Dagblaðið Vísir - DV - 28.03.2014, Blaðsíða 44

Helgarblað 28.–31. mars 201436 Lífsstíll
H
ver kannast ekki við að hafa
horft á bíómyndir þar sem
konan á hárgreiðslustof-
unni eða karlinn hjá rakar-
anum spjalla við starfsfólk-
ið um daginn og veginn, segja frá lífi
sínu … Kjaftasögur fylgja stundum
með. Spurning hvort svo sé í raun-
veruleikanum …
Svo eru það þeir sem ræða við
barþjóninn sem kemur jafnvel með
nokkur góð ráð. Hvað með félagana
í sjónvarpsþáttunum Staupasteini,
Cheers: „Hi, Norm,“ sagði fólkið
þegar Norm kom inn á barinn sem
talaði svo stundum um konu sína,
Veru …
Og hver kannast svo ekki við að
hafa farið í litun, klippingu eða hár-
greiðslu og farið að spjalla við hár-
greiðslukonuna eða rakarann um
daginn og veginn, líf sitt … Stóllinn
fyrir framan spegilinn er fastur liður
í lífi margra og það sama er að segja
um spjallið.
„Það myndast ákveðin tengsl og
hafa sumir kúnnarnir verið hjá mér
síðan ég var nemi,“ segir Alda Lár-
usdóttir, hárgreiðslumeistari á Salon
VEH, en tæp 20 ár eru liðin síðan
fyrsti kúnninn settist í stólinn. „Ég
er orðin eins og vinur sumra og það
myndast oft fallegt samband á milli
okkar.“
Kjaftasögur ekki kúl
Alda segir að hún hafi í fyrstu haldið
að fólkið í stólnum yrði meira í að
segja kjaftasögur og viðurkenn-
ir að hún hafi orðið hissa í byrjun
á því hvað sumir töluðu mikið um
persónuleg málefni.
„Ég reyni að stoppa það af þegar
fólk byrjar að segja kjaftasögur sem
eru aldrei af hinu góða; það er samt
ekki svo mikið um þær. Ég tek ekki
þátt í kjaftasögum; mér finnst það
ekki vera fagmannlegt að gera það.
Ég lærði að verða fagmaður og sá að
það væri ekki kúl að vera með kjafta-
sögur heldur vera meira vinur eða
persónulegur ráðgjafi varðandi hár.
Það er misjafn hvað fólk opnar sig
mikið t.d. um persónuleg mál. Sum-
ir eru búnir að vera lengi hjá mér en
opna sig aldrei sérstaklega mikið.
Aðrir opna sig meira.“
Alda hlustar ekki bara á viðskipta-
vinina tala um sig og sína.
„Kúnnarnir vita oft jafnmikið um
mig og ég um þá.“
Slaka á
Viðskiptavinirnir í stólnum tala með-
al annars um hvað þeir geri í hinu
daglega amstri en svo segir einn og
einn frá persónulegum málum.
„Fólk slakar á þegar það kemur á
hárgreiðslustofur, það byrjar að tala
og svo vindur það upp á sig þegar
maður sýnir viðbrögð.
Það var einu sinni virðuleg kona
sem sagði mér allt um ástamál sín
og hún sagði að ég væri eins og sál-
fræðingur. Þetta var ofsalega skrýtið.
Henni fannst greinilega gott að tala.
Hún hafði verið með manni sem lét
hana ekki í friði og það lá greinilega
þungt á henni. Hann hringdi í hana
dag og nótt. Hún sagðist ekki hafa
opnað sig mikið um þetta en svo
sagði hún frá þessu þegar hún slak-
aði á í hárgreiðslu.“
Jú, mörgum finnst gott að slaka á
þegar þeir fara á hárgreiðslu- og rak-
arastofu; svo eru náttúrlega sumir
sem sofna við vaskinn og tala nú ekki
á meðan heldur upplifa jafnvel æv-
intýri í draumalandinu.
„Ég man eftir konu sem var í hár-
þurrku sem fór allt í einu að gráta.
Þetta var óþægilegt. Svo kom í ljós að
barnabarnið hennar var lagt í einelti
í skólanum. Þetta er ótrúlega skrýt-
inn staður hvað varðar mannlegar
þarfir og samskipti.“
„Var svo sorglegt“
Aldar talar um líf og dauða; segir frá
viðskiptavini sem svipti sig lífi.
„Ég þekkti hann ekki utan
vinnunnar en við töluðum mikið
saman. Hann átti sín móment með
mér og við töluðum oft um að hitt-
ast og fá okkur í glas eftir vinnu. Við
vorum mjög náin án þess að vera
náin fyrir utan stólinn. Hann sagði til
dæmis frá því hvernig maki hans hélt
fram hjá honum og hann var alveg í
rusli. Þetta var ofsalega góður og fal-
legur einstaklingur í alla staði. Þetta
er svo sorglegt. Ég fór í jarðarförina
hans sem var fallegasta jarðarför
sem ég hef farið í. Hann situr alltaf í
mér. Þetta var yndisleg persóna.“
Margt leynist í pokanum
Alda segist taka margt nærri sér sem
fólkið – sálirnar – í stólnum segir
henni.
„Ég er samt kannski búin að
þróa með mér tækni; það má segja
að ég skilji þetta eftir í poka sem ég
loka fyrir og fer síðan heim og sinni
mínum málum. Þetta eru þó oftast
skemmtilegar sögur og skemmtileg
samskipti sem ég á við kúnnana.
Ég tala ekki um persónuleg mál
kúnnanna við aðra; nema kannski
kollega mína.“
Svört, brún, ljós, grát, jafnvel
blátt … Hárið sem Alda hefur klippt,
greitt, litað og reynt að hemja í tæp
20 ár er jafnólíkt fólkinu sem skart-
ar því. Hún hefur lært mikið á þess-
um árum.
Myndar tengsl
„Ég veit ekki hvað er á bak við hverja
manneskju fyrr en ég er búin að
þekkja hana í einhvern tíma. Maður
á aldrei að dæma fólk fyrirfram. Það
er ekki gott. Fólk getur verið ofsa-
lega brothætt þótt það virki ofsa-
lega töff. Það geta verið miklir erf-
iðleikar heima hjá því þótt það virki
ekki þannig. Maður veit aldrei hvað
er að gerast á bak við hverja sál. Ég
hef hitt fólk sem ég hef haldið að
sé með allt á hreinu en svo er allt í
klessu heima hjá því.“
Hún segist sjálf hafa gengið í
gegnum ýmislegt og geti ráðlegt
sumum. „Fólk kemur til mín aftur af
því að það myndast einhver tengsl,“
segir Alda en auðvitað kemur það
líka af því að það er ánægt með
klippinguna, litunina, hárgreiðsl-
una … „Ég hef ráðlagt viðskiptavin-
um og við höfum skipst á upplýs-
ingum eða reynslu.“
Á mannlegum og faglegum
nótum
Hún var 16 ára þegar hún hafði
hendur í hári fyrsta viðskiptavinarins
og síðan eru sem sé liðin tæp 20 ár.
„Þetta starf gefur mér mikið. Ég
læri mikið af alls konar flottu fólki
og ég tek inn það sem ég vil og skil
hitt eftir. Ég er ótrúlega þakklát fyr-
ir að vera í þessu starfi. Þetta er
mjög skemmtileg vinna af því að
hún er svo mannleg; fólk segir mér
til dæmis frá skemmtilegum ferð-
um sem það fer í … Þetta er þver-
skurðurinn af samfélaginu. Þetta er
svo skapandi og bæði á mannlegu
og faglegu nótunum. Mannlegt eðli
er svo margbrotið. Ég fæ svo ólíkar
týpur til mín og mér finnst fólk yfir-
höfuð vera svo fallegt. Það er ofsa-
lega gaman að geta myndað þessi
tengsl þegar fólk er svona einlægt
og það er í mörgum tilfellum ómet-
anlegt.“
Margir sýna í verki að þeir kunni
að meta afrakstur heimsóknarinn-
ar í stólinn – hvað hárið varðar og
kannski líka hvað sálina varðar.
„Ég hef fengið jólakort og
jólagjafir frá viðskiptavinum og ég
hef fengið blóm.“
Þótt Alda stingi því sem hún
heyrir í poka, loki fyrir og skilji eftir
í vinnunni þegar vinnudegi lýkur þá
hefur hún tekið jólakortin, jólagjaf-
irnar og blómin heim. Það á ekki
heima í lokuðum pokum. n
Svava Jónsdóttir
Sálin í stólnum
„Þetta er ótrúlega skrýtinn staður hvað varðar
mannlegar þarfir og samskipti,“ segir Alda
Lárusdóttir um samskipti sín við viðskiptavinina
í gegnum árin. Oft myndast sérstakt samband á
milli hárgreiðslufólks og viðskiptavina þess sem
felur í sér að ekki er bara rætt um daginn og veginn
á meðan hárið er snyrt og litað heldur er rætt um
persónuleg mál og jafnvel gefin ráð.„Það myndast
ákveðin tengsl
og hafa sumir kúnnarnir
verið hjá mér síðan ég
var nemi.
Hlustar á viðskiptavinina Alda
segist mynda tengsl við þá sem koma
til hennar í klippingu. Mynd Sigtryggur Ari
„Kúnnarnir
vita oft
jafnmikið um
mig og ég um þá
„Blauta
lúkkið“ í hárið
Eitt það heitasta í hártískunni um
þessar mundir er hið svokallaða
„blauta lúkk“ (e. wet look), en það
gengur út á það að láta hárið líta
út fyrir að vera blautt, líkt og við-
komandi sé nýkominn úr sturtu
eða af ströndinni. Blauta hártísk-
an hefur sést mikið undanfarið;
á tískupöllunum hjá hönnuðum
á borð við Alexander Wang og
hjá fræga fólkinu, en poppdívan
Beyoncé skartar til að mynda slíku
í myndbandinu við lagið Drunk
in Love. Blauta lúkkinu er tiltölu-
lega auðvelt að ná og það má út-
færa á marga vegu. Það eina sem
þarf til er gel og greiða, en eftir að
hafa borið gel í hárið er það greitt
aftur eða til hliðar eftir hentisemi
og smekk hvers og eins. Einnig er
hægt að nota hárlakk til að fá stíf-
ari áferð og „krumpa“ hárið til að
það fái fallega liði.
Gamlir smitast
síður af geispa
Við erum ólíklegri til að smit-
ast af geispum annarra þegar við
eldumst. Þetta kemur fram í nýrri
rannsókn.
Vísindamenn skoða nú hvort
getan til að smitast af geispa gangi
í arf í von um að ná árangri í með-
höndlun geðsjúkdóma.
Í rannsókninni, sem birtist í
vísindatímaritinu Plos One, kemur
fram að einhverfir einstaklingar
og geðklofasjúklingar geispa síður
en annað fólk þegar þeir sjá aðra
geispa. Vísindamenn vonast því
til að með því að skilja genin sem
stjórna geispanum verði hægt að
skilja einhverfu og geðklofa betur.
Fá egg auka
líkur á
fósturláti
Konur sem framleiða fá egg í
glasafrjóvgunarmeðferð eru lík-
legri til að missa fóstur. Þetta kem-
ur fram í nýrri rannsókn.
Vísindamenn skoðuðu gögn
yfir 100 þúsunda kvenna sem urðu
ófrískar eftir glasafrjóvgunarmeð-
ferð á árunum 1991 til 2008.
Um 20 prósent af þeim konum
sem framleiddu færri en fjögur
egg við örvun eggjastokka misstu
fóstur. Hlutfall fósturláta lækkaði
niður í 15,5 prósent hjá konum
sem framleiddu milli fjögurra og
níu eggja og 13,8 hjá konum sem
framleiddu 10 til 14 egg.
Rannsóknin var framkvæmd af
vísindamönnum við King's Colle-
ge-skólann í London og háskólann
í Birmingham.