Fréttablaðið - 03.12.2014, Side 6

3. desember 2014 MIÐVIKUDAGUR| FRÉTTIR | 6
1. Hvað hafa margir kílómetrar af
framræsluskurðum verið grafnir á
Íslandi frá því um miðja síðustu öld?
2. Hvar er Karen Knútsdóttir atvinnu-
maður í handbolta?
3. Hvað heitir framkvæmdastjóri
Mannréttindaskrifstofu Íslands?
SVÖR:
1. 32 þúsund km. 2. Í Nice í Frakklandi.
3. Margrét Steinarsdóttir.
Jeppadekk
Jeppinn stendur ekki undir nafni nema hann sé vel dekkjaður.
Ef þú vilt nýta til fullnustu orku, aksturseiginleika og öryggi
jeppans, skiptir sköpum að velja dekk við hæfi.
Þjónustusími: 561 4200Bílabúð Benna dekkjaþjónusta
FERÐAÞJÓNUSTA Ferðaklúbbur-
inn 4x4 og Landvernd mótmæla
harðlega fyrirhuguðum áformum
Ragnheiðar Elínar Árnadóttur,
iðnaðar- og viðskiptaráðherra,
að gefa út náttúrupassa í þeim
tilgangi að auka tekjur af ferða-
þjónustu á Íslandi. Telja bæði
Landvernd og Ferðaklúbburinn
passann vera aðför að ferðafrelsi
á Íslandi.
Frumvarpið hefur verið kynnt
í ríkisstjórn og mun koma til
umfjöllunar Alþingis á vorþingi.
Um er að ræða heildstætt kerfi
sem hefur það að markmiði fyrst
og síðast að vernda náttúruna,
tryggja fjármögnun til verndunar
og viðhalds og til öryggis ferða-
manna.
Stjórn Samtaka ferðaþjónust-
unnar hefur einnig gagnrýnt þá
leið sem er farin í þessum efnum
og telur aðrar leiðir heppilegri til
að ná sama markmiði.
„Frá því lög voru sett í þessu
landi hafa einstaklingar getað
farið um íslenskt land og mönn-
um frjálst að ferðast um landið.
Nú er því frelsi, og almannarétti
landsmanna, stefnt í voða. Að
okkar mati kemur þetta ekki til
greina,“ segir Sveinbjörn Hall-
dórsson, formaður ferðaklúbbs-
ins 4x4.
Sveinbjörn telur einnig að
þessi hugmynd um náttúrupassa
sé illa ígrunduð og muni á end-
anum skaða íslenska ferðaþjón-
ustu. „Við teljum að þetta muni
skaða ferðaþjónustuna á endan-
um. Því er enn ósvarað hvernig
þessu verður háttað og hvern-
ig þetta verður útfært. Til að
mynda byggði félagið skála uppi
í Setbergi og við munum þurfa að
borga náttúrupassa til að fá að
fara í skálann okkar.“
Guðmundur Ingi Guðbrandsson,
framkvæmdastjóri Landverndar,
telur einnig að hugmyndin um
náttúrupassa sé neikvæð fyrir
ferðaþjónustu í landinu og minnir
á almannarétt landsmanna. „Það
eru aðrar færari leiðir í þessum
málum. Við erum sammála um að
það þurfi að byggja upp fjölsótta
ferðamannastaði og til þess þurfi
fjármagn. Hins vegar höfum við
bent á að gjald á gistinætur sé
heppilegri kostur fyrir ferða-
þjónustuna í landinu. Það er kerfi
sem er nú þegar til og auðvelt að
hrinda í framkvæmd. Þessi leið
sem er boðuð núna gæti reynst
kostnaðarsöm. Við teljum þetta
skaða ímynd ferðaþjónustunnar.
Ef hugsunin er sú að vera með
gæslu og kanna hvort ferðamenn
hafi keypt passann getur það haft
áhrif á upplifun ferðamanna af
landinu. Einnig verður að virða
almannarétt íbúa landsins.“
sveinn@frettabladid.is
FRÁ REYKJAHLÍÐ
Enn verður hægt
að rukka inn á
lönd í einkaeigu,
samhliða lögum
um náttúrupassa.
FRÉTTABLAÐIÐ/
VÖLUNDUR
Frjáls félagasamtök eru á
móti náttúrupassaleiðinni
Landvernd og 4x4 gagnrýna hugmyndir um náttúrupassa. Telja félögin að lög um frjálsa för ferðamanna um
landið eigi að virða. „Að okkar mati kemur þetta ekki til greina,“ segir Sveinbjörn Halldórsson, formaður 4x4.
FÉLAGSMÁL Ellen Calmon, formað-
ur Öryrkjabandalags Íslands (ÖBÍ),
gagnrýnir tillögu fjárlaganefndar
Alþingis um að hækka almannatrygg-
ingabætur um þrjú prósent en ekki
3,5 líkt og til stóð. Þriðja umræða
um málið fer fram á Alþingi í dag, á
alþjóðlegum degi fatlaðs fólks.
„Okkur finnst að þessi tillaga hljóti
að lýsa viðhorfi ríkisstjórnarinnar til
fólks með skerta starfsgetu,“ segir
Ellen. „Mér finnst þetta vera svona
„prinsippmál,“ að láta sér detta í hug
að hækka minna en til stóð.“
Grunnbætur almannatrygginga
eru í dag 188 þúsund krónur á mán-
uði fyrir skatt. Ellen segir ÖBÍ vilja
hækkun sem nemur um 25 þúsund
krónum á mánuði hið minnsta en fyr-
irhuguð hækkun stjórnvalda á grunn-
bótum næmi tæplega sex þúsund
krónum á mánuði.
„Þetta eru svo fáar krónur á mán-
uði,“ segir Ellen. „Þetta breytir ekki
lífi fólks. En 3,5 er auðvitað skárra
en þrjú prósent en það verður erfitt
að hrópa bravó fyrir hækkun sem er
bara dropi í hafið.“ - bá
Öryrkjabandalag Íslands gagnrýnir tillögu fjárlaganefndar um hækkun almannatryggingabóta:
Áætluð hækkun sögð vera „dropi í hafið“
ELLEN CALMON
Formaður ÖBÍ segir
„kaldhæðnislegt“
að umræður fari
fram um málið á
degi fatlaðs fólks.
FRÉTTABLAÐIÐ/GVA
SANDGERÐI Póst- og fjarskipta-
stofnun hefur samþykkt beiðni
Íslandspósts um heimild til að loka
póstþjónustu í Sandgerði frá og
með næstu áramótum. Þess í stað
mun póstbíll sjá um að þjónusta
íbúa bæjarfélagsins.
Allar sendingar munu fara frá
pósthúsinu í Keflavík og er áætlað
að fá fyrirtæki í bænum til að selja
frímerki. Svipað fyrirkomulag sé á
póstdreifingu á Flúðum, Stokks-
eyri, Hellissandi og Flateyri. Íbúar
Sandgerðis eru tæplega 1.600 og 14
fyrirtæki eru á staðnum. - joe
Póstbíll ekur eftir áramót:
Póstþjónustu í
Sandgerði hætt
PÓSTURINN Póstbíll tekur við af póst-
húsinu í Sandgerði. FRÉTTABLAÐIÐ/ARNÞÓR
WASHINGTON Ashton Carter er lík-
legur til að taka við af Chuck Hagel
sem varnarmálaráðherra Banda-
ríkjanna en Hagel sagði af sér
fyrir rúmri viku.
Skipunin hefur
þó enn ekki verið
staðfest.
Carter, sem
er menntaður
í eðlisfræði og
miðaldasögu,
var næstráð-
andi í Pentagon
frá október 2011 til síðustu ára-
móta. Hann er ötull fræðimaður.
Eftir hann liggja 11 bækur og yfir
100 greinar um eðlisfræði, tækni,
þjóðar öryggi og stjórnun. - joe
Arftaki ráðherra fundinn:
Carter tekur
við af Hagel
ASHTON CARTER
Það eru aðrar færari leiðir í þessum
málum. Við erum sammála um að það þurfi
að byggja upp fjölsótta ferðamannastaði og
til þess þurfi fjármagn. Hins vegar höfum við
bent á að gjald á gistinætur er heppilegri
kostur fyrir ferðaþjónustuna í landinu.
Guðmundur Ingi Guðbrandsson,
framkvæmdastjóri Landverndar.
VEISTU SVARIÐ?