Dagblaðið Vísir - DV - 28.02.2014, Side 20

Helgarblað 28. febrúar 201420 Fréttir Erlent
Svívirðileg
brot læknis
Kanadískur svæfingalæknir, Ge­
orge Doodnaught, hefur verið
dæmdur í 10 ára fangelsi fyrir
kynferðisbrot gegn 21 konu. Kon­
urnar sem Doodnaught braut
gegn voru sjúklingar hans. Þær
voru með meðvitund þegar
brotin voru framin en gátu ekki
spornað við brotunum vegna
lyfja sem Doodnaught gaf þeim.
Hann var sakfelldur fyrir að
kyssa, þukla og neyða konurnar
til munnmaka. Brotin áttu sér
stað á fjögurra ára tímabili, eða
allt til ársins 2010 þegar Dood­
naught var rekinn úr starfi.
Verjandi Doodnaught sagði
að lyfin sem konunum var gefið
hefðu valdið því að þær upplifðu
ofskynjanir. Óháður sérfræðingur
staðfesti það fyrir dómi, en það
dugði ekki til. Saksóknarar bentu
á að Doodnaught væri reyndur
svæfingalæknir og hann hefði
tímasett brot sín nákvæmlega svo
aðrir starfsmenn – hjúkrunar­
fræðingar og skurðlæknar meðal
annars – sæju ekki til hans.
Heimsmet í
víndrykkju
Íbúar í Vatíkaninu í Rómaborg á
Ítalíu eru heimsmethafar í vín­
drykkju. Íbúar þar drekka að að
meðaltali 74 lítra af víni á hverju
ári, eða 105 flöskur. Þetta er næst­
um helmingi meira magn en íbú­
ar Ítalíu drekka að meðaltali á ári
hverju. Það sem kann að skýra
þessa útkomu er að íbúar Vatí­
kansins eru fáir, eða um 800 tals­
ins. Flestir íbúar þar eru karlar,
yfirleitt vel menntaðir og komnir
yfir miðjan aldur, ef svo má segja.
Þá spilar það inn í að vín er ódýrt
í Vatíkaninu og nánast tollfrjálst.
Kvörtun Breivik
vísað frá
Lögreglan í Noregi segir að
enginn fótur sé fyrir ásökunum
fjöldamorðingjans Anders
Behring Breivik um að aðstæður í
fangelsinu þar sem hann afplánar
lífstíðardóm séu óbærilegar. Brei­
vik lagði fram formlega kvörtun til
dómsmálaráðuneytis Noregs í jan­
úar 2013 þar sem hann sagði með­
al annars hann mætti í raun sæta
pyntingum. Ekkert væri við að
vera í fangelsinu, hann sætti ítrek­
að líkamsleit og mætti ekki tjá sig.
Lögreglan tilkynnti í vikunni að
enginn fótur væri fyrir ásökunun­
um og ekki yrði brugðist við þeim.
Lögmaður Breivik sagði við AFP­
fréttastofuna að ákvörðunin hefði
ekki komið skjólstæðingi sínum
á óvart. „En það virðist vera sem
lögreglan hafi ekki viljað rannsaka
málið til hlítar,“ sagði hann.
Trúboðar bak við
glæpavæðinguna
n Samkynhneigð bönnuð í Úganda n „Lagalegur grundvöllur fyrir fordóma“
F
orseti Úganda, Yoweri
Museveni, skrifaði á mánu­
dag undir lög sem fela í sér
glæpavæðingu samkyn­
hneigðar, en lögin voru sam­
þykkt á úgandska þinginu 20. des­
ember í fyrra eftir að frumvarpið
var fyrst sett fram árið 2009. Þyngsti
dómur sem hægt er að fá vegna
samkynhneigðar í Úganda er lífs­
tíðarfangelsi en í fyrstu kváðu lögin
á um að dauðarefsingu skyldi beitt.
Spurningin hvort samkyn­
hneigð sé meðfædd eða val fólks
ræður miklu um viðhorf í landinu
og hefur verið lögð rík áhersla að
finna „sannanir“ í þeim efnum. Í
viðtali við bandarísku sjónvarps­
stöðina CNN á mánudag sagði
Museveni að kynferðisleg hegðun
væri val og að samkynhneigt fólk
væri „ógeðslegt“. Museveni veitti
hóp af úgöndskum vísindamönn­
um ríkisstjórnarinnar umboð til
þess að rannsaka hvort samkyn­
hneigð væri „lærð“ og komst
hópurinn að þeirri niðurstöðu að
samkynhneigð væri val. „Áður fyrr
leit ég á samkynhneigð sem með­
fætt vandamál, erfðafræðilega
brenglun, það voru mín rök. En nú
hafa vísindamennirnir okkar úti­
lokað þá skýringu,“ sagði forsetinn
meðal annars í viðtalinu.
Var forsetinn spurður hvort
honum líkaði persónulega illa við
samkynhneigða. „Auðvitað, þeir
eru ógeðslegir. Það sem þeir gera
er hræðilegt og ógeðslegt, en ég var
tilbúinn til þess að hundsa það ef
það fyndust sannanir fyrir því að
fólk fæddist svoleiðis en núna er
engin sönnun til staðar.“
Trúboðar frá Bandaríkjunum
áhrifavaldar
Konráð Guðjónsson kom heim til
Íslands í janúar eftir að hafa dval­
ið í fimm mánuði í Úganda, en
þar af var hann í fjóra mánuði í
starfsnámi hjá Þróunarsamvinnu­
stofnun í Kampala. Konráð vann
einnig sem sjálfboðaliði í þrjá
mánuði í Úganda árið 2009 á veg­
um Alþjóðlegra ungmennaskipta
auk þess sem hann hefur ferðast
um landið og um lönd í Austur­Afr­
íku. Konráð skrifar nú meistararit­
gerð sína í hagfræði við háskólann
í Warwick í Englandi. DV ræddi við
Konráð á dögunum um upplifun
hans á aðstæðum samkynhneigðra
í Úganda,
Konráð segir það hafa komið
sér á óvart að forsetinn hefði sam­
þykkt lögin. „Einhvern veginn er
búið að koma þeirri hugmynd að
að samkynhneigð sé ekki afrísk
og að samkynhneigð sem slík sé
flutt þarna inn.“ Nefnir Konráð
í því samhengi sterka hreyfingu
evangelískra trúboða frá Banda­
ríkjunum sem boðað hafa þá trú
í Úganda um árabil að samkyn­
hneigð sé synd. Víða hefur verið
fjallað um trúboðana í Úganda og
áróður þeirra gegn samkynhneigð.
Heimildamyndin God Loves Ug­
anda eftir Roger Ross Williams
kom út árið 2013 en hún fjallar
um tengsl á milli evangelískra trú­
boða í Bandaríkjunum og Úganda.
Í myndinni, sem hefur unnið til
fjölda verðlauna, er gefið í skyn
að áhrif trúboðanna í Úganda séu
ástæðan á bak við glæpavæðingu
samkynhneigðar í landinu.
„Lagalegur grundvöllur
fyrir fordóma“
Aðspurður hvort Konráð telji líklegt
að lögunum verði fylgt hart eftir
segir hann að það verði örugglega
eitthvað takmarkað, miðað við
hvernig lögum er fylgt eftir yfirleitt
í landinu. „Það sem er verst í þessu
er að þarna er kominn lagalegur
grundvöllur fyrir fordóma og fyrir
því að samkynhneigðir séu annars
flokks borgarar, þarna er búið að
festa það svo hryllilega í sessi. Það
sem gerðist til dæmis um leið og
lögin voru samþykkt í þinginu, þá
urðu einhverjir fyrir aðkasti, sem
var orðrómur um að væru samkyn­
hneigðir, án þess að löggan kæmi
nálægt því og án þess að það væri
búið að samþykkja þessi lög.“
Söfnunarátak Samtakanna '78
og Amnesty International
Samtökin '78 og Íslandsdeild Am­
nesty International, ásamt tóm­
stunda­ og félagsmálafræðinemum
við Háskóla Íslands, hófu í vikunni
söfnunarátak til þess að styðja við
hinsegin fólk í Úganda á erfiðum
tímum í baráttu þess. Verndari
átaksins eru Jóhanna Sigurðar­
dóttir, fyrrverandi forsætisráðherra
Íslands, og Páll Óskar Hjálmtýsson
tónlistarmaður. Þá verða haldnir
styrktartónleikar í Hörpu þann 6.
mars þar sem fram koma Hinsegin
kórinn, Sigga Beinteins og Stjórnin,
Páll Óskar og Retro Stefson, en allur
ágóði rennur óskiptur til hinsegin
fólks í Úganda. n
„Einhvern veginn er
búið að koma þeirri
hugmynd að að samkyn-
hneigð sé ekki afrísk og að
samkynhneigð sem slík sé
flutt þarna inn.
Yoweri Museveni
Forseti Úganda skrifar
undir lög sem glæpa-
væða samkynhneigð í
landinu. Þyngsti dómur
er dauðarefsing.
MYnd ReuTeRS
Fögnuður Presturinn Martin Ssempa (fyrir miðju) leiðir hóp andstæðinga samkynhneigð-
ar þar sem þeir fagna eftir að forseti Úganda, Yoweri Museveni, samþykkti lög á mánudag
sem kveða á um harðar refsingar vegna samkynhneigðar. MYnd ReuTeRS
erla Karlsdóttir
erlak@dv.is
Konráð Guðjónsson Er nýkominn heim
úr starfsnámi hjá Þróunarsamvinnustofnun
í Kampala í Úganda. Konráð segir það vera
verst að nú sé kominn lagalegur grundvöllur
fyrir því að samkynhneigðir séu annars
flokks borgarar. MYnd úR eInKASAFnI