Dagblaðið Vísir - DV - 28.03.2014, Blaðsíða 53

Helgarblað 28.–31. mars 2014 Menning 45
mikilli tónlist og hlustaði til að mynda
á Nino Rota, sem er hvað þekktastur
fyrir kvikmyndatónlistina í The God-
father-kvikmyndunum, einnig fyrir
tónlistina í Fellini-kvikmyndum sem
Steinunn hlustaði mikið á, Martin
Denny, föður hins exótíska, Love and
Rockets og Ymu Súmac. „Ég hugsaði
alltaf að ég yrði ábyggilega söngkona,
úti í skógi, eins og Yma Súmac sem var
Inka-prinsessa og söng með dýrunum
í skóginum. Mig langaði líka að vinna
á krana. Það var alltaf draumurinn því
þá er maður svo hátt uppi. Þannig að
tónlistarmaður í krana er ábyggilega
toppurinn.“
Skilur ekki pressuna um val
Hún segist þó aldrei hafa verið hrifin
af eilífðarspurningunni, hvað maður
á að verða þegar maður verður loks-
ins fullorðinn. „Ég vildi aldrei ákveða
mig en fann þó fyrir þeirri pressu á
unglingsaldrinum. Mér var sagt að ég
yrði að velja en mig langaði að gera
allt sem hugurinn girntist. Ég skildi
ekki af hverju allir þurftu að velja hvað
þeir vildu gera. Ég skil það ekki enn-
þá. Maður lifir mögulega lengi og það
er örugglega leiðinlegt til lengdar að
vera það sama allt sitt líf, nema mað-
ur hafi rosalegan áhuga á því,“ segir
Steinunn.
Þú sérð þá ekki fyrir þér að vera
ennþá dj. flugvél og geimskip þegar þú
verður sextug?
„Ég hef reyndar ekki hugsað svo
langt. En ég fór reyndar í myndlist í
Listaháskólanum. Þá átti ég að gera
myndlist en þá varð tónlist allt í einu
meira spennandi. Það er held ég
þess vegna sem ég er tónlistarmaður
núna. Ef ég hefði farið í tónlistarskóla
kannski, þá væri ég mögulega að gera
meiri myndlist. Ég er svolítið í því
að gera það sem ég á ekki að vera að
gera,“ segir Steinunn.
Dj. flugvél og geimskip varð til í
Menntaskólanum í Hamrahlíð sem
Steinunn sótti. „Þá hringdi ég í ein-
hverja vini mína og spurði þá hvort
þeir gætu hitt mig en þá voru þeir að
fara á hljómsveitaræfingu. Þá hugs-
aði ég bara: „Jæja, sama er mér. Ég
er bara líka að fara á hljómsveitar-
æfingu.“ Síðan fór ég og tók upp fullt
af lögum eitt kvöldið. Ég fór síðan
með þau á zip-diski í skólann og fékk
einn félaga minn til að breyta honum
í geisladisk í fyrri frímínútunum sem
ég seldi síðan í seinni frímínútunum,“
segir Steinunn. „Það var alveg frábært
að hafa tvennar frímínútur.“
Seinna voru haldnir tónleikar í
norðurkjallara MH þar sem vant-
aði skyndilega atriði á milli laga og
var ákveðið fát á tónleikahöldur-
um baksviðs. Steinunn stökk þá fram
og sagðist vera með atriði. Það var
nokkurn veginn byrjunin á ferli dj.
flugvélar og geimskips.
Hræðileg hugmynd
Hún segist þó aldrei hafa haft skýra
stefnu hvernig tónlist dj. flugvélar og
geimskips ætti að vera. „Ég veit það
ekki ennþá. Ég hef ekki hugmynd um
hvernig þetta er. En ég er fyrst núna að
hugsa hvernig þetta eigi mögulega að
vera. Ég hef nefnilega tekið eftir því að
fólk er að hreyfa sig í takt við tónlistina
á tónleikum og því langar mig að gera
Rau›arárstígur 14 · sími 551 0400 · www.myndlist.is
mánudaginn 31. mars, kl. 18
í Gallerí Fold, á Rauðarárstíg
Valtýr Pétursson
Á uppboðinu verður gott úrval verka samtímalistamanna svo og
fjöldi frábærra verka gömlu meistaranna.
Verkin verða sýnd í dag föstudag kl. 10–18, laugardag kl. 11–17,
sunnudag kl. 12–17, mánudag kl. 10–17
Hægt er að skoða uppboðsskrána á myndlist.is
Listmunauppboð
í Gallerí Fold
allavega eitt danslag á nýja disknum
sem ég er að gera. Reyndar reyndi ég
einu sinni að gera glaðlegt sumarlag.
Það var mjög erfitt. Ég gerði 20 vetrar-
lög og svo eitt um sólgleraugu. Síðan
kom sumarlag,“ segir Steinunn sem
virðist vera að fara í gegnum ferli sem
margir tónlistarmenn kynnast, að við-
brögð tónleikagesta hafa gjarnan áhrif
á tónlistarsköpunina.
„Ég hef tekið eftir því að það er
skemmtilegra að spila lög sem eru
dáleiðandi og dansvæn fyrir áhorf-
endur. Þegar ég fer síðan að búa til
lög þá ósjálfrátt fer ég að gera lög sem
ég hugsa að sé gaman að spila á tón-
leikum fyrir fólk, sem eru þá bæði
dáleiðandi lög og danslög. En þá verða
kannski út undan þeir sem liggja bara
heima undir sæng og hlusta á lögin. En
þeir verða þá bara að senda mér hug-
skeyti,“ segir Steinunn sem lítur þó ekki
á sig sem einhvers konar skemmtikraft.
„Nei, mér finnst það hræðileg hug-
mynd. Skemmtikraftur. Það hljómar
eins og hirðfífl. Það er örugglega síð-
asta áttin sem ég vil fara í. Þó ég sé
alveg til í að skemmta fólki, en ég vil
ekki verða skemmtikraftur. Það er eins
og munurinn á því að vera fyndinn
og segja brandara. Ég er mjög til í
skemmta einhverjum, en ég vil ekki
vera skemmtikraftur,“ segir Steinunn
og gæti mögulega hafa ljóstrað
þessari skoðun sinni upp í laginu um
Trommuþrælinn sem er að finna á
plötunni Glamúr í geimnum. Lagið
segir frá trommuþrælnum sem þarf
að spila hundrað lög þúsund sinn-
um fyrir kónginn langt fram á nótt,
nokkurs konar hirðfífl. Steinunn er þó
ekki hrifin af því að útskýra innihald
textasmíða sinna.
„Þetta er svona leyni. Eins og dulin
merking í málverkum. Eins og tarot-
spil sem eru eins og myndir en geta
sýnt hvað gerist í framtíðinni, ef mað-
ur hefur þekkinguna,“ segir Steinunn
sem hefur ítrekað verið spurð af hlust-
endum um meiningarnar á bak við
lögin en er þögul sem gröfin.
Rugluð eða skemmtileg, ekki bæði
Hún hefur fengið töluverða athygli
síðastliðna mánuði fyrir tónlist sína og
hafa margir sterkar skoðanir á henni,
eitthvað sem hefur komið Steinunni
á óvart. „Systir mín og kærasti henn-
ar hafa sent mér Facebook-umræð-
ur sem snúast um hvort ég sé geð-
veik eða ekki. Mér finnst það mjög
fyndið og skemmtilegt og furðulegt.
Bróðir vinar míns sagði mér frá um-
ræðu í skólanum sínum þar sem rifist
var um hvort ég væri skemmtileg, eða
hvort ég væri rugluð, sem er eins og
ég sagði áður, mjög fyndið. Að þeirra
mati verð ég að vera annað hvort, ég
get ekki verið bæði. Ég er samt aðal-
lega hissa á fólki sem finnst tónlistin
mín leiðinleg, mér finnst það skrýtið,“
segir Steinunn sem vinnur einnig á
bar í miðborginni og heyrir jafnan
eitthvað pukur um sig þar.
„Það gerist gjarnan að fólk vindur
sér upp að mér eftir að það er kom-
ið í glas og segir: Ert þú hún? Er þú
dj. flugvél og geimskip? Ég svara því
bara játandi og það verða allir voða
glaðir. Mér fannst þetta skrýtið fyrst
en er búin að venjast því núna. Líka
ef ég geng með bjór á meðal gest-
anna þá heyri ég kannski einhvern
hvísla: Þetta er dj. flugvél og geimskip.
Ég labba bara fram hjá og þykist ekki
vera að hlusta. Mér finnst það mjög
skemmtilegt. Það hefur enginn enn-
þá gengið upp að mér og lýst því yfir
að ég hafi skemmt í þeim eyrun eða
að ég hafi eyðilagt börnin þeirra,“ seg-
ir Steinunn.
Ýmsir hafa þó haldið því fram að
tónlist hennar sé samin fyrir börn
og hugnast henni alls ekki sú líking.
Hún segir það þó alveg mögulegt að
mörg börn kunni afskaplega vel við
tónlistina hennar. „En þau skilja bara
helminginn. Þau kunna eflaust að
meta hljóðin og textana ofan á en svo
eru rætur sem sumir fullorðnir skilja,
ef þeir reyna.“
Óendanlegir möguleikar
En hvað er það við geiminn sem heillar
hana svona mikið?
„Ég held að það sé bara af því að
við erum á jörðinni, þá er allt sem er
ekki á jörðinni mjög spennandi. Hér
erum við á jörðinni. Hér eru blóm,
hér er blár himinn, ein sól, eitt tungl
sem ég þekki voða vel. Tré og venju-
leg dýr. Það fær mann til að hugsa til
þess hvað sé í geimnum. Skrilljón sól-
ir, allt öðruvísi. Endalaust af möguleik-
um. Annað líf, kannski, einhvers stað-
ar. Þannig að allt sem er óþekkt og er
eitthvað nýtt og spennandi, það er
möguleiki á því í geimnum. Og enginn
veit með fullri vissu hvað hann er stór,
kannski er hann endalaus. Ég sé fyrir
mér að yst í geimnum, þar sem margir
telja endimörk hans vera, sé opið rými
fyrir óendanleika og allt. Það er aðal-
lega þetta sem er spennandi við geim-
inn, hann er óendanlega stór og hlað-
inn óendanlegum möguleikum á
einhverju nýju.“
Mamma sár
Hefur þessi geimáhugi fylgt þér alla tíð?
„Já, ég var alveg viss um að ég væri
utan úr geimnum þegar ég var lítil. Þá
gat ég alveg fundið plánetuna sem ég
var frá en get það ekki lengur. Þetta var
mjög óþægilegt fyrir mömmu þegar ég
sagði að hún væri ekki mamma mín.
„Þú ert ekki mamma mín,“ sagði ég. „Ég
er úr geimnum.“ Ég veit að mömmu
fannst þetta mjög leiðinlegt. En ég veit
það ekki, kannski er ég utan úr geimi.
Ég vona það. Það væri geðveikt ef ég
myndi komast að því einn daginn.“
Einn áhrifavaldur Steinunnar hef-
ur ekki enn verið nefndur en það er
tónlistarmaðurinn Joe Meek sem átti
afar örlagaríka ævi. Steinunn segir
geimplötu hans, I Hear a New World,
lýsa allri nálgun hennar á tónlist. „Það
lýsir því hvernig ég sé tónlist fyrir mér.
Tónlistin gefur manni möguleika á að
vera í öðrum heimi í þessum venju-
lega heimi sem mér finnst mjög
mikilvægt og er ein ástæðan fyrir því
að mér finnst svo gaman að búa til
tónlist.“
Steinunn á sér þann draum
að komast einn daginn út í geim.
Möguleikinn gæti verið til staðar með
væntanlegum farþegaferðum í geim-
inn í náinni framtíð. „Ef það verða far-
þegaferðir og ég á pening þá ætla ég
að drífa mig. Kannski verða skemmti-
ferðageimskip og þá vantar mögulega
tónlistaratriði sem ég gæti tekið að
mér gegn fari út í geiminn.“
Braut eigin reglu um fullt tungl
Lögin á plötunni Glamúr í geimnum
voru öll samin á eða í kringum fullt
tungl. „Það er löngu liðin tíð,“ segir
Steinunn um þá yfirlýstu stefnu henn-
ar að semja bara lög á fullu tungl. „Ég
hafði þetta ekkert sérstaklega sem
stefnu. Þegar ég gerði diskinn Glamúr
í geimnum þá komst ég að því að ég
lögin á honum höfðu eiginlega öll
orðið til á fullu tungli, eða í kringum
það. Þá fannst mér það fínt að halda
því áfram á meðan ég var að klára
þann disk. Svo finnst mér mjög leiðin-
legar svona reglur þannig að ég ákvað
að brjóta þær bara og gera bara lög
þegar mig langar til. Mér fannst það
líka bara mjög kúl að segja það en síð-
an nennti ég ekki að festa mig í því,“
segir Steinunn.
Biðst afsökunar opinberlega
Steinunn býr aðallega til tónlist á
nóttinni og er hægt að ímynda sér
að nágrannarnir í blokkinni gætu
sett eitthvað út á tónlistarsköp-
un Steinunnar á þeim tíma sólar-
hrings. Hún segist þó ekki hafa nein-
ar áhyggjur af því. „Ég er bara ekkert
að hlusta. Þeir eru örugglega pirrað-
ir. Ég hef einstaka sinnum heyrt ein-
hvern banka með kústi. Þegar ég er að
gera tónlist þá er ég ekkert að hlusta
eftir því hvort einhver sé að banka. En
ég biðst afsökunar á þessu núna opin-
berlega. Ég er að flytja á laugardaginn
þannig að þá losna þeir við mig,“ segir
Steinunn og hlær.
Því næst liggur leið okkar aftur inn
í hljóðverið þar sem Steinunn gefur
góðfúslegt leyfi fyrir myndatöku. Hún
er þó ekki til í að leyfa okkur að heyra
nýjustu lögin sem eru væntanleg á
nýrri plötu frá dj. flugvél og geimskipi.
Alls ekkert illa meint heldur vill hún
koma þessu frá sér fullsköpuðu áður
en hún útvarpar nýja efninu til fjöld-
ans. Platan verður gefin út af Mengi
sem Steinunn segir vera afskaplega
þægilegt fyrir sig. Útgáfubransinn er
mikið hark og hún rétt náði að koma út
á sléttu með plötuna Glamúr í geimn-
um sem hún gaf út sjálf. Hvenær þessi
nýja plata kemur út er óráðið en henn-
ar má vænta á árinu. Það er því ekkert
annað að gera fyrir aðdáendur hennar
en að bíða spenntir. n
„Það er aðallega þetta sem
er spennandi við geiminn,
hann er óendanlega stór og hlaðinn
óendanlegum möguleikum.