Fréttablaðið - 03.12.2014, Qupperneq 28

FÓLK|FERÐIR
V ið köllum þetta jóla-annir. Laufáshópurinn svokallaði bregður sér í
hlutverk fjölskyldu sem undir-
býr komu jólanna, eins og gert
var í kringum árið 1900,“ segir
segir Valdís Viðarsdóttir, um-
sjónarkona og leiðsögumaður
í Laufási í Eyjafirði, en næst-
komandi sunnudag lifnar gamli
bærinn við.
Hægt verður að fylgjast með
„heimilisfólkinu“ klippa út
og búa til jólaskraut eins og
gert var í gamla daga, skera
út laufabrauð og fá að bragða
á hangikjöti í hlóðaeldhúsinu.
Þá verða bakaðar smákökur en
smákökubakstur ruddi sér til
rúms hér á landi snemma á 20.
öld þegar bakarofnar komu inn
á íslensk heimili.
„Í Laufási eru tvö eldhús.
Gamla hlóðaeldhúsið fékk
annað hlutverk þegar nýtt eld-
hús var byggt árið 1866 og ný
baðstofa. Í hlóðaeldhúsinu
verður reykta kjötið en kjötið
var hengt upp í rjáfur og reykt
meðan eldað var. Í nýja eld-
húsinu verða bakaðar smákök-
ur og brenndar kaffibaunir en
þær komu hráar í sekkjum og
þurfti fólk sjálft að brenna þær
og mala. Í baðstofunni mun
heimilisfólkið sitja á rúmum
og skera út laufabrauðið.
Hver fékk kannski bara eina
köku á jólunum og því var
vandað til verka. Þá bregður
sr. Bolli Pétur Bollason sér
í gamla prestshlutverkið og
sest á skrifstofuna við skriftir,
þjófótti jólasveinninn Mókollur
verður á ferðinni og stelur fyrir
framan heimilisfólkið, bæði
handa sér og handa krökk-
unum, spilað verður púkk og
hægt að fá heitt súkkulaði og
smákökur í prestssetrinu. Við
búumst við notalegri stemm-
ingu,“ segir Valdís en dagskráin
hefst á hugvekju í Laufáskirkju
klukkan 13.30 á sunnudaginn.
■ heida@365.is
JÓLAANNIR Í LAUFÁSI
JÓLASTEMMING Heimilislífið í gamla bænum í Laufási lifnar við um helgina
þegar Laufáshópurinn sýnir hvernig undirbúningi jólanna var háttað um 1900.
LAUFABRAUÐ Laufabrauðið verður fagurlega útskorið á sunnudaginn og hægt verður
að gæða sér á smákökum og hangikjöti. MYNDIR/LAUFÁS
JÓLAMATUR Hangikjötið var hengt upp
í rjáfur í hlóðaeldhúsinu.
GAMLI BÆRINN Dagskráin hefst klukkan 13.30 á sunnudaginn með hugvekju í kirkjunni.
TÓLGARKERTI Kertasteypa var eitt af þeim verkum sem unnin voru á aðventunni.
Parísartízkan býður upp á vandaðan tísku- og skófatnað frá Þýskalandi og Ítalíu í stærðum 36-50.
Áhersla er lögð á gæði og góða persónulega þjónustu.
Skipholti 29b • S. 551 0770
Parísartízkan
vertu vinur okkar á facebook
VETRARDAGAR
20% afsláttur af öllum fatnaði
Erum búin að kveikja á jólaljósunum og erum með heitt á könnunni.