiptum sem einkennast af trausti og
virðingu. Um ráðningu hennar á sín­
um tíma gilti einhugur.
Frumsýningu þurfti að fresta
Mikið hæfileikafólk kemur að næstu
frumsýningu flokksins en þann 3.
febrúar næstkomandi verður frum­
sýndur svonefndur Þríleikur. Frum­
sýning var áætluð fyrr en henni
þurfti að fresta vegna þeirra deilna
sem staðið hafa yfir.
Magnús Ragnarsson, aðstoðar­
maður menntamálaráðherra, segir í
samtali við blaðamann allt gert sem
ráðuneytinu er mögulegt til að finna
farsæla lausn á málinu en baðst eins
og aðrir frá því að tjá sig um mál­
efni starfsmanna flokksins. Slíkt væri
honum ekki mögulegt. Hann sagði
áminningu ekki hafa verið beitt og
að slíkt væri ekki í sjónmáli.
Þunglamalegt kerfi
Í skýrslu ríkisendurskoðunar um
lög um opinbera starfsmenn sem
kom út árið 2011 er gagnrýnt hversu
þunglamalegt kerfið er þegar kemur
að brotum og óhæfi í starfi. Áminn­
ingar séu ekki tæki sem dugi til upp­
sagnar. Embættismenn jafnt sem op­
inberir starfsmenn nytu ríkulegrar
verndar sem geri uppsögn nánast
ómögulega. n
Kristjana Guðbrandsdóttir
kristjana@dv.is Vinir segja Láru einnig
verða fyrir árásum
Samkvæmt heimildum DV
hefur Lára þurft að taka
erfiðar ákvarðanir sem hafa
bitnað á starfsmönnum
flokksins. Myndir SiGTryGGur Ari
Vilja að Lára sé áminnt Starfsmenn og dansarar dansflokksins vilja að ráðuneytið
áminni Láru vegna trúnaðarbrests, tilrauna til brota á kjarasamningi og slælegrar framkomu.
Flestir
með vinnu
Atvinnuleysi á meðal útskrif­
aðra laganema frá Háskólanum í
Reykjavík er lítið. Þetta eru niður­
stöður könnunar sem skólinn
gerði á meðal nemenda. Sam­
kvæmt henni eru þrír atvinnu­
lausir og einn ekki í lögfræði­
starfi. Könnunin var framkvæmd
þannig að hringt var í alla nem­
endur sem hafa útskrifast úr
meistaranámi lagadeildar skól­
ans frá fyrstu útskrift árið 2007
til ársins 2013. Í úrtakinu voru
369 lögfræðingar en alls svöruðu
193. Í sömu könnun kom fram að
flestir hinna útskrifuðu starfa hjá
lögfræðiskrifstofum annaðhvort
sem lögmenn eða fulltrúar eða 39
prósent, hjá opinberri stjórnsýslu
34 prósent og hjá fjármálafyrir­
tækjum starfa 17 prósent.
Samningurinn
samþykktur
Alþingi samþykkti á miðviku­
dag umdeildan fríverslunar­
samning við Kína. Samningur­
inn var samþykktur með miklum
meirihluta atkvæða en Gunn­
ar Bragi Sveinsson utanríkis­
ráðherra lagði samninginn fyrir
þingið en hann var undirritað­
ur á síðasta kjörtímabili. Með
tilkomu samningsins falla niður
tollar á flestum útflutningsafurð­
um Íslands. Samningurinn er
sá fyrsti sem Kína skrifar undir
við evrópskt ríki en Sviss skrifaði
undir sambærilegan samning
við Kína í júlí. Þó að samningur­
inn hafi verið samþykktur með
miklu meirihluta atkvæða á þingi
er ekki svo að allir séu ánægðir
með hann. Hafa stjórnvöld verið
gagnrýnd fyrir að gera fríverslun­
arsamning við ríki sem ekki virði
mannréttindi. Alþýðusamband
Íslands hefur til að mynda gagn­
rýnt samninginn harðlega.
Fengu hús
Tchenguiz
Fjárfestirinn Robert Tchengu­
iz, sem er Íslendingum kunnur
vegna viðskipta sinna við Kaup­
þing banka fyrir hrun, hefur
misst glæsivillu sína í London
til slitastjórnar bankans. Hann
fékk milljarða að láni hjá bank­
anum fyrir hrun en slitastjórn­
in telur hann skulda sér um 35
milljarða íslenskra króna. Húsið
sem um ræðir er metið á um 50
milljónir punda, jafnvirði um 9,5
milljarða króna. Viðskiptablað­
ið greindi frá þessu á fimmtudag.
Slitastjórnin hefur lagt undir sig
fleiri eignir kaupsýslumannsins á
undanförnu í gegnum málaferli
við hann.