Dagblaðið Vísir - DV - 28.02.2014, Side 44

Helgarblað 28. febrúar 201436 Lífsstíll
F
örðunarfræðingurinn Sir John
er einn af þeim sem sjá um að
farða söngkonuna Beyoncé.
Hann farðaði hana fyrir tón­
leikaferðalagið Mrs. Carter
og hannaði auk þess förðun á söng­
konuna fyrir átta tónlistarmyndbönd
af nýjustu plötu hennar, Beyoncé.
Sir John gaf lesendum bandaríska
tímaritsins ELLE nokkur förðunar­
ráð á dögunum og deildi í leiðinni
nokkrum af fegrunarleyndarmálum
söngkonunnar heimsfrægu.
Settu varagloss á augun
Sir John er ekki hrifinn af mjög glans­
andi vörum og finnst mattar varir
gefa fágaðri útkomu. Þess í stað vill
hann að fólk noti varagloss á augn­
lokin til að gefa augnskugganum
betri gljáa. Hann segir mikilvægt að
velja vatnsheldan augnskugga sem
endist lengi.
„Þú getur borið þessa augnskugga
sem endast lengi á augnlokið, leyft
þeim að þorna og bætt við örlitlu af
8 Hour Cream frá Elizabeth Arden
eða örlitlu af varaglossi með fingur­
gómunum – bara örlítið magn til að
gefa því smá gljáa,“ segir Sir John.
„Þú ert ekki að reyna að þekja
augnlokið eins og þú myndir gera
við varirnar. Þú vilt bara gefa auganu
gljáa svo það endurvarpi ljósi. Með
vatnsheldum augnskuggum undir
þarftu ekki að hafa áhyggjur af því að
þetta kámist.“
Hugsaðu vel um húðina
„Ég er mikið fyrir húðumhirðu. Farðu
og fáðu andlitssnyrtingu. Gerðu sjálf
maska úr haframjöli heima. Það er
engin leið að hylja slæma húð,“ segir
Sir John.
„Þú vilt ekki vera með neitt á
sumrin. Notaðu bara frábæran raka­
gjafa og smá af hyljara þar sem þú
þarft þess og slepptu öðru.“
Húðin á Beyoncé er alltaf
ljómandi og segir Sir John að
lykillinn að því sé mánaðar­
legur ensímaskrúbbur.
„Í hverju mánuði notum við
náttúrulegt ensímaskrúbb til að
auka veltu í frumum. Við göng­
um úr skugga um að vökvun henn­
ar sé á sem bestu stigi og svo losum
við okkur við dauðu húðfrumurnar.
Við höldum förðuninni hennar eins
þunnri og hægt er. Hún er stelpu­
leg stelpa en hún er ekki hrifin af
miklum farða. Ég reyni að ganga
úr skugga um að húðin undir sé
fullkomin og þá verður allt annað
hægðarleikur.“
Rauður varalitur á alltaf við
Sir John gefur ýmis ráð þegar kemur
að vali á varalit. Hann segir rauðan
varalit öruggt val, en hann sé einmitt
í uppáhaldi hjá söngkonunni.
„Beyoncé elskar rauðar varir,“
segir Sir John. „Og rauður með app­
elsínugulum tón lítur best út á henni
frá sjónarhorni förðunarfræðings.
Hún er móðir svo allt sem endist
lengi hentar henni betur.“
Sir John hvetur konur líka til að
prófa öðruvísi liti og að hans sögn er
fjólubleiki liturinn Radiant Orchid
eða „Ljómandi brönugras“ það
heitasta árið 2014. Þann lit má
meðal annars sjá á Beyoncé í
tónlistarmyndbandinu við lagið
No Angel en Sir John bendir á að
þær sem ekki vilja nota þennan
skemmtilega lit á varirnar geti
prófað hann á kinnarnar eða
sem naglalakk.
Óvæntir litir á varirnar
Að sögn Sir John eru neonlitir
nauðsynlegir fyrir alla sem vilja
tolla í tískunni í sumar en hann
vill sjá konur með vínrauða eða
berjarauða varaliti í sumar.
„Ég myndi vilja sjá konu að
kvöldi til í Miami, klædda neon­
lituðum kjól með plómulitaðar var­
ir til að jarðtengja það. Það er óhefð­
bundið,“ tekur hann sem dæmi.
Til að láta varalitinn end­
ast lengur og koma í veg fyrir að
hann kámist er gott að setja fyrst
varablýant, bera varalitinn á,
dusta síðan lausu púðri yfir var­
irnar og bera að lokum varalitinn
aftur á. n
Förðunarleyndarmál
Beyoncé Knowles
n Förðunarfræðingur söngkonunnar gefur ráð n Varagloss á augnlokin
Hörn Heiðarsdóttir
horn@dv.is
Sir John að störfum
Það er nokkuð ljóst að Beyoncé er í
góðum höndum.
Gloss á augnlokin
Rauðar varir
Berjarauðar varir
Góð húðumhirða Radiant Orchid
Rose Byrne
valin „andlit
framtíðarinnar“
Árleg verðlaun veitt af MaxMara
Ástralska leikkonan Rose Byrne
hlaut á dögunum verðlaunin
Women In Film Face of the
Future, en þau eru veitt af ítalska
tískuvörumerkinu MaxMara.
Verðlaunin hlaut Byrne fyrir
„framúrskarandi leiklistarafrek“
og var henni lýst sem „hold­
gervingi stíls og þokka“. Um­
rædd verðlaun voru fyrst veitt
árið 2006 og eru veitt leikkonum
sem eru á tímamótum á ferli sín­
um. Tilgangur þeirra er að heiðra
þær fyrir vinnu þeirra, framlag til
samfélagsins og stíl. Dæmi um
aðrar leikkonur sem hlotið hafa
verðlaunin eru Chloe Mortez,
Hailee Steinfeld, Katie Holmes
og Zoe Saldana.
Byrne mætti á tískusýningu
MaxMara í Mílanó á dögunum,
íklædd hvítum, síðum buxum
í víðu sniði, gylltum toppi og
svörtum bleiserjakka. Hún er
best þekkt fyrir hlutverk sín í
myndum á borð við Bridesmaids,
X­Men: First Class og The Place
Beyond the Pines, en hún mun
brátt birtast áhorfendum á hvíta
tjaldinu í nýrri endurgerð af
söngleiknum Annie.
Hattur Williams
boðinn upp
Brúni hatturinn sem bandaríski
söngvarinn og rapparinn Pharrell
Williams mætti með á Grammy­
verðlaunin fyrir skemmstu hefur
verið settur á uppboð. Hatturinn
er hönnun enska fatahönnuðar­
ins Vivienne Westwood og er í
raun endurgerð af hatti sem fyrst
sást í haustlínu Westwood árið
1982, en hann hefur vakið mikla
athygli eftir að Williams sást með
hann á rauða dreglinum. Nú hef­
ur tónlistarmaðurinn hins vegar
ákveðið að selja hann á eBay og
mun ágóðinn renna til góðgerða­
samtaka Williams, From One
Hand to Another. Lágmarksverð
fyrir hattinn voru 200 Banda­
ríkjadalir, um 30 þúsund krónur,
sem er það verð sem Williams
borgaði fyrir hann. Stuttu síðar
var hatturinn þó kominn upp í 10
þúsund dollara, eða rúmlega 1,5
milljónir króna.