Fréttablaðið - 03.12.2014, Qupperneq 10

3. desember 2014 MIÐVIKUDAGUR| FRÉTTIR | 10
RÚSSLAND Rússar hafa ákveðið að
hætta við lagningu gasleiðslu frá
Rússlandi til Evrópu, suður fyrir
Úkraínu. Bæði illvíg efnahagsvand-
ræði og refsiaðgerðir Evrópusam-
bandsins eiga sinn þátt í því.
Vladimír Pútín forseti skýrði frá
því á mánudagskvöld að líklega yrði
hætt við þessi áform. Hann hafði
varla sleppt orðinu þegar Alexej
Miller, forstjóri rússneska orkufyr-
irtækisins Gasprom, sagði að þau
hefðu nú verið blásin af.
Rússar eru farnir að finna tölu-
vert fyrir efnahagserfiðleikum,
sem að stórum hluta virðist mega
rekja annars vegar til almennrar
verðlækkunar á olíu í heiminum,
hins vegar til Úkraínustríðsins og
refsiaðgerða Vesturlanda.
Gengi rússnesku rúblunnar hefur
lækkað um rúmlega 40 prósent
síðan í janúar, og féll síðan hratt á
mánudaginn. Olíuverð hefur lækk-
að um 25 prósent síðan í sumar, en
útflutningur á olíu er meginuppi-
staðan í efnahagslífi Rússlands.
Rússar sjálfir reikna með efnahags-
kreppu á næsta ári.
Reyndar kemur gengisfall rúbl-
unnar sér ekki að öllu leyti illa
fyrir ríkissjóð Rússlands, því það
mildar áhrifin af verðlækkun olí-
unnar. Rússar fá að vísu færri dali
fyrir olíutunnuna, en í staðinn fá
þeir fyrir hvern dal fleiri rúblur í
ríkiskassann, og eiga þar með auð-
veldara með að standa undir reglu-
legum ríkisútgjöldum en annars
hefði orðið.
Þetta hefur þýska tímaritið Der
Spiegel eftir Chris Wafer, sem er
sérfræðingur í rússneskum efna-
hagsmálum.
Framkvæmdum við olíuleiðsluna
suður fyrir Úkraínu átti að ljúka
árið 2016. Áformin voru kynnt árið
2012 og framkvæmdir hófust nú í
sumar, en nú er ljóst að ekkert verð-
ur af þeim – í bili að minnsta kosti.
Leiðslan átti að verða nærri 2.400
kílómetra löng, kosta 16 milljarða
evra og flytja nægilegt gas handa
38 milljónum heimila í Evrópulönd-
um. Tilgangurinn var meðal annars
sá að losna við Úkraínu sem milli-
lið, vegna langvarandi ágreinings
stjórnvalda þar við Rússa.
Talið er að Rússar hafi þegar lagt
jafnvirði nærri fjögurra milljarða
evra í fjárfestinguna. Auk þess hafa
fyrirtæki í löndunum, sem leiðslan
átti að liggja um, þegar lagt í tölu-
verða fjárfestingu í samvinnu við
Gasprom.
Gasleiðslan átti að liggja frá aust-
urströnd Svartahafs og þaðan yfir
hafið til Búlgaríu, áfram í gegnum
Ungverjaland og Slóveníu allt til
landamæraborgarinnar Tarviso á
Ítalíu. gudsteinn@frettabladid.is
Rússland stefnir
í efnahagskreppu
Rússar hafa blásið af framkvæmdir við nýja gasleiðslu suður fyrir Úkraínu, til að
veita gasi frá Rússlandi til Evrópu. Gengi rúblunnar hefur sigið um 40 prósent frá
áramótum, en olíuverð í heiminum hefur lækkað um fjórðung síðan í sumar.
HÆTTU VIÐ FRAMKVÆMDIR Framkvæmdir við lagningu gasleiðslunnar voru kynntar með táknrænni viðhöfn fyrir rúmu ári.
NORDICPHOTOS/AFP
- Lifi› heil
SAMFÉLAGSMÁL „Okkur finnst skrítið hversu
erfitt er að fá menntunina metna en það
eru margir sem lenda í vandræðum með
þetta,“ segir Angelique Kelley sem situr í
stjórn Samtaka kvenna af erlendum upp-
runa á Íslandi. Fjallað hefur verið um málið
í blaðinu síðustu daga.
Samtökin hafa meðal annars beitt sér
fyrir því að hjálpa konum af erlendum upp-
runa að fá menntun sína viðurkennda. „Þetta
er oft erfitt og getur tekið mjög langan tíma.
Okkur finnst þetta skrítið af því Ísland er að
missa af tækifæri til þess að nota mennt-
un og þekkingu þessa fólks. Við myndum
vilja að þetta yrði skoðað betur og reynt
að einfalda þetta. Það væri gott að fá svör
við því af hverju þetta er svona. Það myndi
hjálpa mörgum,“ segir Angelique. Sjálf nam
hún snyrtifræði í Bandaríkjunum en getur
ekki starfað sem slíkur hér nema bæta við
menntun sína.
Samtökin hafa bent á að skýrari reglur
vanti um það hvernig menntun sé metin og
hvaða skilyrði umsækjendur þurfi að upp-
fylla. Fólk fái oft ekki útskýringu á því af
hverju menntun þess sé ekki metin og gefist
þá upp og fari að vinna við annað en það sem
það er menntað til. „Viðhorfið þarf að breyt-
ast, líka meðal stofnana og atvinnuveitenda
og það þarf að byrja að horfa á menntun inn-
flytjenda, sem og á menntun almennt, sem
auðlind og allar auðlindir þarf að nýta skyn-
samlega,“ segir Anna Katarzyna Wozniczka,
formaður samtakanna. „Það mætti líka
endur skoða íslenskukennslu, og þá sérstak-
lega kennslu á háskólastigi og tengja hana
frekar við mismunandi deildir, hafa hana
hagnýta til dæmis. Ef það eina sem vantar
hjá erlendum læknum er tungumálið, þá ætti
að bjóða upp á íslenskunámskeið við lækna-
deild. Þetta er fjárfesting sem myndi nýtast
öllum,“ segir Anna. - vh
Samtök kvenna af erlendum uppruna segja mikilvægt að horfa á menntun innflytjenda sem auðlind sem þurfi að nýta:
Skýra þarf reglur og skilyrði vegna mats á námi
ANNA OG ANGELIQUE Samtök kvenna af erlend-
um uppruna telja að margt þurfi að bæta.
FRÉTTABLAÐIÐ/STEFÁN
milljörðum evra,
tæplega 2.500
milljörðum króna, átti að
verja til lagningar gasleiðslu
suður fyrir Úkraínu.
16